الأحد، 30 يناير، 2011

Extrafoot_SLIPPERS_

شفت هالسليبر في مركز سلطان

فكرته ان يشيل اليلد(الجلد) الميت من قاعه الريول
لان في قاعه السليبر مثل الليفه
تنلبس عقب الحمام لان الريول تكون طريه


في منه 3 الوان
(وردي_احمر_كحلي)






خذيت الحمره
كنت ابي الورديه بس مافي لا لارج ولا ميديم
اهما قياسات سمول وميديم ولارج واكس لارج
انا البس 38 او 39 وخذيت قياس اللارج كبيره شوي بس مافي ميديم




سعرها دينارين ونص
و صنع في الكويت ترى :P

الخميس، 27 يناير، 2011

مقات الأبراج

شفت هالمقات عجبوني على ابراج مع التواريخ






 برج الدلو حق اختي الوسطيه



برج الحمل لاختي الكبيره


برج الاسد لي انا



تحصلونهم في سنتربوينت على دينارين

الثلاثاء، 25 يناير، 2011

Splash


عجبتني فكره هالجاكيت من ماركه سبلاش

اهيا فكرته ان ال headphones  منه وفيه


هذي اهيا السماعات



وهني المخبى لما تفتحونها


تطلعلكم الوصله


وانا هني وصلته بالعايفون
وقعدت اسمع اغاني و الصوت واضح وزين


يشتغل على كل الموبايلات والايبود
خذيته من سبلاش سنتربوينت على 12,900
بس لقيت اللون الفوشي ماشفت الوان ثانيه

الاثنين، 24 يناير، 2011

تمنى الخير

مرحبا

من بعد مانزلت شخبوطة بوست عن روحتها لتمنى الخير





رحت قلت حق اختي وقررنا اليوم الصبح نروح بس انا كشت فيها ونمت وخلينا روحتنا لبعد الظهر

وهذي اهيا المشتريات


بابونة





لبنه ماعز


جبنة عكاوي كليت منها شوي حلوة






زبده


كركديه حق امي




زيت زيتون


بيض

الفاتوره ماصورتها
كله طلع ب13 وشي

الأحد، 23 يناير، 2011

أطول سلسله بالونات في العالم

رحت المارينا ولا اشوف بالونات معلقينها فوق ماادري شسالفه
بعدين عاد قريت

 أطول سلسله بالونات في العالم


الجمعة، 21 يناير، 2011

عرض كيك ن بيك


امس شفت عرضهم بجريده الوطن
وطلبتها للعصر

الحلو فيهم انهم يوصلون





العرض عباره عن كيك(لازم تكون كيكه الكت كات) ومعاه مجانا سله معجنات

الكيكه داخلها كاكاو وفيها طبقه كت كات




العرض ب9 دنانير

الخميس، 20 يناير، 2011

في مواقف السيارات

من توظفت وانا كله اشوف جلبين بمواقف السيارات واحد ابيض والثاني اسود

وحاليا الاسود ماقمت اشوفه ماادري شفيه بس الابيض موجود

انا العاده اخاف منهم بس اذا ربوه عادي مااخاف

هذول شكلهم كيوت وذربين حتى ولا مره سمعتهم ينابحون!



هذا اهوا الابيض





الأربعاء، 19 يناير، 2011

كوب كاميرا كانون

اختي هالايام هابه بالتصوير
وخذتلها كاميرا كانون من الغانم ومابقى شي ماصورته!

وانا احوس بمنتدى كويتيات لقيت وحده تبيع اكواب على شكل عدسات الكاميرا
عاد طلبت لها واحد








تحصلون الي تبيعه بهاللنك


http://q8yat.net/showthread.php?t=769688



الاثنين، 17 يناير، 2011

CANDY FLOSS

من شهرين هابه بشعر بنات  اخذه من مركز سلطان
اسمه

CANDY FLOSS

احلى شعر بنات جربته للحين



الأحد، 16 يناير، 2011

حلويات عواشة

 ماادري شطرى علينا اشتهينا لقيمات
عاد اختي طلبت من حلويات عواشة




حلوه لقيمات ملوتها ومشالله ماتخترب لي ثاني يوم




وهالمره جربنا بلح الشام بس انا ماعجبتني

رقمهم للتوصيل

عندهم كذا رقم بحط الي عندي
24710900
99355865

الأربعاء، 12 يناير، 2011

VICTORIA`S SECRET_SO SEXY_

مرحبا

من اول ماقريت افتتاح فكتوريا سيكرت بالمارينا وانا كل يوم اليوم بروحله عاد امس كنت بالمارينا ومريته

الي ابيه ماحصلته

جان اخذلي شامبو والكونديشينر ماله
من مجموعه

SO SEXY
STRONGE &SHINY

اهما 4 او 3 مجموعات بس







امس جربته ريحته حييل حلوة وتثبت بالشعر حتى مع الاستشوار ماراحت
وحسيت شعري في لمعه ونعومه بعد

الشامبو والكونديشنر ب8

الأحد، 9 يناير، 2011

كابتشينو بالكولاجين

مرحباا


هالايام هابة ادور المنتجات الي فيها كولاجين لانها مفيده للبشره
جربت منتجات استيفيز الي فيها كولاجين واحد للايد والثاني للجسم والويه بس ماحطيته على ويهي بس جسمي واايد حلوين للترطيب


وذيك المره رحت مركز سلطان وشفت كابتشينو بالكولاجين






وانا من قبل قاريه ان في بنات يستخدمون قهوه الكولاجين ويشربونها بشكل يومي وشافوا انها تعطي نتايج حلوة للبشره
بس الي خذيتها كابتشينو مالقيت القهوه بروحها الي حاطينها بالمنتديات

طعمها مقبول بس فيها عيب تكرمون تخلي البول ريحته واايد قويه وموحلوة!
عاد انتوا رشوا ديتول ومعطر لما تخلصون

كنتيجه للقهوه مع الحبوب والكريمات اشوف ان بشرتي( ويهي _ جسمي) واايد تعدلت كملمس ونعومه




الأربعاء، 5 يناير، 2011

Thanx RoRo


رورو الشخبوطة ماقصرت تنقصتلي من البوب كورن

popular popcorn






حبيت الكاراميل

والوايت جوكليت كوكنت

وحتى الكاكاو حلو شبقى عيل خخخخ



شكرا رورو :)

السبت، 1 يناير، 2011

كل عام وانتوا بخيير




مابغينا اتخلص سنه 2010 استغفر الله كانت ممله وتضيق الخلق

ان شاء الله تكون سنه 2011 أحسن منها انا متفائله خيير فيها


اختي قالتلي الخباز منزلين كيكه  شافتها بجريده الوطن بمناسبه السنه اليديده

عاد رحت اخذها بس شفتها صغيره خفت ماتكفينا

جان اخذ بدالها هذي
داخلها نص كاكاو ونص فانيليا