معرض العطور

مرحبا

اليوم الصبح رحت معرض العطور مالقيت احد يروح معاي جان اخذ بنت اختي الصغيره صج انها لعوزتني بس سلتني بالطريج

خذيت ماسكرا cat walk ب4 وشي

 من بودي سنتر مجموعه النرجس بس الشور جل والعطر بعشره

من ماركه SLA  اول مره اخذ منها..  خذيت  فونديشن والكومباكت بودر مسوين خصم اثنينهم ب8وربع

جربت الفونديشن حلو خفيف يصلح للبشره الي مافيها عيوب

ورحت قسم حنان دشتي اول ماقربت كلهم لابسين تايقر خفت والله لا ينهشوني انا وبنت اختي :p

خذيت الكونسيلر منهم ب5

ومسوين عرض 5 شدوات بعشره

و3 حمر هم بعشر دنانير

ومن نيفيا الصبغ الواحد بدينار

ومن بيضون عطر لاختي مسوين تنزيلات

وللبيت من دكان البخور معمول المعجون السلطاني على 5 وشويه بخور ان شاء الله يعجبهم

ومن الطارش لاختي الثانية مجموعه فيها عطر وبخور ودهن عود ب18

ونسيت اروح لاش قايله يعني بخليه اخر شي :S

Trust Saving Card

مرحبا

الاسبوع الي طاف مااادري الي قبله!

وصلتني بطاقه (ترست)

اهيا عباره عن بطاقه توفير تقدم لكم خصومات وكوبونات مجانية

هني من داخل

هذي شكل البطاقه

وهذول الكوبونات المجانية تبتدي قيمتها من دينار ونص لي 120 دينار

بعض الشركات والمحلات المشاركه بالكوبونات:

- فلورنسا كافيه.

- بينت بول الكويت.

- الشايجي للاثاث والمفروشات.

- مركز الضمان الفحص الفني للسيارات.

- فردين للنظارات.

- مركز المباركية لطب الاسنان.

- ابتسامه كلينك

- ناتشرال كير.

- معهد وصالون البدر للتجميل.

- صالون هلا بيور.

- صالون ديفاز للسيدات.

- صالون بيربل ديزاين.

- صالون فلورنسا للتجميل.

- صالون مايسترو كت للرجال.

- معهد جرين ابل للسيدات.

- معهد تاي مساج التايلندي.

- صالون فاطمه قبازرد.

وغيرههم تلقونهم بهاللنك

http://www.trusttops.com/

وبهالكتيب يبين لكم الشركات والمحلات والمطاعم  والعيادات والفنادق ...الخ  المشاركه بالخصومات

وهذا سايتهم راح يفيدكم اكثر

http://www.trusttops.com/

البطاقه سعرها

20 دينار

Hawaiian Spa_foamburst_

مرحبا

أخباااركمـــ؟

جربت شغله عجبتني من ماركه

imperial leather

هالماركه تقريبا جربت اغلب الشور جل ملوتها

وذيك المره رحت مركز سلطان ولا منزلين شي يديد limited edition

اسمه

Hawaiian Spa

عباره عن فووم

طريقة استخدامه:

ينحط عالجسم المبلل وتفركون بايدكم مو بالليفه يعطي نعومه وريحته وايد حلوة

سعره 1،750

Body Shop_MIDNIGHT BAKULA_

امس رحت جمعية القادسية ولا اشوف بوستر العطر اليديد من بودي شوب

MIDNIGHT BAKULA

ان شجرة الباكولا، تتفتح وبوفرة اثناء الليل وعلى امتداد القارة الهندية لتملأ الاجواء بمزيج من عبق رائع تنضح به مجموعة من البتلات تجتمع عند سقوطها لتشكل سجادة رائعة من الورود البيضاء والتي تبقى محافظة على عطرها الآخاذ حتى بعد سقوطها فتعبق الجو بعبيرها المميز.

يتميز عطر الباكولا من ذي بودي شوب بأنه يجمع بين الروائح الشرقية والروائح الغربية ليشكل مزيجا أخاذاً ينفذ الى الروح ليغرقها بأجواء من الرقي والجمال. يحتوي بشكل اساسي على خلاصة زهرة الباكولا والبرتقال والكشمش والماندرين لتشكل مجتمعة سمة الانطباع الاولي للعطر، بالاضافة الى نفحات الياسمين وزهر الدراق التي مزجت لتعطي سمات جوهر العطر، واضيفت نفحات عطر عشب البتشول والمسك والفانيلا لتشكل اساس هذا العطر ، بالإضافة الى الكحول العضوي المستخرج من قصب السكر والذي تم الحصول عليه من الاكوادور من خلال برنامج التجارة العادلة.

