الاثنين، 6 سبتمبر 2010

زهور الريف

من بعد حنه على اختي امس رضت توديني العربيد البلازا
كنت ابي اروح زهور الريف



لان في وايد مادحين (مجموعه نبتون) وبكذا منتدى كاتبين انها تشابه ريحة الصابون ..
اول مادخلت قتله ابي الي يقولون ريحته صابون عاد على طول عرفه ..قلت اخييه وصلنا خير اخييرا بلقى عطر ريحته صابون
اول ماشميته قتله هذا الي ريحته صابون!!
قال اي هذا المشهور بريحه الصابون
المهم خذيته لان هاليومين حاسه الشم والسمع والنظر لكم عليها شويه
قلت يمكن لي رديت البيت يتعدل الشم عندي
وبعدين خفت مااخذه اتحسف لان المكان بعيد ومااقدر اروحله بروحي
خذيت البودي لوشن+البودي سبراي+البودر ب 17
رجعت البيت وشميته عدل وشممته اختي وحطيت منهم بس بصراحه ما قرب صوب الصابون اهوا يمكن قصدهم قريب من ريحه صابون الهدوم الي يكون بودر تايد وغيره




والشي الثاني الي خذيته اهوا بودي سبراي (سويت كاميليا) الي صاير عاليمين ب3,950 والي يمه علبتين البخاخ سوولي مخلط للشعر والجسم سويت كاميليا وستروبري ب8,100




وعطر للملابس وشور جل على ليمون اخضر بس الريحه يايه على عطر فرنسي اكثر والسعر ممم جنه ب10




وبابونتين بالنبات البحري تقشير وتزيل الخلايا الميته



وهذول الهدايا زيوت عطريه









هناك 18 تعليقًا:

ebtsamh يقول...

عليج بالعافيه المشتروات .. وما جربت من

زهور الريف غير الفواحات ..

كوني بخير :) دايما ..

Made n Q8 يقول...

ebtsamh

الله يعافيج يارب

رورو الشخبوطه يقول...

بالعافيه يارب..

اكثر شي عجبني الصابون بجم ماقلتي؟؟

وجنه موجود بمنطقتنا وع ماعتقد عندي خصم عليه ..

اذا تبين منه شي قوليلي :)

ومشكوره..

bent el deera يقول...

عليج بالعافيه خووش مشتروات

ما شاء الله عليج وايد فايتدنا
انا كل ما ابي اشتري شي يديد اخر فره ببلوقج وبعدين اقرر :***

بالنسبه حق السيت... سبحان الله الاذواق تختلف من وحده لي الثانيه بس دام انج شرييته جربيه يمكن على جسمج تحسين ريحته احلى :>

غير معرف يقول...

بالعافية إن شاءالله
شميت ريحة المجموعة الأولى وحسيتها حلوة بس مادري بسرعة ينمل منها!
و الصابونة شدتني، أنا ايديني صايرة بقع و ألوان عجيبة غريبة مادري جلد ميت و لا شنو!

Katkoota xD يقول...

بالعافية يارب

و مثل ما قالوا الاذواق تختلف و يمكن لمن تجربينه غير

تحياتي

هديــل يقول...

بالعااافية =)

خدمات البحث العلمي يقول...

انا اسمع عن مجموعة سويت كاميليا

مره يمدحوووووونها

وعليك بالعافيه

cheese 7cake يقول...

وياااااي عاد زهور الريف عنده سوالف تهبل حق النظافه والريحة الخنييييييييييينه ... عليج بالعافيه حبي :)

Made n Q8 يقول...

رورو

الله يعافيج

سعرها ب3,100

اي في 3 افرع بالعربيد بلازا والجهرا بس ماادري بأي مجمع والثالث بالكوت

تسلمين ماقصرتي

Made n Q8 يقول...

bent el dera

الله يعافيج يارب

حيااج الله اتشرف بوجودج

السيت الاول حلو مو عن مو حلو بس ماقرب يم الصابون :)

Made n Q8 يقول...

hanan

الله يعافيج

انا طلعلي مثلج بقع بنيه بايدي لاني مااحط حماية بس بعدين قمت احط حماية الحين بس بقت بقعه وحده بايدي اليمين

Made n Q8 يقول...

katkoota xd

الله يعافيج ويخليج

طبعا الاذواق تختلف من شخص لي آخر :)

Made n Q8 يقول...

هديل

الله يعافيج ويخليج

Made n Q8 يقول...

مبدعة

سويت كاميليا حلوة فيها ريحه سويت بس خفيفه حيل

الله يعافيج

Made n Q8 يقول...

cheese 7cake

الله يعافيج ويخليج

Engineer A يقول...

عليج بالعافية

Made n Q8 يقول...

engineer a

الله يعافيج يارب