الأربعاء، 31 أغسطس، 2011

غدى العيد

قبل العيد بيوم رحت مريت حولي خذيت حلو للتقديم

وسالت كذا شخص وعلى مدحهم

خذيت من الدكان
حبيت الاوريو والكاراميل اكثر شي





ومره وحده دخلت حلويات لي روا
واايد حلو شغلهم




وقبل العيد بيومين اختي دقت على كذا مطعم عشان تطلب لنا الغدا بس مشالله اغلبهم كانوا busy

آخر شي استقرينا على مطعم معبوج



طلبنا مطبق زبيدي


ومجبوس لحم



الثلاثاء، 30 أغسطس، 2011

كل عام وانتوا بخيير



باسمي وباسم آل الحسيـــــــــــــــــــن الكرام

انقل لكم التهاني والتبريكات بمناسبه عيد الفطر
تقبل الله منا ومنكم صالح الاعمال
وعيدكم مباارك جميعا

ولاتنسون صيام الست من شوال:)

الأحد، 28 أغسطس، 2011

Cupcake Bath Fizz

لقيت هالصابون الي ينحط في البانيو على شكل كب كيك
في مركز سلطان
شكله يونس جنه صج




وهم رورو بعد يابتلي منه في عيد ميلادي :)

الجمعة، 26 أغسطس، 2011

ليلة القدر

ليلة القدر
هي الليله الي انزل فيها القرآن الكريم ، قال تعالى { إنا أنزلناه في ليلة القدر }
أنها ليلة مباركة يكتب الله تعالى فيها الآجال والأرزاق خلال العام ، قال تعالى { فيها يفرق كل أمر حكيم } ...هي خير من الف شهر ، قال تعالى { ليلة القدر خير من ألف شهر} تنزل الملائكة فيها إلى الأرض بالخير والبركة والرحمة والمغفرة ، قال تعالى { تنزل الملائكة والروح فيها بإذن ربهم من كل أمر }
هي ليله تكثر فيها الطاعات وأعمال الخير ، وتكثر فيها السلامة من العذاب ولا يخلص الشيطان فيها إلى ما كان يخلص في غيرها فهي سلام كلها ، قال تعالى { سلام هي حتى مطلع الفجر }،فيها المغفره من الذنوب.

TRI-KOLOR

طرى على بالي اجرب عدسات رمادية بس تكون طبيعيه..ماحبها تكون فاقعه وتخلي العيون مبققه

جربت من قبل عدسه بلاتينيوم من بيلا بس ماحبيتها مو مريحه كلش باللبس جني لابسه زجاج
وهم جربت مالت فرش لوك ماحبيتها..

وقبل امس شفت اعلان نظارات بلازا منزلين عدسات تراي كولور الي يسمونها عدسات هيفا

وانا شايفتهم من قبل على جم وحده حلوين بالصج بس يبيلهم فل ميك اب

دقيت عليهم طلبت الرماديه



والهيزل



ومعاهم المحلول مالهم


اهما مسوين عرض تاخذون 3 عدسات ب25
بس انا ما خذيت العرض ...خذيت عدستين ب20

وعندهم خدمه توصيل
وتلفونهم
24764336
97991223

الأربعاء، 24 أغسطس، 2011

ماسكرا أم ليت!

من فترة رورو دزتلي صورة ماسكرا من ماركه
TooFaced
اسمها

LASHLIGHT

ورحت سيفورا الكويت وماحصلتها

عاد رورو ماقصرت ويابتلي ياها صوغه من دبي

 الفكره الغريبه الي فيها انها تشب ليت




وفيها منظره بعد



وتضغطون على الدقمه الي فوق ويشب الليت


المفروض يبين الليت بس بالتصوير ماراح يبين





هذي الصورة من النت يبين فيها الليت


الماسكرا ماتكثف ولا اطول بس تفرق الرموش، قاعده استخدمها كمشط للرموش
واستانست عالليت اكثر :)

THANX RORO

الثلاثاء، 23 أغسطس، 2011

johnson`s oil balancing gel wash

جربت غسول من ماركه جونسون وحيل ارتحت عليه

 johnson`s oil balancing gel wash

خذيت الي للبشره الدهنيه والمختلطه
وفي نوع ثاني للبشره الجافه



الحلو فيه ان ينظف البشره من غير ماينشفها لان اغلب الي جربتهم ينشفون البشره ويخلونها جافه هذا غير انهم يطلعون لي حبوب!
موجود بالجمعية وسعره 1,790

