الأحد، 26 سبتمبر، 2010

Nivea_Double Designer Black Mystic_

مرحباا






جربت ماسكرا نيفيا اليديده






اسمها

Double Designer Black Mystic

وهذي نبذه عنها من السايت


تصميم مستلهم من لؤلؤ تاهيتي الأسود النادر والثمين، المعروف بجماله الخالص ومواصفاته الساحرة، مسكارا
Double Designer Black Mystic تمنحك أسطورة اللؤلؤ الأسود في رموشك.

المسكارا ذات الفرشاتين تجمع بين المسكارا باللون الأسود في طرف، ومفعول اللون الأسود الغني في الطرف الآخر. وبرفاهيتها مثل لؤلؤ تاهيتي الأسود، ستضيف المزيد من الجاذبية النادرة لرموشك.
المفعول المزدوج والقوي للمسكارا الأكثر سواداً يمنح الرموش لوناً مزدوجاً، بينما توفر الفرشاتان أفضل نتائج تكثيف وفصل للرموش.

واللنك..




عقب ماقريتوا الحجي الحلو والمنمق
خل اقولكم تجربتي



1_اول فرشه لها الي اهيا (black volume)

ماحبيتها ماتكثف بس تفرق الرموش عدل


2_ الجزء الثاني (pearly black )

هذي الفرشه حبيتها تعطي لمعه حلوة ..بعض المرات لما نحط الماسكرا مع الوقت تنشف ويقلب لونها رمادي اما هذي لا تعطي لمعه وتخليهم جنه توه حاطين الماسكرا

سعرها4،750



وانا من قبل مجربه من كفر غيرل ماسكرا اسمها (lash blast luxe) كاتبين انها تعطي لمعه بس لما جربتها طلعت العكس تغبر الرموش!

الخميس، 23 سبتمبر، 2010

دايسو



هالمره رحت دايسو الي بالفروانية ولا مره رحتله كل مره اروح الي بالسالمية


كنت ابي شغلات وفناتق غريبه بس عادي ماكو شي يديد


بس خذيتلي جم شغله





_1_







حمره سودة تحطونها بالفراغات الي تصير بالشعر..تحطون منه شويه وتموهونه بطرف صبعكم عشان لايطلع غامج


عادي يروح بالغسال لا تخافون


سعره بـ2،500





_2_











سنفره تشيل الشعر الي بالجسم ،ماتشيله من جذوره بس تقطعه مثل نتيجه الموس..هذي قبل كنت اخذها من جمعية القادسيه بس مو نفسها بالضبط لا غير بس نفس الفكره وصارلها فتره منقطعه عاد لقيتها عندهم


استعمالها سهل تفركون فيها الجسم بحركات دائريه( باتجاه_عكس )عقارب الساعه ..

سعره ب،600 فلس





_3_












هذا تكرمون (ميني حمام ) لوقت الازمات يستخدم حق اذا انحصرتوا بالسياره او حسيتوا بلوعه


فرغوا شغلكم وحذفوه بزباله !


ان شاء الله مااضطر اني استخدمه!


سعرهبـ600 فلس







الثلاثاء، 21 سبتمبر، 2010

كميات كبيره من (العلوج) المعجونة بالكحول تباع في الجمعيات والمحلات

هالخبر قريته اليوم بجريدة الوطن



http://alwatan.kuwait.tt/ArticleDetails.aspx?Id=55492








وقراده طلع نفس العلج الي احبه (mentos)
بس اهما حاطين الي لونه وردي و انا الي عندي الاحمر..ماادري فيه ولا لأ!





الاثنين، 20 سبتمبر، 2010

سلحوفتي اليديدة

صار عندي سلحوفة يديدة
وسميتها
(المنقووزة)
وسبب التسمية انها ماتمشي تنقز وكله متعلقه بالطوفة..نوع يديد من السلاحف والله العالم
بس شكلها بتعبني لان من ثاني يوم طالعه من البيت لان ابوي مخلي الباب مفتوح وقعدت تحووس عند بيت ييرانه!
اشوه خدامتنا لحقت عليها جان كرفتها سياره ولا كلاها القطو


















الأربعاء، 15 سبتمبر، 2010

توريد طبيعي

مرحبا
اليوم حابة اقولكم عن شي استخدمته من فتره
الي اهوا منتج من زين الاتات
(وردي الى الابد)





ينحط عالاماكن الي تبين توردينها مثل(الشفايف-الخدود-الاماكن الحساسه)


