الأربعاء، 15 سبتمبر 2010

توريد طبيعي

مرحبا
اليوم حابة اقولكم عن شي استخدمته من فتره
الي اهوا منتج من زين الاتات
(وردي الى الابد)





ينحط عالاماكن الي تبين توردينها مثل(الشفايف-الخدود-الاماكن الحساسه)


طريقة الاستعمال سهله يستخدم مرتين باليوم تحطينه وتسوين تدليك بسيط وتخلينه او تغسلينه عادي ..اهوا مع التدليك يروح ماله داعي ينغسل،واذا استخدم لمده شهر النتيجه راح اطول معاج.
سعره 27 دينار
عندهم فرع بالعربيد بلازا فوق والجهرا بس الجهرا وين ماادري
وخدمه توصيل 65707744_ 67096557







واذا تبون تحصلون على نفس نتيجه منتج زين بس ارخص في حواي القادسيه خذيت منه كريم عباره عن العكرالفاسي(دم الغزال)+فازلين طبي..
والاستخدام متى ما حسيت ان شفايفي ناشفه حطيت منه
وسعره 2،750


والي حابه تسويه بنفسها تاخذ فازلين من الجمعيه والعكر الفاسي موجود بالحواي بس حطوا شويه منه لا تكثرون لان راح يدمركم

هناك 23 تعليقًا:

رورو الشخبوطه يقول...

ورايج فيه يسوى ولا لا؟؟

انا جربت خلطه من وحده تبيع ماعجبني لما احطه لون احمر ع طبيعي يشوق حلاته حمره مثله خخخ..

بس عقب اكتشفت انه غمج براطمي :\

وبالعافيه يارب..

Made n Q8 يقول...

رورو

منتج زين حلو بس ترى الي خذيته من الحواي يعطي نفس النتيجه ماكو فرق

انا اسوي تقشير لشفايفي بالفرشه مالت الاسنان بعدين احط واحد منهم

والمنتج الي قلتي عنه شفته بحواي جمعية الشامية وكل مابي اسالج عنه انسى!

غير معرف يقول...

جربت مرة أحط الفازلين مع العكر الفاسي وحدي تدمرت وصبغت ايديني وتوهقت وآخرتها حذفته.
مال زين حلو بس أحس ما يستاهل سعره.
عالعموم بالعافية إن شاالله ويعطيج العافية وهالبراطم لو نموت ما يصيرون ورديات ;p

ebtsamh يقول...

:) هم ما قلتيلنا شرايج فيه بعد الاستخدام

والتجربة نفع ؟

Made n Q8 يقول...

حنان

اي اول ماجربت اسوي الخلطه تلعوزت بس بعدين عرفت قمت احط شوي بس بطرف القفشه والحين بعد موجود زاهب عند الحواي فكني

Made n Q8 يقول...

ابتسامه

اي حلو واهوا يبين اكثر مع الاستمرار كل يوم مرتين وسوي قبلها تقشير للشفايف احسن

غير معرف يقول...

wallah 7arakaaaaaaat ;)

shakli bajarba wayhiii 9ayer a9far yabeeli shwayat tawreed o e7merar :P

mashkooora

Crazy Girl in aGood Way يقول...

اي سمعت عنه بس غالي

عندج البدي شوب عندهم للشفايف والخدود ب٤ دنانير

يعطيج توريد طبيعي واحسه يرطب الشفايف مايحتاج تقشير

هديــل يقول...

الله يخليلي براطمي وردية ما تحتاج :p

يعطيج العافية

AsMa-Kw يقول...

حركاااات والله يطلع منه زين اتات :p

بس شكلا عجبني :) .. عليج بالعافيه واستمرري عاد مو تسوينها هبه بعدين تقطينه :p

Engineer A يقول...

يعطيج العافية :)

Amwaj يقول...

شكله نايس
يعطيج العافية :)

نـ(المطيري)ـازكـ يقول...

عليج بالعافية

بس ترى مال زين الاتات مايدوم ..

يعني اهو اصلا دم الغزال مع فازلين ..

ويبقع

بس عليج بالعاااافية ^_^

Sweet Revenge يقول...

عليج بالعافية ,في منتج من بنفت نفس الفكرة بس مو ترطيب بس لون

sa5er يقول...

والله هالسوالف لو تتاجرين فيها تطلعين ذهب !
خو بناتنا يوم شافوا "نانسي" قالوا نبي نصير مثلها ويو شافوا "مونيا" قالوا ويييه احنا أحلا !


أخاف باجر لما يشوفون "يتصرقعون!" ..!


تم اعلان هالسوالف للصاحبات :p ..

Made n Q8 يقول...

crazy yet wise

العفو ولو

Made n Q8 يقول...

crazy girl in a good way

قصدج الي لونه احمر؟

Made n Q8 يقول...

هديل

لوول لا يحسدونج :P

Made n Q8 يقول...

asma-kw

اي ان شاء الله بحاول :P

Made n Q8 يقول...

engineer a

الله يعافيج ويخليج

Made n Q8 يقول...

فـ(المطيري)ـدكـ

الله يعافيج

مو دايم الا ويه سبحانه :)

Made n Q8 يقول...

sweet revenge

الله يعافيج

اي بيتينت ماادري شسمه اي عندي منه حلو يعطي لون وردي طبيعي

Made n Q8 يقول...

sa5er

خله للمحرام يزااك الله خير :P