Candelite Sweets

اول يوم وصلنا دبي على طول قطينا اغراضنا بالفندق ورحنا سيتي سنتر

وصلنا متاخر 10ونص يدوب دشينا جم محل تعشينا وطلعنا

المره الثانيه الي رحنا فيها سيتي سنتر  انا واختي الكبيره وامي دخلنا محل ايكونيك

خبري باختي اول مادخلت فجاه اختفت!

انا كملت تسوق وعقب شفتها

اشوف بايدها جيس حلاو وكاكاو قتلها من وين؟

جان تقول لقيت محل مدعوس داخل ايكونيك صوب السلم المتحرك عندهم هالسوالف

قتلها ايي صح شفته من بعيد عبالي محل العاب ماهقيت حلاو  وجذي:s

هذي مشترياتها

(اشوه حاسبه حسابي بالمشتريات جان زنطتها :P  )

وهذا سايتهم دشوا تطمشوا يونس

http://candelitesweets.com/

M.A.C_BROW SET

من الشغلات الي كنت ادور عليها في الكويت وماحصلتها

اهيا ماسكرا من ماركه ماك تستخدم للحواجب اتخلي لونها بني فاتح(لون طبيعي)

ولما رحت دبي حصلتها

شوفوا فرشتها جنها فرشه ماسكرا الرموش

لما جربته على حواجبي طلع افتح من تاتو الحواجب الي استخدمه واهوا من ماركه ميك اب فور ايفر (رقم2)

جربتهم اثنينهم على ورقه بيضا
الي فوق ماك
والي تحت تاتو ميك اب فور ايفر

ولان الفرشه مو عمليه، استخدمت فرشه الحواجب من ماركه ميك اب فور ايفر

اللون يازلي لان انا اساسا حواجبي خفيفه ومايصلحلي الغامج يبين fake اشكره

خذيتها من ماك الي بمجمع صحارى

CINNABON_cupcakes_

اليوم شفت بالجريده ان سينابون

مسوين كب كيك(كاكاو_فانيلا_رد فلفت)

رحت الفرع الي موجود بالمهلب قتله ابي علبتين
جان يقولي ماكو غير هالاربع الي جدامج، اذا تبين اكثر روحي فرع ثاني

خذيتهم وقلت اذا صار طق عصي عليهم طلبت من البيت لان عندهم خدمه توصيل

ماعجبني الكب كيك مالهم

الرد فلفت الله يزيد النعمه
الكاكاو ماكليتها
الفانيلا طعمها اهون من الرد فلفت يعني قدرت اكلها

كتاب_ الراهب الذي باع سيارته الفيراري_ للمؤلف روبن شارما

من الكتب الي تمت مناقشتها مع قروب (مماقرأت)

موجودين على تويتر

@mma8r2t

اهوا كتاب

الراهب الذي باع سيارته الفيراري للمؤلف روبن شارما

اهوا كتاب لتطوير الذات و جد استمتعت وانا اقراه

بكتب لكم نبذه عن الكتاب باختصار


قصه خياليه عن محامي ناجح اسمه جوليان يعمل في انجح المحاكم تحوشه نوبه قلبيه، من بعدها يقرر انه يترك عمله وكل شي في حياته ويروح يبحث عن قريه موجوده في الهند

شنو سالفه هالقريه؟ لما تقرون الكتاب بتعرفون ;)

راح اذكر لكم جم نقطه طلعت منها من هالكتاب:

_ القصه فيها وايد حكم ونصايح ومن النصايح الي ذكرها ان لازم نهتم بالامور والافكار الي تساعد على تغيير نمط حياتنا للافضل.
_ الشخص الوحيد الي يحدد مصيرنا اهوا احنا سواء بالفشل او بالنجاح.
_ شلون ان الناس تركض وراء الماديات ويهمل نفسه وبالاخير يشوف ان كل الي حققه وركض وراه اهوا السبب في تعبه ومرضه!
_حبيت ان المحامي قدر يوصل للقريه خصوصا ان غيره حاول يوصل للقريه بس مااقدروا بس لان اهوا حاب ومصر يغير حياته للافضل عشان جذي قدر  يوصل وغيره ماوصلوا.

DOUBLE-LASH MAVALA

من فتره كان بخاطري اجرب مقوي الرموش (مافالا)

DOUBLE-LASH MAVALA

ورحت دورتها بالجوثن ماحصلتها

عاد رورو ماقصرت يابتلي ياها صوغه

بصراحه ماكنت احطها كل يوم
يعني يومين وترك ،بالاسبوع مره :p

اهيا لحد الحين ماخلصتها بس الي لاحظته انها رموشي طالت خصوصا لما احط ماسكرا فرقت علي رموشي بالطول
وهم لاحظت في رموش صغيره طلعتلي

ويتراوالي لو استخدمها بانتظام راح اشوف نتيجه احسن

THANX RORO

IT`SUGAR

لما رحنا _مول الامارات _

كنت ناويه ادخل سكي دبي بس ماضبطت

ومن المحلات الي دخلتها اهوا محل الحلاو

IT`SUGAR

استانست على المنيكان ان ملبسينهم( حلاو)

شكلهم يشوق

بعض مشترياتي منهم