الخميس، 23 سبتمبر 2010

دايسو



هالمره رحت دايسو الي بالفروانية ولا مره رحتله كل مره اروح الي بالسالمية


كنت ابي شغلات وفناتق غريبه بس عادي ماكو شي يديد


بس خذيتلي جم شغله





_1_







حمره سودة تحطونها بالفراغات الي تصير بالشعر..تحطون منه شويه وتموهونه بطرف صبعكم عشان لايطلع غامج


عادي يروح بالغسال لا تخافون


سعره بـ2،500





_2_











سنفره تشيل الشعر الي بالجسم ،ماتشيله من جذوره بس تقطعه مثل نتيجه الموس..هذي قبل كنت اخذها من جمعية القادسيه بس مو نفسها بالضبط لا غير بس نفس الفكره وصارلها فتره منقطعه عاد لقيتها عندهم


استعمالها سهل تفركون فيها الجسم بحركات دائريه( باتجاه_عكس )عقارب الساعه ..

سعره ب،600 فلس





_3_












هذا تكرمون (ميني حمام ) لوقت الازمات يستخدم حق اذا انحصرتوا بالسياره او حسيتوا بلوعه


فرغوا شغلكم وحذفوه بزباله !


ان شاء الله مااضطر اني استخدمه!


سعرهبـ600 فلس







هناك 22 تعليقًا:

رورو الشخبوطه يقول...

احبه دايسو ومن زمان عنه..

رحت اللي بالفرونيه ماحبيته..

عندي اللي بالسالميه احلى..

وعندن واحد بروح له ن شاءالله..

والمنتج ال2 جنه ماجيك باد جربيه اذا حلو قوليلي عنه ..

والشغله الاولى اول مشفتها حسبالي عندهم مكياج :)

وبالعافيه يارب..

Made n Q8 يقول...

رورو


هلا رورو

اي اهوا ماجيك باد نفس فكرته بس طريقه غير
وجربته يشيل الشعر وينعم

واول منتج حطي حمره يصير عادي :P

غير معرف يقول...

عليج بالعافية إن شاءالله
اللي يغطي الفراغات هذا ذكرتيني بواحد عندي... نفسه بالضبط بس كحل! وصناعة سورية بس مادري من وين شاريته أختي أظن من المعارض اللي بمشرف.

Fishah يقول...

السنفره نايس مره شريت مثلها من الحواي بالسالميه

والجيس مال الحمام امممممم اعتقد مو حقنا :P

عليج بالعافيه

sa5er يقول...

اشلون استخدم "الشُخ" ؟
لأنه مرّات - كثيرة - تصادفني !!

نـ(المطيري)ـازكـ يقول...

عليج بالعافية

دايسو احبة بس والله غالي ع الفاضي ..

في فرع لهم بشويخ بس دورتة مالقيتة

يقولون حلو وكبييييييييير ..

الحمرة السودة بدالها شدو ههههههه

^_^

Made n Q8 يقول...

hanan whatever

الله يعافيج يارب

اهوا نفسه الي يكون مبوز مو؟

Made n Q8 يقول...

fishah

لا امبلى يصلح لنا
يصير للجنسين :)

الله يعافيج

Made n Q8 يقول...

ساخر

افتح الجيس من فوق وشخها مايبيلها شي

Made n Q8 يقول...

فـ(المطيري)ـدكـ

الله يعافيج

الفرع الي بشويخ شالوا من زمان

وصح الحين غلوا اسعارهم قبل كل شي على نص

غير معرف يقول...

hal ma7al amoot 3aleh a'3ayeb fe kolleyan :P

3aleech bel3afia ;*

هديــل يقول...

عليج بالعافية

السنفرة كان عندي مثل فكرتها :>

والجيس لووووووووول لا تعليق

خدمات البحث العلمي يقول...

الكيس عجيب اول مره ادري ان فيه احد يسوي كذا

اما الاول حق فراغات الشعر يروح لما يغسل ولا شلون احس بيأثر على فروة الشعر

يعطيك العافيه

Amwaj يقول...

أحب سوالف هالمحل
بس ولا مرة رحت حق اللي بالفروانية

عليج بالعافية المشتريات :)

Maram يقول...

السنفرة روعه

اماالجيس لووووووووول لا تعليق

عليج بالعافية

Made n Q8 يقول...

crazy yet wise

اي صاجه ويبيله تمقل عدل
الله يعافيج ويخليج

Made n Q8 يقول...

هديل

السنفره في مثل فكرتها بس الماركات اهيا الي تختلف
الله يعافيج

Made n Q8 يقول...

مبدعه

اهوا بسرعه يروح بالغسيل عادي

الله يعافيج

Made n Q8 يقول...

امواج

الله يعافيج ويخليج

Made n Q8 يقول...

مرام

الجيس ينفع للازمات :p

الله يعافيج

sa5er يقول...

عُلِم ..
وتم شراء كمّية لي و للربع بالدوام !

غير معرف يقول...

في دايسو بالجهرا ولا لا؟