الاثنين، 22 أغسطس، 2011

لجين القضماني أول كويتية تحصل على منصب في الفيدرالية العالمية لكلية الطب

حصلت الطالبة الكويتية لجين القضماني على منصب المنسق الأعلى للشرق الأوسط في الفيدرالية العالمية لطلبة الطب في العالم لتصبح أول كويتية تتقلد هذا المنصب الرفيع في المنظمة العالمية.
ونجحت القضماني في الحصول على ثقة الجمعية العمومية الدورية للفيدرالية العالمية لطلبة الطب في العالم الذي انعقدت في العاصمة الدنماركية كوبنهاغن أخيرا بعد مشاركة رابطة طلبة الطب الكويتية في اجتماعات المؤتمر العام للرابطة واجتماعات لجانها الفرعية.
وتجدر الإشارة الى ان الفيدرالية العالمية لطلبة الطب في العالم هي منظمة عريقة في العمل الطلابي وتأسست في عام 1951 وهي إحدى مؤسسات منظمة الصحة العالمية التابعة للأمم المتحدة وتشمل طلبة الطب من كل دول العالم وتضم في عضويتها اكثر من 58 دولة من بينها الكويت.
وتعتبر القضماني أول طالبة كويتية تترشح للمنصب وتتقلده ما يؤكد تميز الرابطة الكويتية في هذا العام ودورها الحيوي التي تلعبه في المنظمة العالمية وهي إحدى الكفاءات التي لديها اهتمام وحضور على المستوى الدولي وسبق ان شغلت مناصب محلية وخارجية عدة.

*المصدر



تستاهل بنيتنا
الله يوفقها ومنها للاعلى

الأحد، 21 أغسطس، 2011

طريقه تخلي قاعه الريل ورديه..

اغلبكم يعرف السائل الوردي الي يستخدمونه الصالونات للبدي والميني كير
الي اهوا

PINK CUTICLE REMOVER

موجود بالجمعيات..انا اخذ قطنه واحط منه شويه وامسح فيها قاعه ريولي تخليها ورديه



وهذيك المره ضفت شويه دم غزال بطرف القفشه



صار جذي لونه
ياي على وردي غامج


هالطريقه ما اسويها كل يوم بس متى مافضيت سويتها

السبت، 20 أغسطس، 2011

juiceorganics_healthy beautty_

اليوم بحطلكم عن كريم  مرطب جربته و وايد ارتحت عليه
من ماركه

juiceorganics

ماركه منتجاتها طبيعيه عضويه

بشرتي مختلطه دعله شويه وحساسه مو اي كريم يمشي معاها ..وايد جربت من قبل كريمات مايازولي.

الماركه هذي عندها  نوعين كريم ترطيب
_واحد كريم فيتامين (سي) لتفتيح البشره
_والثاني كريم  الرمان وهذا الي خذيته





فايدته ان يعدل من ملمس البشره يخفف التجاعيد والخطوط التعبيريه ويجدد خلايا البشره ويوحد لونها
والاهم من هذا لما احطه مايدبق وبسرعه تتشربه البشره وهم ريحته زينه

في منه غسول بس ماخذيته
تحصلونه بصيدليه الشاميه على 16 او 18 مو ذاكره بالضبط السعر

الجمعة، 19 أغسطس، 2011

l'oreal lash architect 4D

جربت ماسكرا لوريال وايد حلوة للتطويل والتكثيف

 lash architect 4D



وفي قطره يابتلي ياها رورو  فكرتها وايد حلوة تحطين شويه منها في الماسكرا عشان ماتنشف
THANX RORO :*


*تم التعديل عالموضوع

الخميس، 18 أغسطس، 2011

قهوة نواة التمر

لعشاق القهوة العربية والي مدمنين عليها لقيت شي بديل وبنفس الطعم وبدون كافيين وبنفس الوقت مفيدة

الي اهيا قهوة

 نواه التمر

خذيت الصورة من قوقل




طريقه اعدادها مثل القهوه العادية وتقدرون تضيفون عليها  شوية هيل وزعفران
تحصلونها بمحلات القهوة والتمر الي يكونون بسطره سوق لندن وجبال سوق رامز

