الأربعاء، 28 سبتمبر، 2011

pinky bar

اليوم رحت سويت بديكير ومنيكير في pinky bar


رورو كانت منزله بوست عنه




دقيت عليهم خذيت موعد عال 5:30

تاخرت عالموعد لان الجابريه كانت حييل زحمه




اول مادخلت سالتها عن البروشور قالت مافيي


وعطيتها خبر قلت ترى بصور وبنزله في البلوق جاان تقول عادي مو مشكله
جان ترد مره ثانيه وتقولي انتي عندج صالون وبتنزلين الصور فيه!!

قلت لااا هههه عندي بلوق  مو صالون ويالله بالزوور عرفت  شنو بلوق وبالاخيرر هزت راسها ماادري عاد عرفت شنو بلوق ولا لأ



قلت لها شنو تقترحين علي أبي علاج للايد الجافه واذا في توحيد للون هم زين
ورتني علاجاتهم
وقالت اغلبهم زينين للايد الجافه




انا اخترت هالنوع
pomagranate lime





وهذا ستاند الاصباغ ماركه zoya

اخترت هاللون


و اخترت المكان الي بقعد فيه


وهذا اهوا العلاج(سنفره_ماسك_كريم)


طلبت جاي اخضر بالزنجبيل




_اول شي سوتلي سنفره
_عقب ضبطتلي اظافيري سوتلي ياهم راوند سكوير واشوه سوتلي ياهم عدل.
_حطتلي الماسك وغلفت ايدي بنايلون والفوطه.



_غسلت الماسك وحطت الكريم.
_صبغت اظافيري.
_و ودتني لجهاز تنشيف الصبغ

النتيجه:
_حبيت ريحه التريتمنت كله وحسيت بنعومه..بس الصبغ ماحطته لي عدل


والسعر ب 15KD


مكانهم بالجابريه ورقمهم 25353560

الثلاثاء، 27 سبتمبر، 2011

الروج السحري من نكتار

من قبل فتره قريت في بلوق stylish jojo

بوست كاتبه فيه عن مكياجها



وحاطه عن الروج السحري الي ماخذته من نكتار


وقلت خل اجربه

هذا اهيا صورته

طبعا في اختلاف بالشكل بس نفس المفعول









استخدامها للشفايف والمناطق الحساسه تعطي توريد طبيعي ويظل اللون فتره طويله

انا لما احط منها ما اكثر مجرد مسحه خفيفه لان اذا كثرتوا اللون بيطلع غامج ومو حلو

ولاحظت اغلب الحمرات السحريه الي جربتهم سواء من نكتار او غيره شويه ينشفون الشفايف يعني لازم تحطون مرطب

نكتار بالكويت موجود بحولي  _مجمع الحميضيه يم مجمع سندس

سعرها بـ 3 kd

the colossal volum' express® mascara _cat eyes_






جربت الماسكرا اليديده من ميبيلين لل cat eyes
واهيا للتكثيف

ماشفت انها عطتني تكثيف يصلح حق لوك ال cat eyes ومعروف هاللوك يحتاج الرموش الكثيفه

تصلح حق الصبح والاستعمال اليومي..حبيت اكثر مالت ريميل day 2 night  و الثانيه لوريال  lash architect 4d اكثر من ميبيلين


وجربت قبل السموكي لاش من ميك اب فور ايفر حلوه للتكثيف بس عيبها تخلي الرموش تطيح وتكتل..انا كنت احط منها وعقبها احط ماسكرا خفيفه اشيل الي تكتل


ماسكرا ميبيلين موجوده بسنتربوينت ب4.450

الأحد، 25 سبتمبر، 2011

المعرض الاستهلاكي



اليوم رحت المعرض الاستهلاكي واهوا بالفعل صار استهلاكي لان هذا اهوا مافي تغيير..ماغير هالصينيين وسبونج بوب


