قبل جم يوم اسالتني رورو اذا تعرفين الليفة السحرية
قلت لها اي اعرفها مستخدمتها من زمان وناوية انزل بوست عنها وطبعا كل يوم اقول باجر بنزل البوست
هذي اهيا صورتها_لونها رايح ادري_
استخدمتها سنه ثانيه او ثالثه جامعه يعني قبل 5 او 6 سنين
طلبتها من قناه اعلانيه لبنانيه كان سعرها ب10 دنانير بصراحه ماادري اذا موجوده للحين هالقناه او سكروها!
طريقه استخدامها:
الجسم يكون مبلل بس بماي بدون صابون وتلبسون ال glove و تفركون جسمكم بس شوي شوي عشان لاتجرحون يلدكم
راح تلاحظون ان اليلد الميت بيطلع او باللغه العامية يسمونه بلاليط:S
ماكنت استخدمها يوميا يعني بالاسبوع مره او مرتين
تركزون فيها عالمناطق الي تكون غامجه (الاكواع_الركب)
انا لاحظت ان اللون خف واليلد يكون ناعم عقب الاستخدام و انا بعد لازم احط كريم مرطب مايكون معطر
دخلت منتدى كويتيات لاحظت انهم مسويه ضجه عليهاا ..استغربت شمعنى الحين مع ان الليفه موجوده قبل سنين!
الي يبي يطلبها موجوده بالنت كذا سايت موفرها
وهم رورو قالتلي ان في وحده تبيعها بمنتدى كويتيات
مرسي ع بوست..
ردحذفامس اخت رفيجتي طلبتها لي , ومن الحين ليما توصل ماراح اتسبح خخخ..
رورو
ردحذفولو
لا واضح حماسج لاستخدام الليفه:p
أزال المؤلف هذا التعليق.
ردحذفمشكوره على البوست
ردحذفما تدرين ببنات الكويت الله يهدانا كلنا نهب بالشي مره وحده ههه
مع اني مو سامعه فيها بس شكلي بجربها :>
الله على شرحج صج سحرية :p
ردحذفاول مرة اسمع عنها
وصج بالكويت كل شي هبة
يعطيج العافية ^^
لووووووووووووول
ردحذفالليفه وصلت لي هني
ترا انا اللي ابيعها اذا تبون
بس مو نفس اللي بالصوره غييييييير
اطلبها من موقعها الرسمي
:)
بنت الديرة
ردحذفولو العفو
على قولتج احنا مشالله اهل الهبه
وحيااج الله
هلا والله بهديل
ردحذفواحنا بعد فينا طبع الي يكون عند الغير لازم يكون عندنا خخخ
الله يعافيج
غير معرف
ردحذفدام ان بنات الكويت هبوا فيها توقعي توصل لكل مكان :P
وموفقه خير