وهذي بعض فوائدها من قوقل

تحتوي على العديد من العناصر الفعالة ومنه : البروتين، حمض النيكوتين، كاروتين، مواد دسمة، هرمون بيتوسين، فيتامين الثييامين والريبوفلافين، البوتاسيوم والحديد والفسفور والكالسيوم. ان نواة التمر واسمها العلمي (phoenixdacty Lifera) لها عدة استعمالات صحية فهي مقو عام ومطهر وملين ويستخدم للسيلان ولأمراض العيون وحالات الربو، كما أنها قابضة لأوعية الرحم بعد الولادة، وملينة للأغشية المخاطية، ومشهية، ومقوية للجنس، وتعمل على تجديد الدم، وخافضة للحرارة وتسهم في علاج بعض الأمراض الجلدية، كما أنها واق بإذن الله من السرطان. ويحذر من شرب هذه القهوة من النساء الحوامل سيما في الأشهر الثلاثة الأولى وذلك كونها تعمل على انقباض الرحم.
ومفيدة أيضا لمرضى السكر  لانها تساعد على انخفاض معدل السكر للمعدل الطبيعي دون الشعور بأي تعب أو إجهاد في نبضات القلب.

الأربعاء، 17 أغسطس، 2011

CUPCAKERY

اليوم رحت جمعية الدعيه عشان اخذ كب كيك من CUPCAKERY



عندهم كب كيك وكوكيز وشفت نوع كيك واحد بس.. الي اهوا الجيرمان كاراميل


خذيت الميني (فانيلا_جوكليت_رد فيلفت)
حبيت الرد فيلفت والفانيلا اكثر من الجوكليت
سعره3kd


وقلت بعد خل اجرب  كيكه الجيرمان كاراميل
اشوه طلعت حلوة بس ماقدرت اكملها تغث شوي


مكانهم جمعيه الدعيه اول ماتدخلون على ايدكم اليسار

الثلاثاء، 16 أغسطس، 2011

قرقيعان ديسكفري!

أمس اختي ودت بناتها قرقيعان ديسكفري

ورتنا ياه مشالله كان حلو ونظيف وشغلهم مرتب


بس الي استغربته شغله وحده
اول ماشفته عبالي كاكاو ولا حلاو






بس لما بطلته طلع (جزر)


بصراحه اول مره يمر علي قرقيعان فيه جزر

الاثنين، 15 أغسطس، 2011

تجربتي لكبسولات purelogical

بشهر 12 الي طاف جربت كبسولات الكولاجين purelogical خذيتهم من صيدليه الشاميه
واستمريت اخذهم لمده 4 اشهر واكثر بعد

حق الي مايعرف شنو فايدتها:
اهيا كبسولات عباره عن كولاجين وفيتامينات للشعر والبشره والاظافر يعني مكمل غذائي،حبيت اني اجربهم من بعد ماقريت المدح الي حصلته عنها في قوقل

_اول شي لاحظته ان اظافري صارت اقوى وتطول بسرعه.
_لمعه في شعري.
_ بشرتي صارت اصفى وخف الجفاف الي فيها وطلعتلي خديدات اسم الله علي :P
_وفي شغله مااقدر افيدكم فيها ..الي اهيا الكبسولات تزيد الوزن ولا لأ،لان بالوقت الي كنت اخذ الكبسولات كنت اخذ شي يفتح الشهيه.

بس لو تدورون التجارب في قوقل راح تلقون بنات زاد وزنهم عليها

بديت بالحبوب شهر 12 و وقفت بنص شهر 5 ومن تركتهم وللحين الحمدالله النتيجه ماتغيرت

وهذي اهيا تجربتي ان شاء الله تفيدكم:)

السبت، 13 أغسطس، 2011

Back


ادري اشتقتوا وادري انكم قموا تكفخون روحكم من الشوق :P

شكرا حق الي  سالوا عني عن طريق ال pushme
وثانكس لرورو لانها عيزت واهيا تقولي ردي كتبي في بلوقج
وشكرا لامي وابوي وخواتي واخوي وفريجنا ومن لايشكر الناس لايشكر الله ومن قلدني فقد اكدني <<< شكوو خخ