احب احوس بجمعيه القادسيه لان بعض المرات القى فيها شغلات حلوة
عاد ذيك المره رحت والا اشوف شغله لتقشير الريول ومشالله مبين مخلصينه لان بس بقى واحد وبسرعه خمطته
اسمه
EXFOLIATING MAGIC FOOT
وهذا اهوا من داخل
فكرته:
عباره عن جوارب لتقشير الريول خلال اسبوع، اول شي لازم ريولكم تكون نظيفه وجافه.. وعقب تلبسون الجوارب لمده 90 دقيقه ..
ومن بعد ال90 دقيقه تفصخونهم وتغسلون ريولكم بس بماي وتنشفونها عدل.
عقب ثالث يوم بتلاحظون ان ريولكم بدت تتقشر بروحها خصوصا قاعه الريل.. طبعا انا ماكو صبر قمت اشيله بايدي..بس الافضل انكم تخلونها بروحها تتقشر
ومن بعد ثالث يوم بتشوفين ان الريل من فوق بدت تتقشر بس الي شفته انها ماتقشرت وايد كثر قاعه الريل.
ومن بعد الاسبوع (انا ريولي خذت اكثر من اسبوع واهيا تتقشر خخخ) بتلاحظون ان الريل صارت ناعمه ولونها ياي على وردي.
خوش منتج حده يازلي:)
هناك 9 تعليقات:
ههههه عاد انا ما احب جمعية القادسية .. بس يطلع منها سوالف حلوة .. بروح أدورة بالجمعية .. شكرا يا جميلة
sanaa
مو احنا جمعيتنا فاضيه ف اضطر اروح القادسيه او مركز سلطان
ولو :)
شكله حلو ماشاءالله ..
بالعافيه ..
حلوووو من أي صوب بالجمعيه بالضبط شكبرها القادسيه
رورو
الله يعافيج يارب
غير معرف
تحصلينه بالسرداب
الرف الي فيه زبدات الشفايف لاببيللو
يونس
يبيله بروح باجر ان شاء الله القاه ;)
بكم سعرها
طيب مايحتاج تحطي اي مرطب او كريم خلال الثلاث ايام او لما الرجل تتقشر
انا توي اليوم استعملته
إرسال تعليق