طريقة الاستعمال سهله يستخدم مرتين باليوم تحطينه وتسوين تدليك بسيط وتخلينه او تغسلينه عادي ..اهوا مع التدليك يروح ماله داعي ينغسل،واذا استخدم لمده شهر النتيجه راح اطول معاج.
سعره 27 دينار
عندهم فرع بالعربيد بلازا فوق والجهرا بس الجهرا وين ماادري
وخدمه توصيل 65707744_ 67096557







واذا تبون تحصلون على نفس نتيجه منتج زين بس ارخص في حواي القادسيه خذيت منه كريم عباره عن العكرالفاسي(دم الغزال)+فازلين طبي..
والاستخدام متى ما حسيت ان شفايفي ناشفه حطيت منه
وسعره 2،750


والي حابه تسويه بنفسها تاخذ فازلين من الجمعيه والعكر الفاسي موجود بالحواي بس حطوا شويه منه لا تكثرون لان راح يدمركم

الاثنين، 13 سبتمبر، 2010

الفراغه وماتسوي



من فتره شفت بمجله (نسيت اسمها) بصفحه الطبخ شلون يزينون التوست والاكل عشان يشجعون اليهال عالاكل..
وامس كنت فاضيه قلت خل اسوي بس على حظي عيال اختي مازارونا
المقادير :
توست_مرتديلا_خيار_ليمون_فراوله_خس_كاتشب_جبن مراعي_زيتون_الاحساس الفني والابداعي!
















الجمعة، 10 سبتمبر، 2010

كل عام وانتم بخير

هذا اول الخير من اختي الكبيره
يالله انك تكثر العيادي






حلو العيد
كنت ناوية عليه بس فشله يعني نقدمه للناس مأكول منه





الأربعاء، 8 سبتمبر، 2010

Cake`n Bake


شفت اعلان (كيكه الفليك) من Cake`n Bake بجريدة الأنباء
واتصلت فيهم طلبتها ..احلى شي انهم يوصلون





ترى الفليك بس ناثرينه فوق الكيكه
وداخلها كاكاو مع كريمه


سعرها ب8

الاثنين، 6 سبتمبر، 2010

زهور الريف

من بعد حنه على اختي امس رضت توديني العربيد البلازا
كنت ابي اروح زهور الريف



لان في وايد مادحين (مجموعه نبتون) وبكذا منتدى كاتبين انها تشابه ريحة الصابون ..
اول مادخلت قتله ابي الي يقولون ريحته صابون عاد على طول عرفه ..قلت اخييه وصلنا خير اخييرا بلقى عطر ريحته صابون
اول ماشميته قتله هذا الي ريحته صابون!!
قال اي هذا المشهور بريحه الصابون
المهم خذيته لان هاليومين حاسه الشم والسمع والنظر لكم عليها شويه
قلت يمكن لي رديت البيت يتعدل الشم عندي
وبعدين خفت مااخذه اتحسف لان المكان بعيد ومااقدر اروحله بروحي
خذيت البودي لوشن+البودي سبراي+البودر ب 17
رجعت البيت وشميته عدل وشممته اختي وحطيت منهم بس بصراحه ما قرب صوب الصابون اهوا يمكن قصدهم قريب من ريحه صابون الهدوم الي يكون بودر تايد وغيره




والشي الثاني الي خذيته اهوا بودي سبراي (سويت كاميليا) الي صاير عاليمين ب3,950 والي يمه علبتين البخاخ سوولي مخلط للشعر والجسم سويت كاميليا وستروبري ب8,100




وعطر للملابس وشور جل على ليمون اخضر بس الريحه يايه على عطر فرنسي اكثر والسعر ممم جنه ب10




وبابونتين بالنبات البحري تقشير وتزيل الخلايا الميته



وهذول الهدايا زيوت عطريه









الخميس، 2 سبتمبر، 2010

Mobile Phone Zoom+

امس اختي شرت حق امي موبايل زووم وماادري شلون نقنع امي انها تستخدمه لانها من اشد المعارضين للطكنولوجيا!

اذا اللاب توب تسميه هارتوب!!






احنا الي تعبثنا فيه ولا اهيا ماتدري عنه
ارقامه تونس كبيره حييل
الي خذته اختي القديم وفي ايدد منه بس نفس الشكل وفيه بلوتوث وكاميرا ولما تضغطون عالارقام يقولها بصوت عالي حده فضيحه يعني الي يسمعها بقول الحجيه قاعده ترقمنا خخ






سعره بحدود ال29


##اضافه صور




اهم شي الليت :P