الأربعاء، 16 نوفمبر، 2011

EXFOLIATING MAGIC FOOT_الجوارب السحريه للتقشير


احب احوس بجمعيه القادسيه لان بعض المرات القى فيها شغلات حلوة


عاد ذيك المره رحت والا اشوف شغله لتقشير الريول ومشالله مبين مخلصينه لان بس بقى واحد وبسرعه خمطته



اسمه


EXFOLIATING MAGIC FOOT







وهذا اهوا من داخل



فكرته:

عباره عن جوارب لتقشير الريول خلال اسبوع، اول شي لازم ريولكم تكون نظيفه وجافه.. وعقب  تلبسون الجوارب لمده 90 دقيقه ..

ومن بعد ال90 دقيقه تفصخونهم وتغسلون ريولكم بس بماي وتنشفونها عدل.


عقب ثالث يوم بتلاحظون ان ريولكم بدت تتقشر بروحها خصوصا قاعه الريل.. طبعا انا ماكو صبر قمت اشيله بايدي..بس الافضل انكم تخلونها بروحها تتقشر

ومن بعد ثالث يوم بتشوفين ان الريل من فوق بدت تتقشر بس الي شفته انها ماتقشرت وايد كثر قاعه الريل.

ومن بعد الاسبوع (انا ريولي خذت اكثر من اسبوع واهيا تتقشر خخخ) بتلاحظون ان الريل صارت ناعمه ولونها ياي على وردي.

خوش منتج حده يازلي:)

هناك 9 تعليقات:

SaNaa يقول...

ههههه عاد انا ما احب جمعية القادسية .. بس يطلع منها سوالف حلوة .. بروح أدورة بالجمعية .. شكرا يا جميلة

Made n Q8 يقول...

sanaa

مو احنا جمعيتنا فاضيه ف اضطر اروح القادسيه او مركز سلطان

ولو :)

رورو الشخبوطه يقول...

شكله حلو ماشاءالله ..

بالعافيه ..

غير معرف يقول...

حلوووو من أي صوب بالجمعيه بالضبط شكبرها القادسيه

Made n Q8 يقول...

رورو

الله يعافيج يارب

Made n Q8 يقول...

غير معرف

تحصلينه بالسرداب
الرف الي فيه زبدات الشفايف لاببيللو

نزهاويه يقول...

يونس
يبيله بروح باجر ان شاء الله القاه ;)

غير معرف يقول...

بكم سعرها

وفاء ال يقول...

طيب مايحتاج تحطي اي مرطب او كريم خلال الثلاث ايام او لما الرجل تتقشر
انا توي اليوم استعملته