الأحد، 30 أكتوبر، 2011

EASY FEET

امس لما رحت معرض الهدايا شفت شغله عارضينها حق الريول

اسمها

EASY FEET


وسالت الي تبيع شلون استخدامها

قالت سهل مايبيله شي

اتثبتينها على ارضيه الحمام(تكرمون)

واثناء السبوح والجسم امبلل وفيه صابون ادخلين ريولج  وتفركينها فيها
تشيل الخلايا الميته وتسوي مسااج

وسعرها قالتلي ب4 او 5

وكنت باخذها بس تنرفزت من وحده دشت عرض جان امشي واخليها




عاد اليوم رحت تروفاليو جان اشوفها

وخذيتها


وحصلتها بسعر ارخص ب1.700
العلبه الوحده فيها حبه وحده





وفيها صخره حق كعب الريل




السبت، 29 أكتوبر، 2011

معرض الهدايا

اليوم رحت معرض الهدايا بأرض المعارض بمشرف

مافي فرق بينه وبين الاستهلاكي





حق بنات اختي



لي



كفرات للايفون



عدسات تونكيل




صابون من بيت الصابون اللبناني



الثلاثاء، 25 أكتوبر، 2011

THANX RORO :*

رورو ماقصرت تنقصت لي بعطر
كتبت عنه من قبل في بلوقها










مشكووره واايد ونردها لج بالافراح :)

الاثنين، 24 أكتوبر، 2011

معرض الكتاب


امس رحت معرض الكتاب
بصراحه ماحبيته


بس ماطلعت فاضيه ...خذيتلي جم كتاب اتسلى فيهم






قراءه ممتعه لي:)

الأربعاء، 19 أكتوبر، 2011

VICTORIA`S SECRET

أحب عطور فيكتوريا سيكرت لان اغلبها ريحتها تكون على نظافه وفرش بس عيبها ان ماتثبت يعني لازم كل شوي ترشون من العطر



خذيت منهم من قبل عطر
NOIR TEASE







وهذيك المره قالتلي رفيجتي انها جربت منهم كريم ريحته واايد حلوة عااد رحت وشميته صج طلع واايد حلو..

اسمه
PURE SEDUCTION

خذيت اللوشن  بس لان الزبده مالت المجموعه ريحتها مو حلوة
سعره بـ 4.500 KD


ومنزلين من نفس المجموعه سبري للمفارش والملابس

سعره ب 3،500 KD


ومسوين عرض على نفس  المجموعه بس الحجم الصغير خذيتها  لاختي بـ 5.500 KD




وقلت لها ابي عطر ريحته خفيفه..

رشت لي من

DREAM ANGLES DESIRE

مو يديد ..يعني صارله فتره نازل
ريحته على بودر ونظافه
سعره ب 19 KD

الاثنين، 17 أكتوبر، 2011

فندق الموفينبك

بعطله نهايه الاسبوع الي طاف رحنا فندق الموفينبك

راح احطلكم بعض الصور..لان مشالله اغلب الصور احنا مترززين فيها
































اغتنمت الفرصه ورحت سويت فيشل بالسبا مالهم




المكان وايد حلو وكلنا استانسنا وغيرنا جو شوي..انصحكم فيه :)