*منقول من موقع ياهو

انا اول ماشميتها كفخت براسي بس بعدين لما بردت صارت واايد حلوة يايه على عطر فرنسي وشويه مسك

سعر العطر ب6،500

وفي منه بودي لوشن_بودي سبراي (هذول الي انتبهت عليهم)

Auntie Anne`s

مرحبا

اليوم طلبت من

Auntie Anne`s

من فتره شفت اعلانهم عاد قلت خل اجرب البرتزل مالتهم

موجودين بموقع طلبات

1- orginal pretzel ب800 فلس

2_ cheese pretzel ب دينار

3_ party pretzel ب 500 فلس

4_pretzel pocket ب1.100

وهني من داخل

والدب طلبته جبنه شيدر ب 150 فلس

انا اكثر شي حبيتها الي اهيا ال orginal و cheese pretzel اما الباجي عاديين وماحبيت الpretzel pocket الله يزيد النعمه

واحلى شي تاكلونه اول مايوصل لان راح يكون حار

Nivea_Double Designer Black Mystic_

مرحباا

جربت ماسكرا نيفيا اليديده

اسمها

Double Designer Black Mystic

وهذي نبذه عنها من السايت

تصميم مستلهم من لؤلؤ تاهيتي الأسود النادر والثمين، المعروف بجماله الخالص ومواصفاته الساحرة، مسكارا
Double Designer Black Mystic تمنحك أسطورة اللؤلؤ الأسود في رموشك.
المسكارا ذات الفرشاتين تجمع بين المسكارا باللون الأسود في طرف، ومفعول اللون الأسود الغني في الطرف الآخر. وبرفاهيتها مثل لؤلؤ تاهيتي الأسود، ستضيف المزيد من الجاذبية النادرة لرموشك.
المفعول المزدوج والقوي للمسكارا الأكثر سواداً يمنح الرموش لوناً مزدوجاً، بينما توفر الفرشاتان أفضل نتائج تكثيف وفصل للرموش.

واللنك..

http://www.ar.nivea-me.com/products/show/41844

عقب ماقريتوا الحجي الحلو والمنمق

خل اقولكم تجربتي

1_اول فرشه لها الي اهيا (black volume)

ماحبيتها ماتكثف بس تفرق الرموش عدل

2_ الجزء الثاني (pearly black )

هذي الفرشه حبيتها تعطي لمعه حلوة ..بعض المرات لما نحط الماسكرا مع الوقت تنشف ويقلب لونها رمادي اما هذي لا تعطي لمعه وتخليهم جنه توه حاطين الماسكرا

سعرها4،750

وانا من قبل مجربه من كفر غيرل ماسكرا اسمها (lash blast luxe) كاتبين انها تعطي لمعه بس لما جربتها طلعت العكس تغبر الرموش!

دايسو

هالمره رحت دايسو الي بالفروانية ولا مره رحتله كل مره اروح الي بالسالمية

كنت ابي شغلات وفناتق غريبه بس عادي ماكو شي يديد

بس خذيتلي جم شغله

_1_

حمره سودة تحطونها بالفراغات الي تصير بالشعر..تحطون منه شويه وتموهونه بطرف صبعكم عشان لايطلع غامج

عادي يروح بالغسال لا تخافون

سعره بـ2،500

_2_

سنفره تشيل الشعر الي بالجسم ،ماتشيله من جذوره بس تقطعه مثل نتيجه الموس..هذي قبل كنت اخذها من جمعية القادسيه بس مو نفسها بالضبط لا غير بس نفس الفكره وصارلها فتره منقطعه عاد لقيتها عندهم

استعمالها سهل تفركون فيها الجسم بحركات دائريه( باتجاه_عكس )عقارب الساعه ..

سعره ب،600 فلس

_3_

هذا تكرمون (ميني حمام ) لوقت الازمات يستخدم حق اذا انحصرتوا بالسياره او حسيتوا بلوعه

فرغوا شغلكم وحذفوه بزباله !

ان شاء الله مااضطر اني استخدمه!

سعرهبـ600 فلس