الأحد، 30 أكتوبر، 2011

EASY FEET

امس لما رحت معرض الهدايا شفت شغله عارضينها حق الريول

اسمها

EASY FEET


وسالت الي تبيع شلون استخدامها

قالت سهل مايبيله شي

اتثبتينها على ارضيه الحمام(تكرمون)

واثناء السبوح والجسم امبلل وفيه صابون ادخلين ريولج  وتفركينها فيها
تشيل الخلايا الميته وتسوي مسااج

وسعرها قالتلي ب4 او 5

وكنت باخذها بس تنرفزت من وحده دشت عرض جان امشي واخليها




عاد اليوم رحت تروفاليو جان اشوفها

وخذيتها


وحصلتها بسعر ارخص ب1.700
العلبه الوحده فيها حبه وحده





وفيها صخره حق كعب الريل




هناك 10 تعليقات:

رورو الشخبوطه يقول...

شكلها حلو ماشاءالله جربتيها ؟؟

وخيره انه غثتج لقيتيها ارخص:)

بالعافيه يارب..

i-Found يقول...

بروح اخذلي وحده عجبني انها تلزق

candy cotton يقول...

شكلها وايد حلو
والحمدلله صارت هالسالفه بمصلحتج

نزهاويه يقول...

الله كاتب تاخذينها من تروفاليو و ارخص :p
اي تروفاليو ماخذتها الري و لا الشويخ ؟ و اي صوب عاد انا قبل فتره رايحه ما شفتها :p

Made n Q8 يقول...

رورو

لا والله بعد ماجربتها لاني قاعده استخدم شغله(بنزل عنها بوست) حق الريول وابي اشوف نتيجتها

الله يعافيج يارب

Made n Q8 يقول...

i-found

اي اشوه تثبت بالارض

Made n Q8 يقول...

candy cotton

اي سبحان الله خيره

Made n Q8 يقول...

نزهاويه

انا خذيتها من فرع الراي..ليش اهوا في غيره؟ :)

تحصلينها بالدور الي تحت

غير معرف يقول...

ياعمي لو فيها خيرا جان ما انباعت بهالسعر شريتها بوطقه لانها مو اصليه كل شوي منشلع من الفرشه جم وحده والصخره انكسرت ولا تنظف شي، صج الغالي سعره فيه يوم شفت الاصليه صج فرق الفرش الي فيها امتن واكثر ولا الربل مالها امتن سعرها 8ونص

غير معرف يقول...

We stumbled over here from a different page and thought I
might check things out. I like what I see so i am just following you.
Look forward to checking out your web page for a second
time.
Take a look at my website ... GFI Norte