وماشريت اشياء واايد


حق ابوي




دراعه مصريه

body spray حبيت ريحته خفيفه ونظافه


روب


وهذا اختي خذته ..سمسميه والثاني الغامج توت بري


الأربعاء، 21 سبتمبر، 2011

Flawless Beauty Salon & Spa

اليوم الصبح رحت سويت حمام مغربي بصالون فلولس

عندهم عرض عباره عن

(حمام مغربي مع تبييض الجسم+حمام كريم للشعر+ مساج للقدم)=10 kd




اول مادخلت العماره لقيت البوستر مال الصالون



اهما موجودين بالدور الاول اول مايفتح الاصنصير تدخلون على طول الصالون

كان موعدي الساعه 11

دلتني عالغرفه الي ابدل فيها هدومي وعطتني روب و مفتاح اللوكر عشان احط قشي فيه

وبعدين رحت غرفه الحمام المغربي.. الي بتسويلي المغربي هنديه واهيا الوحيده بالصالون الي تسوي مغربي وقالت لي ترى الليفه المغربيه بدينار


_الصورة ماخذتها من صفحتهم في تويتر_




_غسلت شعري وحطتلي كريم.
_حطت الصابون المغربي على جسمي وقعدت بالبخار 10 دقايق تقريبا.
_عقب غسلته وقعدت تفرك جسمي بصراحه ماحبيت التفريك وماطلع مني وصخ وايد  اهيا تقول لان توج مسويه مغربي من جذي ماطلع  واايد ،بس انا عادي اخر مرتين سويت فيهم مغربي كانوا قريبين بينهم شهر او اقل وهم طلع مني خلايا ميته ...ولما رديت البيت شفت صوب ايدي ورقبتي شوي مزلق.
_ من بعد التفريك يابت خلطتين للتبييض، اول خلطه حطت منها على الاماكن الغامجه  مثل الركب والاكواع،وثاني خلطه للتبييض حطتها على كامل الجسم.

اهيا كانت تبي تفركني على طول بس انا قلت لها خلي الخلطه على جسمي بقعد فيها بالبخار 5 دقايق بعدين تعالي فركيني...

_ ومن بعد ال5 دقايق يت فركتي بالليفه والخلطتين على جسمي وعقب غسلتهم.


_يابت السنفره المبيضه وقعدت فيها بالبخار شوي عشان جسمي يستفيد منها وتالي غسلتها وغسلت شعري وخلصت من الحمام المغربي.

حبيت الخلطتين والسنفره ملوت التبييض واايد  وملمسهم ياي على كريمي وماينشفون الجسم و لاحظت ان جسمي فتح لونه وكنت بقولها في منهم للبيع بس افتشلت .

_ ومن بعد الحمام المغربي قدمولي ماي وجاي اخضر.

_ورحت سويت تدليك القدم،حطتلي زيت حوالين اظافيري وكريم لريولي وسوتلي المساج.


وبالاخير لما ييت بدفع عطتني كوبون استخدمه للمره اليايه

أي عمل اسويه داخل الصالون بكون الثاني مجاني





وعطتني هديه
قالتلي انتي وايد lucky  لانج اول وحده تستلمينها



وهذا الي داخل الجيس


موجودين على تويتر

@salon_flawless


انا متابعتهم بتويتر عندهم عروض حلوة وكل مره يغيرون
اختي ان شاء الله ناويه تسوي جلسات للشعر يمكن تختار البامبو للحين ماقررت بس اذا سوت ان شاء الله بكتب عنه

عنوانهم الشعب البحري ق 8 شارع الذهبي بنايه 40
دخله نادي فلكس الرجال اول لفه عاليمين ...سيده الشارع بلف فيكم اهوا الصالون بالعماره الي تكون بالزاويه
تلفون:
66119010

الثلاثاء، 20 سبتمبر، 2011

Soft Magic Peeling Glove


قبل جم يوم اسالتني رورو اذا تعرفين الليفة السحرية

قلت لها اي اعرفها مستخدمتها من زمان وناوية انزل بوست عنها وطبعا كل يوم اقول باجر بنزل البوست



هذي اهيا صورتها_لونها رايح ادري_





استخدمتها سنه ثانيه او ثالثه جامعه  يعني قبل 5 او 6 سنين
طلبتها من قناه اعلانيه لبنانيه كان سعرها ب10 دنانير بصراحه ماادري اذا موجوده للحين هالقناه او سكروها!

