الأربعاء، 30 نوفمبر، 2011

كتاب _بيكاسو وستاربكس_ لـ ياسر حارب



من قبل اسبوع تقريبا قريت كتاب بيكاسو وستاربكس لـ ياسر حارب

هالكاتب تم اختياره على اساس ان نتناقش فيه (قروب نادي مما قرأت) يوم الثلاثا الي طاف بس انا ماحضرت اللقاء

النادي موجود بتويتر

@mma8r2t


الكتاب اجتماعي.. وايد حبيته خفيف وممتع وبسرعه خلصته، واول شي شدني فيه اهوا العنوان قلت شدخل بيكاسو في ستاربكس !

الكاتب تكلم عن ستاربكس وقال : ستاربكس هو اسقاط مصغر للحياة التي نعيشها،فكل شيء فيه سريع ،حتى تحضير القهوة الذي يفترض أن يتم بتؤدة يتعمد موظفو المقهى أن يستعجلوه امامك.

وذكر ان : وجه الشبه بين بيكاسو وستاربكس أنهما مثال للامبالاة ، فهما اقرب الى الفوضى المنظمه، كما انهما يعطيان قيمة لاشياء قد لاتستحق قيمه.

وتطرق لمواضيع أخرى مثل حب الذات، وتعلم فن الاصغاء، والدعوه الي الابداع والتامل، والاستمتاع بالحياه... وغيرها


الكتاب انا حبيته ويستحق القراءة

موجود في مكتبه ذات السلاسل

الثلاثاء، 29 نوفمبر، 2011

ISADORA_wigWAHAM_

الاسبوع الي طاف خذيت ماسكرا على مدح وحده من ماركه


ISADORA

اسمها


wigWAHAM

واهيا للتكثيف




هذي اهيا فرشتها


الي شفته انها حلوه لتطويل الرموش بس تكثيف لا مو وايد


خذيتها من مركز تجميل القادسيه ب6 KD

صوغه من رورو


رورو لما سافرت قطر يابتلي صوغه





يعطييج العافية واايد حلوة

Thanx roro ^_^

الأربعاء، 16 نوفمبر، 2011

EXFOLIATING MAGIC FOOT_الجوارب السحريه للتقشير


احب احوس بجمعيه القادسيه لان بعض المرات القى فيها شغلات حلوة


عاد ذيك المره رحت والا اشوف شغله لتقشير الريول ومشالله مبين مخلصينه لان بس بقى واحد وبسرعه خمطته



اسمه


EXFOLIATING MAGIC FOOT







وهذا اهوا من داخل



فكرته:

عباره عن جوارب لتقشير الريول خلال اسبوع، اول شي لازم ريولكم تكون نظيفه وجافه.. وعقب  تلبسون الجوارب لمده 90 دقيقه ..

ومن بعد ال90 دقيقه تفصخونهم وتغسلون ريولكم بس بماي وتنشفونها عدل.


عقب ثالث يوم بتلاحظون ان ريولكم بدت تتقشر بروحها خصوصا قاعه الريل.. طبعا انا ماكو صبر قمت اشيله بايدي..بس الافضل انكم تخلونها بروحها تتقشر

ومن بعد ثالث يوم بتشوفين ان الريل من فوق بدت تتقشر بس الي شفته انها ماتقشرت وايد كثر قاعه الريل.

ومن بعد الاسبوع (انا ريولي خذت اكثر من اسبوع واهيا تتقشر خخخ) بتلاحظون ان الريل صارت ناعمه ولونها ياي على وردي.

خوش منتج حده يازلي:)

MAYBELLINE_THEONEBYONE_






جربت ماسكرا ميبيلين اليديده

THEONEBYONE
VOLUM`EXPRESS MASCARA


اهيا للتكثيف..

ماتكثف واايد، بس حبيتها لان تعطي تكثيف بسيط و طبيعي للرموش بس يبيلكم تحطون كذا طبقه عشان تبين النتيجه ..

السعر مو ذاكره لان ماخذتها من قبل شهر تقريبا

تحصلونها بسنتربوينت