مرحبا
أخباركــــمـ؟
من قبل شهر تقريبا رحت مع اختي بيوتي تك عشان نعالج قمت راسنا الي بقى فيها شعرتين ونص!
رحنا وعلى طول دخلنا و شافتنا الخبيره وقالت احسن شي لكم اهوا جهاز الليزر HLCC اهوا جهاز يخفف من تساقط الشعر ويجدد البصيلات واهم شي ان مافي ابر وينفع للجنسين..
العلاج عباره عن 16 جلسه ،كل اسبوع جلستين ومن بعد الجلسه الثامنه تصير جلسه وحده بس بالاسبوع وتكلفته كامل 416 دينار
أول جلسه لنا كانت بتاريخ2_مارس2010
عطونا الادويه الي لازم نحطها بالبيت عباره عن 6 شغلات ...
1_ Scalp therapyحطتلنا ياه وقعدنا فيه ثلث ساعه.
2_ الشامبو والكونديشينرغسلت شعورنا بالشامبو وبعدها حطت البلسم تقريبا 3 دقايق
ومن بعده حطت لنا امبولات من عندهم وقامت ادخل اصابيعها بقمت راسنا اقصد ادلكنا الله يهداها ايدها عرده بس يالله شنسوي المهم يطلع الشعر :s
ولبستنا النظاره وقعدنا تحت جهاز الليزر نص ساعه.
3_ minoxidil 5% in carrier lotion
ولما ردينا البيت بالليل حطينا اللوشن اهوا مركز ينحط عالجذور.. بس عالاماكن الي الشعر فيها شويه يعني مو على كل الشعر.
4_ coenzyme topical growth therapy
اهوا عباره عن جل ينحط على الجذور على كل الشعر
5_ حبوب فيتامينات حبتين باليوم وحده الصبح والثانيه بالليل.
العلاج اهوا عباله شويه ويبيله احد يلتزم فيه ..انا الحمدالله لحد الحين ملتزمه لحد ما خخخ
انا الحين صارلي شهر الي لاحظته ان التساقط خف واايد ماقام يطيح بهبل مثل قبل واطلعتلي شعيرات صغييره من جدام :d
وبكمل معاهم وبشوف اخرتها مع هالشعر..وقالتلي بعد راح تسويلي كيراتين علاجي بس ماادري متردده:s
أي وبعد اختي الثالثه قاعده تسوي جلسات عنايه بالبشره بشوف اذا فاد معاها بسوي عندهم
وبس حيااكم :)
مدمدمدمدمدمدمدمد وينج ماشوفج :(..
ردحذفماسوت هالايفون قلنا بتشبك اكثر طلع العكس اختفيتي :\
وايد عندي قرقه شكلي بقزرها اوف لاين خخخ..
المهم الكورس ان شاءالله يكون مفيد و يصير شعرج مثل الباروكة :)
وحاولي تلتزمين مدام في نتايج ..
قبل فتره بنات الدوام مادحين صالون اسمه برونيل شي جذي يسوي 5 جلسات ب20 بس نظامه خايس تمين ماتسبحين عقب مايحطون لج ثوم :\
ومشكوره..
اي هذا المطلووووب
ردحذفهالأيام شعري يطيح بشكل مو طبيعي
لما امشطه الي بالارض اكثر من الي براسي ههههههه
بس يبيله ميزانيه :(
الادويه سعرهم بروح ولا مع الكورس؟
رورو مي تو قلبي متروسه من زمان ماقرقنا :s
ردحذفانا الصبح لما اشوفج شابكه انا يكون عندي شغل
وترى انا على طول اون لاين:d
والصالون الي قلتي عنه سامعه فيه بس مابي ثووم ريحته فضيحه خخخخخخ انا ودي اجرب ماسكات وجاري البحث ان شاء الله
وحيااج الله
هلا جايونة
ردحذفيقولون ان الشعر اذا طاح وايد تكون النفسيه تعبانه
وترى الدفع بالاقساط يعني كل شهر ١٠٠ او على حسب الي عندج
والادويه ماادري اتصدقين اظاهر من ضمن ال٦٠٠ لان اول مارحنا دفعت ١٠٠ والجلسه الاولى عطوني الادويه بس مادفعت شي لازم اسالهم اتاكد:)
وحيااج الله
الحمدلله نفسيتي اوكي بس مادري ليش يطيح
ردحذفقبل كان يطيح وايد ايام الامتحانات الحين بالله شنو عندي لا امتحانات ولا دوام بس مادري شسالفته
مشكوره :)
واااايد أدوية ..كم الواحد بيلحق ><
ردحذف...وصح بعد يباله ميزانية عدلة
..عساج عالقوة ..وان شالله يكون له نتيجة ^^
دمت بخير~
جايونة
ردحذفاخاف اكلج مو صحي.. صرت الدكتوره شريفه خخخ
om hrooby
ردحذفاي صاجه لويه بس شنسوي الحق على هالشعرتين تونا صغار عالتقرع :s
ان شاءالله ينفعج و يتحقق اللي تبينه :)
ردحذفhopeless sight
ردحذفان شاء الله :)
وحيااج الله
مسااء الخيير
ردحذفانا حاب اعرف كم نسبة التساقط قبل وبعد وهل خلصتي الجلسات ومازال في تساقط ولا لا وكم عدد الشعر اللي يتساقط بعد العلاج
--------------------------------------------
وبالنسبة لتجربتي انا سويت كورسات علاج 16 جلسة بجهاز الاشعة فوق البنفسجية لانه كان عندي تساقط فقط
وحسيت فيه شعر ينبت عندي بس احس عندي تساقط حوالي 30 شعرة وكان سعر علاجي بعد الطاق مطاقق وصل 160دك
------------------------------------------
اللي ابيج تفيديني فيه علاج الليزر مع انه اغلى هل هو نفس النتيجة معاج ولا مازال فيه تساقط عندج لانه يقولي التساقط اللي عندي هذا لازم وهو طبيعي
What's up, its good paragraph regarding media print, we all be aware of media is a wonderful source of information.
ردحذفHere is my website ; GFI Norte