الثلاثاء، 31 أغسطس 2010

CoverGirl_EXACT EYE LIGHTS_

امس رحت مركز سلطان
وكنت ابي ماسكرا كفر غيرل EXACT EYE LIGHTS حق الي عيونهم لونها بني..وكل مره اروح ما ألقاها كله مخلصه
بس القى للي عيونهم زرقا

وقعدت احوس يالله لقيت وحده
اهيا فكرتها انها تعكس لون العيون وتبرزه اكثر
ولما دخلت سايتهم لقيت في منها 4 انواع للي عيونهم زرق_خضر_هيزل_بني






ورحت اخذلي كرواسان ولا اشوف هالتوست في منه كذا نوع في بالاوميغا 3 وفي للحفاظ على البشره وللمرأه الحامل
انا خذيت هالنوع


وهني مكتوب فايدته


بس ترى صاير يابس مثل الشابورة



الثلاثاء، 24 أغسطس 2010

diorshow maximizer lash plumping serum

وسلم شروفة يالله خلها لامها يالله
خخخخخ
احلى شي لما ايون اليهال ويقرقعون ..لازم وضروري اول اسم يقولونه اسمي ولا جان ازنطهم
انا خو فيني عقده لما كنت صغيره ماقرقعت كلش امي كانت تخاف عالاوادم مني لا وي اقصد تخاف علي ..وحاليا صايرة بخاطري ودي ادور عالبيوت واقرقع بس كلش ماينفع!


المهم
وانا اشوف مجله ليالينا ولا حاطين عن ماسكرا يديده من ديور






اسمها
diorshow maximizer lash plumping serum
اهيا اساسا بيس تنحط قبل الماسكرا تعطي كثافه واذا استخدمتوها كل يوم قبل الماسكرا راح تقوي الرموش وتكثفها







وانا جربت من قبل لاش فايبرز من ميك اب فور ايفر
بس مالت ديور احسن منها



وسعرها 11،750

الأربعاء، 18 أغسطس 2010

حلو الرهش من الخبااز+مسلسلات والبرامج الي تضحك

مرحباا



امس جربت حلو الرهش من الخبااز يميييي
غيبنا عليه انا واختي
انا مو ذاك الزود مع الرهش بس صاير حده حلو مع الهرده والكيك وهم الشكل يساعد :)
سعرهاب12
**********************
وبغيت اسئلكم
شنو المسلسلات والبرامج الكوميدية الي اتابعونها في رمضان؟
خلو ضقه الخلق شويه على صوب :)
انا اتابع
-صوتك وصل.
-كريمو بس لقطات ولامره شفت حلقه كاملة.
-عايزة اتجوز لووول مو صج خصوصا اليده مع الام.
-عيني عينك.

الأربعاء، 11 أغسطس 2010

مبـــــــارك عليـكمـ الشهـر

مبـــــــارك عليـكمـ الشهـر
وعســاكـمـ من عــــــــواده





بهالمناسبه اختي الكبيره سوتلي سمبوسه جذبيه بوديهاا معاي الدوام اتصبر فيها :P


وهذي كانت هديه اختي








الثلاثاء، 10 أغسطس 2010

Suriny+volume lip extreme

اليوم الظهر وصلني زيت سوريني
شكرا :)



ــــــــــــــــــــــــــــــــــــــــــــــــــــــــــ
من جم يوم رحت صيدلية الشامية عشان اخذ شغله معينه
عاد شفت كذا نوع من مكبر الشفايف واحترت
جان اسال الي تشتغل هناك قتلها ابي احسن نوع
عطتني هذا
volume lip extreme
من ماركه eveline




اول مارديت البيت جان اقول حق اختي هاج جربي انا مااقدر اجربه الحين شفايفي تعورني ...لوول من اللعانه بشوف اذا ماصار فيها شي بحط منه
طبعا خرطي لا يتفخ ولا شي وانا مو باط جبدي الا الي سالتها بالصيدليه وتجاوبني خاطر لا تنفتق علي من كثر مااهيا مشتطه عالمنتج
سعره 4،950
وفي منه كذا لون

الخميس، 5 أغسطس 2010

سلة فواكه بابونية

ونااسه
خالتي يابتلي من تركيا سله فواكه على بابووووووووووووووووون :D
شكله جنه صج




الاثنين، 2 أغسطس 2010

My BirThDay :D

خل اقولكم شنو سويت في يوم عيد ميلادي
كان يوم الخميس وطبعا ماداومت
رحت سويت جلسه تكفخ لا وي أقصد مساج عن كوين مساج




هديه رورو





هني صورتها اول ماعطتني ياها بالافنيوز


هدية اختي الوسطيه



هدية اختي الكبيره


هدية صديقتي






كيكتي :d







الغدا كان في مطعم البلد اختي كانت تبي تجربه مع العلم ان اهوا عيد ميلادي والمفروض انا اختار المطعم بس اهيا اختارته :s




وهذي هديتي حق نفسي
رحت القرشي وخذيت منه جم شغله