الأربعاء، 30 ديسمبر، 2009

معرض العطور+الجوثن

مرحباااااااااا
أخبـــــــــــــــــــــــــــاركــــــمــ؟
أمس الصبح رحت معرض العطور يووووووونس ما ودي اطلع منه خخخ
مرينا عطورات الطارش وخذينا منه غلا جابر اليديده منزلين من سعرها وعطونا معاها هديه معاه عطر ماجستي وهم بعد مثبت للعطر


ومن سيفورا الجيس الي قالت عنه رورو وصورت الي داخله لكم


وعبدالصمد القرشي مسوين عرض على مسك العروس تاخذين وحده الثانيه مجانا



ومن لاش كنت باخذ الديودرنت مالهم بس هونت ريحته مو حلوة ..خذيت شور جل وصابونه الكاندي



ومن بو عبد خذيت مجموعه سما كامله بس بدون الجل الصغير لان الي عندي ما خلص



ومن ميك اب فور ايفر ماسكرا سموكي لاش وكنت بعدين بطمش اكثر ولا اشوف كاميرات وتصوير قلت وليييي الاعلام وراي وراي ماكو فايده :S




ومن بيت الصابون (صابونه الماعز_الخلطه الملكيه_صابون الورد والمسك_صابون الصنوبر)







ومرينا على آخر نص ساعه الاستهلاكي مالقينا شي حلو بس شفت واحد يسوي مناقيش على قولته وخذينا انا واختي




و كنافه وزعتر



وخلصت مشترياتي من المعرض
والحين يا دور الجوثن
اول شي ثانكس رورو لانج قلتيلي عن الجوثن مسوي 50 % خصم..وترى باجر آخر يوم(الي اهوا الخميس 31_12)



خذيت مجموعه للشعر التالف والمتقصف والمتنتف والمتحسس والي كل بلا الدنيا فيه اهي اهي(امبولات الكيراتين_شامبو_بلسم)




وانا كنت ابي مقوي الرموش من مافالا بس قالتلي مافي وفي نفسه من ماركه ارتديغو (الي لون العلبه ابيض ) ماادري ليش احسه خرطي بس خذيته عن الحساافه خخ_وكونسيلر_والحمره هذي هديه





و من ميك اب فور ايفر كومباكت بودر بلمعه _فرشه البودره






وسلااامتكم:)



الجمعة، 25 ديسمبر، 2009

Centrepoint _SALE_

مرحباا
أخباااركــــــــــــــــــــــــــــــــــــــــــــــمـ؟
شلون التنزيلات معــــــــاكمـ؟ :P
امس ورا صلاه العشا رحت سنتر بوينت الاوقاف مع اختي مسوين تنزيلات نص السعر بس طبعا مو على كل شي



البلوزه كانت ب 2،900 وصارت بـ2،500



وجينز من بوسيني كان بـ 10،750 والحين بـ 6،450




ومعطر للجو على ريحه بودر
الي عاليمين كان بـ 1،759 والحين 1،400
والي عاليسار بـ 1،900 والحين 1،500


والجوتي تكرمون كان 12،500 وصار بـ9،300




وليف الوحده على 300 فلس





وهديه حق جوجو وصديقتها
لان اهيا مهددتني قايله اذا ما شريتيلي هديه ما اعطيج عصير!
غير نمونه بعد الهديه صارت غصب :s
عاد قلت خل احترم نفسي واشتريلها لا تغتالني خخ
وسلاامتكم:)







الأربعاء، 23 ديسمبر، 2009

المهلب(عروض_تنزيلات)

مرحباا
أخباركمــــــــــــــــــ؟
اليوم او بالاصح امس رحت انا واختي المهلب ما كنا مخططين بس لما دزولي البنك مسج بان المعاش نزل حسيت ان الكرسي يقرصني خخ
دقيت عليها على ما علت قلبي وقامت من النوم وصلنا هناك عال11
دخلت محل اسما ازيا مااذكر اني دخلته من قبل شغله تقريبا من طقه انوتا وشفت شال يده ليلى والذيب وخذيته خخخ
لا لا تشوفونه جذي ترى والله وايد حلو باللبس كان بـ16 ونص وصار ب13




و انا كنت رايحه اساسا عشان ستراديفريوس مسوين خصم 50% والله في جاكيتات حلوة بس ماخذيت انا الي خذيتهم من اتش اند ام للحين ما لبستهم خلصنا شهر 12 وللحين ما يانا البرد..المهم خذيت قمصان واحد ابيض والثاني وردي الواحد على 4،750





ومريت على كوتون KOTON وخذيت هالبلوزة والجنطه بس مو مشمولين من ضمن التنزيلات








و مكياجي مسوين عروض سالتها نازلين بالمعرض قالتلي أي ونفس العروض الي بالمحل بالمعرض تاخذين شغلتين والثالثه مجانا او تاخذين عطر وحمره بسعر أقل وفي بعد عجبتني علبه فيها شدو وحمر وكونسيلر وبلاشر ب15 قلت اذا ما حصلت شي حلو بالمعرض بمر آخذها.
وعالماشي خذيت(شدو_اضاءة للويه_ ماسكرا_كحل)




ومن اون تايم ساعه

ومن تناغرا عطر من شانتال توماس
هالعطر كانت وحده مادحته بمنتدى واشوه طلع حلو




وسلااامتكم :)





