الثلاثاء، 23 فبراير، 2010

Monawa3at ;)

مرحباا
أخباركمـــــــــ؟
حق الي يحبون سوالف البودي سبراي عقب الشور جربت شغلتين حبيتهم من ماركه bench
المحل موجود في مجمع البحر بحولي بس انا خذيتهم من حواي موجود بسرداب الشايع ..يعجبني شغل هالحواي واييب شغلات مو موجوده عند غيره واذا قال ان هالشغله زينه تطلع صج زينه ..اقول حق اختي مشالله شوفي بشرته تهبل خل اساله شتحط؟ جان تقولي يالله عاد استحي !
افف كله تدقر وتجعم :s
الي عاليمين البنفسجي raspberry
والازرق ei8ht
انا حبيت الازرق اكثر لان على نظافه وحتى البنفسجي زين
اسعارهم مااذكر بس مو اكثر من 3
الحواي ترى ماعرف اسمه كل مره اقول بثبت اسمه وكالعاده انسى


***
وشوفوا اختي شنو سوتلي :d
سوتلي كفر للعاي فون على حرفي

***

جربت ماسكرتين يدد
الاولي الحمرا من ريفلون اسمها double twist الحلو فيها انها تكثف بس لا اتكثرون عشان لا اتكتل بعدين يصير شكل الرموش مو حلو جنه عنكبوت اسود ميت بعينكم خخ
ب3،500
والثانيه من لوريال double extension مع سيروم التجديد(عاد يجدد شنو ماادري :s ) بس الي عرفته ان من محتوياتها بعد الخروع يعني عشتو تجميليه وعلاجيه
ب7،500




***
امس رحت الافنيوز ودخلت pimkie ولقيت هالتي شرتات الي على باباي
وخذيت على بنك بانثر وسنوبي
الواحد على 6ونص







ماقدرت اصور كل الي بالمحل


وهم ترى زارا وبول اند بير وبرشكا منزلين مثل هالطقه بس ماحبيتهم الرسومات محكوكين والالوان رايحه !


وحيااكمــ:)


هناك 14 تعليقًا:

شاي الضحى يقول...

يونس الكفر والتي شيرتات حلوين وشفت ملوت زارا صح الوانهم رايحه ما اعجبوني

لوعتي جبدي عنكبوت ميت ههههههههه


عليكم بالعافيه :)

رورو الشخبوطه يقول...

ظهر الخير :)

بالعافيه يارب ..

شوقتيني ع هالحواي بس انا قاضبه نفسي خخخ..

والماسكرات اتمنى من العلي القدير انه اختي ماتشوفهم خخ وشدعوه لوريال دوبل اسعاره اول اذا ذبح عمره 5 دنانير :\

والكفر نايس ماشاءالله تسلم ايد اختج يارب..

التيشرتات اليوم اقول لرفيجتي ابي منهم بس طوال القصار اكوده ومالبسهم :\

وع طاري اخر صوره عيزت وانا انطرج تشبكين ابي السالفه ماشبكتي خخ..

ومرسوو..

F6o6a Al-b6a يقول...

المسكررااات احلى شي

لو ادري ان كاتبه عن مسكرا جان مادخلت

انا ماسكه نفسي وصاير لي فتره مو شاريه مسكره

بس من شفت دعاية لوريال وانا بخاطري مسكرتهم

عليج بـ العافيه الاغراض ..

Hope يقول...

السلام عليكم و رحمة الله و بركاته

عجبوني التي شيرتات، ملبوس العافيه يا رب
بس ترى بالتنزيلات وايد ينزل سعرهم .. يصيرون على2.500 و 1.500
انا متعقده من الماسكرات .. ولا وحده تصلح لي احس كلهم يخلون الرموش يلصقون ابعض =S

عليج بالعافيه =]

كوكتيل يقول...

حلوين بالعافية يارب

أكثر شيء عجبني التيشيرت مال النمر الوردي
ملبوس العافية يارب

حلو البوست

Made n Q8 يقول...

جايونه خخخخ
اي ملوت زارا على سنافر انا احبهم بس حسافه الالوان رايحه

Made n Q8 يقول...

رورو الخير بويهج
ولوريال ماادري ليش جذي صارت اسعارهم قبل مو جذي!

وترى تي شيرت بنك بانثر طويل شوي اما سنوبي لا قصيره

وقاعده اتذكر ليش ماشبكت ماادري نسيت خخخخ

Made n Q8 يقول...

فطوطه البطه
الله يعافيج يارب
شوفي ماسكرا لوريال زينه ...مستواها نفس مستوى ماسكرتهم القديمه الي طرف ذهبي وطرف ابيض يعني اذا عندج لا تاخذين هذي

Made n Q8 يقول...

Hope
الله يعافيج يارب
اي صاجه تنزل اسعاهم بس اخاف مااحصل القياس الي ابييه
والماسكرا ياشينها لي لصقت الرموش ابعض احنا بروح نبي شي يوسع هالنكنك عيونه خخ

Made n Q8 يقول...

كوكتيل عيونج الحلوه
والله يعافيج يارب

Ƒiona H. Al- Ƨharekh يقول...

مرحبا

=)
عليج بالعافيه حبيبتي بالتي شيرتات
ألوانهم تونس

Engineer A يقول...

عليج بالعافية ماشاءالله خوش أغراض ..:)

Made n Q8 يقول...

فيونه

هلا مراحب

الله يعافيج يارب

Made n Q8 يقول...

engineer a

الله يعافيج يارب تسلمين