الخميس، 29 يوليو 2010

25 سنة :D



اليوم الي اهوا 29_7 صار عمري 25 سنه :d





ترى كاتبته بحمره مو عبالكم جرحت نفسي وكتبته بدمي سوالف مراهقين :P
طبعا اول المهنئين كانت رورو وثانيهم اخت رورو وبعدها الحبايب والقرايب :d
اتمنى تكون سنه خير علي والله يحفظني ويهديني ويخليني لاهلي والي يحبوني واغير وظيفتي

الاثنين، 26 يوليو 2010

Bourjois _ Rose Exclusif_

مرحبا
امس جربت المنتج اليديد من برجوا حده يازلي اسمه rose exclusif اهوا gloss يعطي توريد وانتفاخ طبيعي للشفايف سعره ب4 وشي








وخذيت معاه ماسكرتين صارلهم فتره نازلين




وعطوني هديه جنطه مكياج وكحل صوب اسود والثاني ابيض
و هالعرض كان بسنتر بوينت







الخميس، 22 يوليو 2010

Concealers

مرحبا
من المشاكل الي اعاني منها لما اشتري الميك اب ان ما ألقى كونسيلر وفونديشن يناسبون بشرتي ماادري العيب بلوني ولا فيهم..لي هالدرجه يعني لوني ماله مثيييل :P
بس من الكونسيلرات الي حبيتهم اهوا كونسيلر artdeco في نوعين انا جربت هذا
الحلو فيه ان لونه حييل طبيعي ولا يبين انج حاطه
خصوصا حق الي مايحطون فونديشن ..يعني بس كونسيلر يغطي التعب الي تحت العين وماسكرا يصير الويه حده طبيعي حلو حق الصبح والمشاوير السريعه.
وانا استخدم رقم 3



وثاني واحد من برجوا حبيته لان اهوا على قولتهم علاجي!
حلو بس انا افضل الي من artdeco عليه
واستخدم رقم 52

والثالث TOUCHE ÉCLAT من سالوران





كانوا مسوين عرض هديه معاه سنفره ويع ماحبيتها

بس الكونسيلر حلو خذيت رقم 2
بالنسبه لي افضل الي من سالوران و artdeco
اسعارهم مممممممم
الي من برجوا و artdeco مايتعدون الخمسه والي من سالوران فقدت الذاكره مااذكر لحظه ب13 او 12 :D






الخميس، 15 يوليو 2010

maison de senteurs

مرحبا
قبل جم يوم رحت المهلب عشان كشك maison de senteurs (ماادري شلون تنقال بالعربي)
اهوا الكشك تحت جبال زين
وعندهم افرع في بلازا حولي وبالمثنى




انا من قبل كنت اخذ منهم الصابونة الخضرا..الحين من كثر مااستخدمتها كرهتها
وهالمره خذيت منهم عطر اللافندر اهوا يستخدم عالجسم ويصير فوق الملابس
ريحته وايد حلوة وخفيفه بس بعييده عن اللافندر


والثاني مخصص للاطفال ريحته على بودر








اهما كانوا مسوين عرض تاخذون اثنين والثالث مجانا
كلهم ب17 وشي



وهذا سايتهم

http://www.maisondesenteurs.com/site/fr/article.php?id_article=1




الثلاثاء، 13 يوليو 2010

أبي عييش أخضر :P

ماادري شطاري علي أبي عييش لونه أخضر
وكالعاده دقيت على حمالة الاسية اختي الكبيره قلت لها أبي عيييش اخضر
قالت وهذا بالله من وين اييبونه!
قلت كيفكم عاد دبروا عمركم ارد من الدوام القاه ولا ترى مااداوم :P
ورديت البيت ولا اشوه مسوينه صج ان درجه الخضار كانت فاتحه بس المهم اخضر
شكله جنه صابونة دوف الخضرا لما ابشرها :d





السبت، 10 يوليو 2010

Schlotz sky`s

مرحبا
امس رحت Schlotz sky`s مع اختي
كل ما امر يم مجمع غوالي اشوفه بس ولا مره جربته..عاد امس رحت مع اختي بعد حنه طبعا اهيا ماتحب تروح مطاعم تقول شلون تاكلون باللويه..قلت ان شاء الله لي صار مطعم ابونا نقعد ناكل فيه بروحنا!
بس اشوه لما رحنا عال9 ونص لقيناه تقريبا فاضي




عصير عورانج

شوربه مشروم ماااالحه :s



بطاط





الروست بيف مالت اختي اختارتها مع صمون اسمر حجم الصغير ..تقول حلوة





التركي اوريجينال مالتي طلبتها مع صمون ابيض الحجم الكبير .. وايد لويه فيها ماادري شنو كنت قاعده اكل ماحب جذي احس الطعم يضيع



الطلب كله طلع ب7 ونص
المره اليايه ان شاء الله بجرب البيتزا مالتهم
مكانهم بمجمع غوالي والثاني بمجمع اكنان
وعندهم توصيل 22320777




الجمعة، 9 يوليو 2010

نامي بسلاام ياحبيبتي :(

أنا حزيييينة :(
سلحووفتي ماتت
وموتتها كانت قشره والله ماهقيت نهايتها تكون بهالطريقه
حسبي الله عليك من قطو نفسك دنية بالله مالقيت تاكل الا هاليابسه يا عل بطنك الشقاق
واعليا توحد فيها لما كانت تحوس بالحووش جرح راسها واكل شويه من فخوذها
خدامتنا حطتها بمكانها ولما قعدت الصبح لقتها تنزف ..اخيييه يعني كانت تنزف طول الليل يا حرقه قلبي علييج











:(

الأربعاء، 7 يوليو 2010

شكرا:)

شكرا رورو عالبابونة الافريقية
امس جربتها حده يازتلي :D





وامس اختي يابتلي من maison de senteus ست كامل في بابونتين وكريم وشور جيل وسبري جسم
هم شكرا اختي








الأحد، 4 يوليو 2010

انكسرت :s

وحده من البيض انكسرت
اهي اهي
مايسوى نثرة شعري كل شوي طالعه بالشمس اجيك عليهم
الحين لو ماكلتها مو احسن :P