الأحد، 13 ديسمبر، 2009

نكتار..Nectar

مرحبااااااا
أخبااركـــــــــــــــــ مــ ـــــــــــ؟ــــ
خل اقولكم عن مكان ماادري اذا سامعين فيه الي اهوا نكتار مختص بالعطورات ومستحضرات التجميل
يعني من طقه بودي شوب وزهور الريف
الحلو فيه ان المجموعات ريحتها غير عن بودي شوب يعني نوع من التغيير بس هم مااقدر استغني عن بودي شوب :P








أول مجموعه خذيتها الي اهيا ال Dream (البودي سبراي_ لوشن الجسم_ الديودرنت)
والي لونه مخوضر عاليسار هذا مبرد للجسم حلو بالصيف من بعد السبوح يعطي انتعاش


ومن قبل جم يوم رحت وخذيت مجموعه مس نكتار من اليمين(الشور جل_ معطر للشعر_بودي سبراي_زبده الجسم) هالمجموعه حبيتها اكثر من ال Dream


وهذا معطر للجو اسمه معطر رومانسي




وهذا عطر العروسه حق غرف النوم وتعطير الجو والمفارش






مكانهم بمجمع المثنى وعندهم فرع ثاني بمجمع الحميضيه بحولي يصير يم مجمع سندس
وهذا سايتهم
بس ترى مو كل الي موجود بالسايت موجود بالكويت
وعندهم بعد خدمه توصيل
66247387
99961655
22250163
انا ماجربت خدمه التوصيل بس الي معاي بالدوام عطيتها الرقم ودقت عليهم وصلولها للبيت
وحيااكم :)

السبت، 12 ديسمبر، 2009

التاج :d


مرحباااااااااااا



ثانكس جاي الضحى ورورو على التاج


والحين مع الاجوبه على الاسئله :d


عاد اذا خرته عذروني قاعده اجاوب وانا فيني النوم



اسمك واسم مدونتك؟


شريفه

Made n Q8


احب الالوان؟الأيام؟الارقام؟


الوردي_السماوي

الخميس

مافي رقم معين بس دايما اختار رقم 5

برجك وتارخ ميلادك؟

الاسد
29_7_1985

أهم مميزاتك؟وأهم عيوبك؟وماهي الصفه التي تتمنى ان تتوفر فيك؟

_ مميزاتي: شقول بس طيبه وعلى نياتي وانحب بسررررررررررعه لا صج ماادري شنو مميزاتي لازم تسالون احد قريب مني.
_العيوب:العناد
_ الصفات الي اتمناها تكون فيني: الصبر


ماهو مكانك المفضل؟

اذا مالي خلق احد أكيد غرفتي..بس بالعاده اي مكان يكون فيه الي احبهم ارتاح فيه
أيه هي هوايتك المفضله؟
تجميع الصابون_السباحه
ما المقوله التي تؤمن بها؟
الحظ العوي عمره ما يتعدل
ابتسم رغم كل الالم
أجمل هديه قدمت لك من مين؟
كل الهدايا بحزتها تكون أجمل هديه خصوصا اذا كانت مو متوقعه
أسعد يوم في حياتك؟واتعس يوم في حياتك؟
أسعد يوم في حياتي اهوا اليوم الي تخرجت فيه من الجامعه
واتعس يوم بحياتي والله مااذكر ...الحمدالله على نعمه النسيان خخ
موقف طريف لا ينسى من ذاكرتك؟
للاسف الموقف غير قابل للنشر لووووول
معاك ثلاث وردات لمن تهديهم؟
اعطيهم كلهم لامي.
معاك 3 رصاصات على من تطلقهم؟
لا مااحب العنف :p
ايه رأيك في الحب؟ولمن تقول اجمل كلمه حب؟
شعور حلو والحلو الي فيه أن ايي بوقت ماتتوقعينه و يكون من آخر شخص ممكن تفكرين فيه.
واجمل كلمه حب :كل شي بوقته حلو :d
هل من السهل ان تمثل الحب لشخص يحبك لعدم جرح مشاعره؟
مو شاطره بالتمثيل على طول يبين على ويهي .
المرأة في نظر الرجل الحظه حنان.....أكمل؟
للأسف ان الاغلبيه يشوفون المرأه كجسد
الرجل في نظر المراة ...الأمان...أكمل؟
النصف الآخر من القلب
ماهو اسعد خبر سمعته هذا العام؟ وماهو اتعس خبر؟
اسعد خبر:ولاده بنت اختي
اتعس خبر: اممم مااذكر
لمن تهدي التاج؟
انا كنت ناويه اهديه لرورو وجاي بس في احد سبقني..
عيل ماكو الا اهديه حق الي ما اهداه احد تاج :d


الثلاثاء، 8 ديسمبر، 2009

معرض الأسرة

مرحبـــــــــــــــــــــــــــــــــــــاااااااااا
أخبــــــــااركمــ؟ـــ


اليوم الصبح رحت معرض الأسره مع اختي ..الوضع كان صخه ما جنه فيه معرض !
التفت على اختي وقتلها مبين المعرض مو ذاك الزود..العاده اذا في معرض السيايير تارسه المواقف
المهم دخلنا ودرنا فيه مرتين وهذي كانت المشتريات












وسويت بعد تاتو ما مداني استانس فيه الا وتقشر :s


المعرض أقل من عادي ومافي شي يديد (جناط التقليد_ملابس سوريا ومصر_ شغلات الصين_عطورات أبولو_مطحنه هيثرو_ مكياج ماركات الهنود على قولتهم وماك التقليد _ساعات_محلات اكسسوارات) وبس هذا الي اذكره.
وحيااكم :)