الأحد، 23 مايو، 2010

منوعاات 2

مرحبااا
أخباركــــــــــــم؟
يوم اليمعه رحت مركز تجميل الشاميه كنت ابي جم شغله ومالقيتهم اففففف
عاد سالتهم عن ماركه Hc الي اعلاناتهم مرززه بالجرايد ولقيت ستاندهم
هذا اهوا



وخذيت الماسكرا مالتهم
سعرها 10.500


الماسكرا اطول بس ما اتكثف يعني لازم تستخدمون معاها ماسكرا للتكثيف
مااعتقد راح اخذ منها مره ثانيه لان في ماسكرات مفعولها احسن وسعرها ارخص منها مثل ريفلون (تكثيف) وماسكرات لوريال حلوة وحتى ماكس فاكتر

هذي فرشتها

والشي الثاني الي خذيته
مرطب ديور للشفايف
Dior addict
lip Glow
سعرها 11.500




هذي من داخل
واايد حلوه وعجبني ان فيه حمايه وتعطي اللون الوردي الطبيعي
وحتى لمعتها طبيعيه مو مثل الغلوسات الي جنه احد مسعبل عالشفايف!! وييع طاع التشبيه خخخخخ





ومن بعد ماخلصت نزلت تحت الجمعيه وحست عند البابون ماكو شي يديد
عاد خذيتلي شور جل من ماركه body fantasies
حلوة هالماركه بس ولا مره جربت البودي سبراي ملوتهم

الي عاليمين ريحته على شعر بنات
اما الثاني الي عاليسار بس قريت sexiest جان اخمطه :D

ريحته حلوة على مسك






واذا حابين ريحته تثبت اكثر حطو من بعد الشور من مسك العروس من القرشي او الوايت مسك من بودي شوب


وسلامتكم"

















هناك 10 تعليقات:

رورو الشخبوطه يقول...

بالعافيه يارب..

مالت ديور يقولون تفتح البراطم وتوخر السولد مع الاستخدام صدق ؟

وبيضون يقولون مسوي سيل تهقين موجوده؟؟

والجل شور مادحينه لي عاد انا احب ريحة الحلاو ..

ومرسي

Hopeless Sight يقول...

عليج بالعافية ان شاءالله
خاطري اجرب قلوس ديور وايد يمدحونه .

شاي الضحى يقول...

عليج بالعافيه

مالي بهالسوالف

والشاور جيل ماجربته بس وناسه حلو على شعر بنات

انا توني شاريه واحد ريحته حلوه ماعرف اسمه

الوايت مسك عندي استخدمته شويه وقامت تلوع جبدي منه

مسك العروس وااااااايد اسمع عنه

حلو؟ وشلون تستخدمينه؟ ومن وين؟


مشكوره :)

كوكتيل يقول...

عجبني المرطب مال ديور وطبعا مسك القرشي لاغبار عليه أموت فيه :)

SweetHeart ~ يقول...

نااااوية على لب ديووور

من زمان حاطته باللسته وانتي شجعتيني بعد ..

Made n Q8 يقول...

رورو

الله يعافيج يارب

اي مالت ديور تخلي الشفايف ورديه ديري بالج لا يعضونج :P

وترى فيها حمايه من السن خخخخ

وبيضون اي قريت بالجريده حاطين اعلانهم بس ما انتبهت وين افرعهم القريبه لنا

Made n Q8 يقول...

hopeless sight

الله يعافييج يارب

Made n Q8 يقول...

جايونة

احسن شي ان مالج بسوالف المكياج لان مو بصالحج حده ادمان :d

ومسك العروسه من القرشي

احطه على اماكن النبض او اخلطه مع الكريم المرطب العادي واحطه على كل جسمي بجذي يثبت اكثر

Made n Q8 يقول...

كوكتيل

اي صح مشهور الكل يعرفه:)

Made n Q8 يقول...

sweetheart

ان شاء الله تحبينه :)