طريقه استخدامها:

الجسم يكون مبلل بس بماي بدون صابون وتلبسون ال glove و تفركون جسمكم بس شوي شوي عشان لاتجرحون يلدكم

راح تلاحظون ان اليلد الميت بيطلع او باللغه العامية يسمونه بلاليط:S

ماكنت استخدمها يوميا يعني بالاسبوع مره او مرتين

تركزون فيها عالمناطق الي تكون غامجه (الاكواع_الركب)

انا لاحظت ان اللون خف  واليلد يكون ناعم عقب الاستخدام و انا بعد لازم احط كريم مرطب مايكون معطر



دخلت منتدى كويتيات لاحظت انهم مسويه ضجه عليهاا  ..استغربت شمعنى الحين مع ان الليفه موجوده قبل سنين!


الي يبي يطلبها موجوده بالنت كذا سايت موفرها

وهم رورو قالتلي ان في وحده تبيعها بمنتدى كويتيات

مشروع الجليس(نادي مما قرأت)





يمكن اغلبكم عارف مشروع الجليس وراح انقل لكم نبذه عنه من صفحتهم في الفيس البوك...

مشروع الجليس مشروع غير ربحي أطلقته شركة إنجاز العالمية للنشر والتوزيع وبإدارة مجموعة من الشباب الكويتي الذي يحب الثقافة ويؤمن ان مسؤولية إحياء الثقافة ليست مقتصرة فقط على مؤسسات الدولة ولكن للشباب دورا أساسيا في إحياء الثقافة لدى الشباب . وهدف مشروع الجليس أن يشجع الشباب على الكتابة والقراءة من خلال أدوات عملية فاعلة لتحقق النجاح في تكوين جيل مثقف يحب القراءة ويرى أهميتها ويؤمن أن الكتابة هي مهارة أساسية ومهمة لكل إنسان بغض النظر عن وظيفته ومجال عمله.



انا قاريه عنهم من زمان بس ولا مره شاركتهم
لان صارلي فتره مو قاريه واغلب الي اقراه عباره عن روايات وقصص رومانسيه واشعار وكتب عن التعامل مع الناس والشخصيات

ويوم السبت كنت قاعده مع رفيجتي وقالتلي ان عندها اجتماع يوم الاثنين  19-9-2011 مع نادي تابع لمشروع الجليس اسمه (نادي مما قرأت) فحبيت اني انضم لهم

موجودين على تويتر

@mma8r2t

وكان الاجتماع  يوم الاثنين 19-9-20011بمكتبه البابطين

الاجتماع كان خفيف وحلو وسريع ..تشرفت بالتعرف على ناس يدد


وكل شخص اقترح كتاب للمناقشه
ومن بعد عمل قرعه تم الاختيار على كتاب الدكتور بشير الرشيدي

_كيف تحقق أهدافك؟_




والمناقشه باذن الله راح تكون بعد اسبوعين:)

السبت، 17 سبتمبر، 2011

RIMMEL_DAY 2 NIGHT

جربت ماسكرا من ريميل فكرتها فرشتين في ماسكرا وحده
2X1

وانا من قبل جربت وحده من ماركه برجوا نفس الفكره بعد




هذي اهيا صورتها





ماسكرا التكثيف



ماسكرا التطويل



هذي حبيتها اكثر من مالت برجوا
فرشه التكثيف حلوة حطيتها اول بعدين حطيت من مالت التطويل

