الأربعاء، 23 ديسمبر، 2009

المهلب(عروض_تنزيلات)

مرحباا
أخباركمــــــــــــــــــ؟
اليوم او بالاصح امس رحت انا واختي المهلب ما كنا مخططين بس لما دزولي البنك مسج بان المعاش نزل حسيت ان الكرسي يقرصني خخ
دقيت عليها على ما علت قلبي وقامت من النوم وصلنا هناك عال11
دخلت محل اسما ازيا مااذكر اني دخلته من قبل شغله تقريبا من طقه انوتا وشفت شال يده ليلى والذيب وخذيته خخخ
لا لا تشوفونه جذي ترى والله وايد حلو باللبس كان بـ16 ونص وصار ب13




و انا كنت رايحه اساسا عشان ستراديفريوس مسوين خصم 50% والله في جاكيتات حلوة بس ماخذيت انا الي خذيتهم من اتش اند ام للحين ما لبستهم خلصنا شهر 12 وللحين ما يانا البرد..المهم خذيت قمصان واحد ابيض والثاني وردي الواحد على 4،750





ومريت على كوتون KOTON وخذيت هالبلوزة والجنطه بس مو مشمولين من ضمن التنزيلات








و مكياجي مسوين عروض سالتها نازلين بالمعرض قالتلي أي ونفس العروض الي بالمحل بالمعرض تاخذين شغلتين والثالثه مجانا او تاخذين عطر وحمره بسعر أقل وفي بعد عجبتني علبه فيها شدو وحمر وكونسيلر وبلاشر ب15 قلت اذا ما حصلت شي حلو بالمعرض بمر آخذها.
وعالماشي خذيت(شدو_اضاءة للويه_ ماسكرا_كحل)




ومن اون تايم ساعه

ومن تناغرا عطر من شانتال توماس
هالعطر كانت وحده مادحته بمنتدى واشوه طلع حلو




وسلااامتكم :)





هناك 12 تعليقًا:

Hanan يقول...

أتوقع خلص المعاش خخخخ
ماشاءالله مشترواتج كلها حلوة و عليح بالعافية:)

DoDoq8 يقول...

ايي ودي مره يقعد المعاش 3 ايام مايتحرك بالحسااب لووول

Made n Q8 يقول...

Hanan

لوول لا خليت شويه وراي معرض العطور
والله يعافيج يارب

Made n Q8 يقول...

DoDoq8

وي جان زين ما نعرف اصلا خخ

شاي الضحى يقول...

تلبسينهم بالعاااافيه

عجبتني البلوزه الي على بنيه تهببببل

بس ما اقدر اشتري شي الحين :(

مشكوره :)

رورو الشخبوطه يقول...

السلام..

بالعافيه يارب..

عاد توني راده من السوق وخلصت معاشي امبيه كلمالي اتذكر شغله بياخذونها من المعاش شكلي بصفي ع 10 دنانير اهي اهي :\

ومرسي..

Made n Q8 يقول...

شاي الضحى

الله يعافيج

وماتغلى عليج البلوزة آمري بس :)

Made n Q8 يقول...

رورو الشخبوطه

هلا رورو

الله يعافيج يارب

خخ نفس الحاله واليوم بعد الجريده تعور القلب كلها تنزيلات :s

Abdulwahab Alhajji يقول...

ههههه ادري قاط ويهي بس عليج بالعافية خوش اشياء :)

Made n Q8 يقول...

Abdulwahab Alhajji

لا ولا يهمك :)
الله يعافيك يارب

LO NAN JO يقول...

عجبني العطــــر ,,,تنصحيني فيه؟

غير معرف يقول...

Pretty! This has been an incredibly wonderful article.

Thank you for supplying these details.

Stop by my webpage paleo diet food list