الخميس، 4 مارس، 2010

Pearl Skin_ صابون طرابلس

مرحبا
أخبااركمــــــــــــــ؟ـــــ
من قبل تقريبا 4 اشهر ماادري اكثر ماادري اقل اختي راحت البحرين ويابتلي من هناك صابون من لؤلؤه البشره

اهوا تقريبا من طقه خان الصابون وبيت الصابون اللبناني


نبذه عنه:


من طرابلس بدأت حكايه الصابون_صابون طرابلس 1937
اشتهرت طرابلس عبر مئات السنين بسهول الزيتون وصناعه الصابون .وهذه المدينه هي اول من صدر الصابون الي اوروبا عبر بوابه تركيا منذ اكثر من 300 سنه،كما اشتهرت بمصابنها التي وصل عددها الي 40 مصبنه لكن في بدايه القرن الماضي انذثر عدد كبير من هذه المصابن ولم يبقى الا عدد قليل منها ،وصارت حرفه من الحرف التراثيه التي حافظنا من خلالها على منتجات مهمه من الصابون الطبيعي بزيت الزيتون والصابون العلاجي والمعطر للشعر وللبشره الحساسه والدهنيه وبعض المشاكل الجلديه ولاعتنائها بها وبجودتها اصبحت هديه متميزه ترمز الى الطهاره


****

1_ صابون القرفه(الدارسين)
للحين مااستخدمتها ريحتها ما تشجع :s




2_ صابون الفراوله
حلوة استخدمتها بس لغسيل ايدي..واختي سوت لها خلطه صابون منها حق جسمها وضافت لها جم شغله تقول حلوة ماادري عاد شحطت معاها

3_صابونه الشبه

معروفه الشبه حق التبييض وتقلل من التعرق للاندر ارم (يعني مستحيه اقول اباط ولا على قوله امي حطي بالدلادغ اسمها يضحك لوول)
واهما كاتبين بعد ان نقدر نستخدمها للويه وبين الافخاذ بس انا ماجربت





4_صابونه الجاي الاخضر
حلوة حق الي فيهم حب شباب او بشرتهم دهنيه




5_وهذي صابونه الاس للشعر

جربتها مرتين بس مامشت معاي لان شعري مصبوغ
وهم بعد حاطين انها مفيده للتسلخات الي تصير تحت الابط واعلى الفخذين(اعلى الفخذين وين يعني؟ صوب الحوض!)




وصورتلكم البروشور مالهم ..عندهم بعد كريمات وزيوت مساج

















وافرعهم بلبنان والبحرين
وعندهم سايت بس يبيله تعديل
www.tripolisoap.com

وسلامتكم:)

هناك 14 تعليقًا:

New Bride يقول...

وااااي ذبحتيني من الضحك على الشرح و الوصف لووول تينن امج الدلادغ لووول امي تقولها بعد

و الله مادري انا و لا مره جربت هالأنواع من الصابون جربي و عطينا خبر

رورو الشخبوطه يقول...

وناسه صابون احب هالموازيع ..

يختي جم صابونه بالبرشور شوقوني اجربهم ..

عموما انا احب صابونة الشبة بس للحين ماجربت الا مالت بيت الصابون ولنفس الغرض اللي قلتيه ماشفت تفتيح بس صج حق الدلادغ خوش شي خخخ..

مشكوره..

بو ذياب يقول...

اختي صدقيني غير صابون رقي ماكو :)

كويتيه حتـى آخـر نفَسْ :) يقول...

السلام عليكم..

خوش صوابين والله عليج بالعافيه يارب,,

انصحج تجربين صابونة الكركم والمره تهبل مع الاستمرار طبعا للوجه والجسم استخدامها...

تحياتي لج

Made n Q8 يقول...

new bride

اي امي كلماتها قديمه ولا تعالي سمعي ابوي واهوا يتكلم يقط كلمات مغبره مالج امل تفهمينها خخخ

Made n Q8 يقول...

رورو الشخبوطه

اي انا ابي صابونه اسرار :s

وانا بعد جربت صابونه الشبه بس مااذكر من وين ماخذتها امبيييه فقدت الذاكره خخخ

Made n Q8 يقول...

بو ذياب

صاج والله بس عاد مو مالت الحين مالت قبل شغل عدل الحين جربت كذا وحده بس خرطي

Made n Q8 يقول...

كويتية حتى اخر نفس

الله يعافيج يارب

اي عدل كلامج انا خذيتها من خان الصابون حلوة وبعد هم اختي خذتها من الحواي

mazyona يقول...

مشكوووووورة على المعلومات

Made n Q8 يقول...

mazyona

العفو ولو

Hopeless Sight يقول...

عليج بالعافية :)

Engineer A يقول...

عليج بالعافية ..:)

Made n Q8 يقول...

hopeless sight

الله يعافيج يارب

Made n Q8 يقول...

engineer A

الله يعافيج يارب