موجوده في سنتر بوينت
سعرها3،900

الخميس، 15 سبتمبر، 2011

Bath & Body Works


رحت

Bath & Body Works

سالتهم عن آخر مجموعه نازله عندهم لان ابيها هديه

قالوا آخر مجموعه انزلت عندنا من اسبوعين تقريبا اهيا

INTO THE WILD PASSION PRIMITIVE




خذيت العطر والبودي لوشن والبودي سبراي

و مسوين عرض  واحد منهم طلع مجانا

حلوة ريحه المجموعه خفيفه وصيفيه

الثلاثاء، 13 سبتمبر، 2011

The Smurfs




من يوم كنت صغيره ومازلت صغيره وانا احب السنافر
ولما نزل الفيلم كنت ابي اروحله..على اساس ان مع رورو بس ماضبطت السالفه كلش

وحاولت مني ومناك لا حياه لمن تنادي مافي احد يروح معاي


قلت مااكو الا اخذ نفسي واروح بروحي

رحت المهلب وحجزت


وكنت حدي مترددة ادخل ولا لأ..لان ماعمري دخلت سينما بروحي

وتوكلت على الله ودخلت

دست على ريول وحده والي قاعد يمها ..خو وخروا كراعينكم  شلون امر بالله ..وكان كرسيي يمهم عقب ماخلص الفيلم استوعبت اني ماقلت سوري اشوفها مطنقره واطالعني بنص عين خخخخ

الفيلم حلو وخفيف في شغلات اتضحك يعني الصغير والكبير بيستانس عليه


والمهم من هذا ان انا فخووره بنفسي دخلت الفيلم بروحي بدون ما اقرق واحش باحد :)


وسنفروا بحيااتكم :P

الاثنين، 12 سبتمبر، 2011

Lamp Ring

في محل بجمعية الدسمة فوق احب اخذ منه الزيوت العطريه حق الفواحه وعندهم شموع وهالسوالف
اسمه
Home inspirations





عندهم شغله اسمها  Lamp Ring





طريقه استخدامها
انكم تاخذون أي زيت عطري تفضلونه وتحطون جم قطره على Lamp Ring لين يتشربه ،بعدين عاد تركبونه على اللمبه واهيا بارده(قبل لاتفتحون الليت) ولما تفتحون الليت ومع الحراره راح تفوح وتطلع ريحه العطر

هذا اهوا شكل Lamp Ring



انا احب استخدم هالنوع احطه بالفواحه اسمه
plumeria

وعندهم طبعا انواع واايد

هني يبين لكم طريقه استخدام الـ  Lamp Ring
لاحظوا شلون تتركب عشان لا تطيح




انا للحين مااستخدمته عطيته اختي بجرب فيها لاني اخاف خخخخ

الأحد، 11 سبتمبر، 2011

Bourjois _Bio detox organic_

من زمان مو شاريه لا فونديشن ولا بودره


عااد رحت سنتربوينت و لازم خو امر عالمكياج ولا اشوف برجوا منزلين كومباكت بودر من ضمن مجوعه

Bio detox organic وهالمجموعه عضويه  يعني ماتضر البشره وفي منها فونديشن وكونسيلر بس ماجربتهم


وهذي اهيا البودره


خذيت 52 vanilla






يازتلي المنظره مالتها تتحرك





انا حطيت البودره وتحتها مرطب بدون فاونديشن وقعدت فيها فتره تقريبا 5 ساعات او اكثر مشالله واايد خفيفه وماجني حاطه شي وبسرعه تتجانس مع البشره يعني ماتتقطع او تخلي الويه مشوهب..

موجوده في سنتربوينت وسعرها 6,750

السبت، 10 سبتمبر، 2011

صوغة من رورو الشخبوطة

ماقصرت




لما راحت العمره يابتلي صوغه






حلو تمرية




مبخرة سياره



خاتم التسبيح



ماي زمزم


سياده


ماسكرا مافالا لتكثيف الرموش..هذي كنت ابيها من زمان واهيا يابتلي ياها :*


كحل من قزاز



معطر بالاعشاب الطبيعيه ويستخدم لتفتيح البشره ..حبيت فكرته




مسواك



السنافر غرامي


صابونة البابايا العملاقه


ثانكس رورو

وتقبل الله طاعتج
ونردها لج بالافراح  ان شاء الله:)