مرحبااا
أخباركــــمــ؟
قبل امس رحت مع اختي مركز تجميل القادسية الي بالجمعية فوق
رحنا صوب ستاند اليزابيث اردن ولا منزلين جنطتين مكيااج وايد حلوين واسعارهم حيل مناسبه على القش الي فيهم وحده على 24 والثانية على 23
انا خذيت الجنطه السودة يا اسود يا سواد الليل .. يا لون المسك والعنبر انا من شوفتك ما امل .. وحبك كل يوم يكبر :P احم بدينا اظاهر
نرجع لايليزابيث احسن :)
هذي اهيا
شوفوا شنو داخلها(3حمر+2تحديد شفايف+4قلوسات)
(3فرش+شيمر للويه والجسم حبيت لمعتها طبيعيىه)
علبة فيها 12 لون شدو+لونين بلاشر
كحلين والماسكرا
الي حبيته بالماسكرا انها صغيره حلوة حق اطراف الرموش عشان تطلع لي بره يعني مثل سعاد حسني( رورو ماطرت على بالج وحده الله يستر علينا وعليها :P )
وهذي جنطه اختي
تقريبا نفس الشغلات الي عندي
بس اهيا الشيمر مالها لوز باودر +حمرتين+فرشه+قلوسين+تحديد شفايف+كحل+6الوان شدو وبلاشر
وهذي مثل البوك فيها 3 فرش+والوان شدو وبلاشر
وبس:)
هناك 12 تعليقًا:
عاشو ورا لا وي شكله صار دوري خخخ..
ام حسني خخخ انا ابي ثقتها ..
بس ماشاءالله شكله خوش عرض وسعره مناسب..
بالعافيه يارب..
مشكوره..
عليج بالعافيه
ما شاءالله فيها وايد
عاد انا ما اعرف بهالسوالف :)
شكرا
ماشاء الله تهبل ورخيصه
عليج بالعافيه
زيين تسوين
عليج بالعافيه
انا احب جناط اليزابث اردن
يحطولج الوان حلوة مو عرض وبس
كواليتي وسعر واايد زين
بغلدج وباخذ انا من شوفتك ما امل يا اسود وحبك كل يوم يكبر;p
رورو
لا انا ابي خشمها العوي خخخخ
والعفو حياج الله
جايونة
افا علييج جان تبين اعلمج انا حاضره :)
cheese 7cake
الله يعافيج يارب :)
sn3a
الله يعافيج يارب
اي اخذي الاسود بس ديري بالج منه حده مخطوور :d
وايد حلو ماشاء الله
بالعافية عليج يارب :)
كوكتيل
الله يعافيج يارب :)
نايس والله .. عليكم بالعافيه
انا اخذ منهم الكحل .. سواده حلوو
انزين منو ام حسني؟ ههههههه
:)
fishah
الله يعافيج
الله يسلمج ام حسني هذي وحده ماخذه مقلب بنفسها غصب طيب تشبه سعاد حسني واهيا لو تشوفينها اقرب مالها حسن حسني!
إرسال تعليق