الأربعاء، 29 ديسمبر 2010

Purelogicol

مرحبا

امس رحت الصيدليه عشان اخذ حبوب فيتامينات للبشره والشعر والجسم كله

وانا من فتره قريت بمنتدى عن حبوب الكولاجين و وايد يمدحونهم

اسمهم

Purelogicol

هذي العلبة من بره






وهذي الحبوب


حبتين قبل النوم


ان شاء الله يفيدون عاد






عاد انا كنت استخدم الحبوب المعروفه عند الكل الي اهيا حبوب كبد الحوت وكانت زينه بس بالاخير ماحس انها قامت تفيدني خذيتها ماخذيتها نفس الشي
ومره سمعت ان اذا استخدمتوا شي للبشره او الجسم تستخدمونه لمده وبعدين لازم تتركونه لمده شهر وعقبها  تردون عليه عشان جسمكم لا يتعود عليه ذيك الحزه ماراح يفيدكم


وانا سويت هالشي بس هم مافادت عاد قلت بس ماني مستخدمته



وانتوا شنو تاخذون حبوب فيتامينات وحسيتوا انها فادتكم؟

هناك 9 تعليقات:

غير معرف يقول...

انا اخاف من هالسوالف اخاف تمتني :\

بس عندي فيتامين سي الفوار استخدمه بالخلطات واختي عنده اي لنفس الفكره..

مانلهمهم لا نتدهن فيهم خخخ..

عموما ان شاءالله يفيدونج ..

Made n Q8 يقول...

رورو

لا انا ازرط وبس ماعندي مانع

حبوب كبد الحوت ما متنوني بس هذول ماادري عنهم

الفوار قصدج مال البلاعيم؟

اي جربت احط مره في خلطه بس ماحبيت ريحته عالجسم

ان شاء الله

غير معرف يقول...

انا استعمل حبوب جبد الحوت وقطعتهم لاني متنت عليهم و الفيتامينات وايد اخاف منهم مادري ليش...
مع انس احتاج حق شعري واظافري بس احاول ما اكل وايد

Bint ilKuwait يقول...

Ana kint akhith 7booob min il6abeeeb bes madrii shino mukawnata LOOOOOL a7es ena fadnii bes gi6a3ta ya3ni bes lai meta bastakhdimaaaa

Bes goleeelilna etha fdich o shino nateejjta lana 9ij ma3rof ena zaaaain :D

purpleyah يقول...

تسلمين على هالبوست الحلو وهالحبوب اول مره اشوفها غريبه انا عاد مدمنة اشياء حق البشره ،،، عقب ما تكملين 3 شهور تقدرين تحكمين عليها اذا زينه او لا كملي 3 شهور وبليز اكتبيلنا ريفيو عنها ،،،، وزيت كبد الحوت لا تقطعينه هو زين حق الجسم بشكل عام ومعلومة لازم تقطعينه شهر غلط بس يمكن هالنوعيه ما فادتج انا عندي نوعيه اشتريها من بوتس هي زيت كبد الحوت مع الاوميغا 3 وايد زينه بحطها باذن الله في بوست حق منتجات الشعر اللي فادتني عقب كم يوم تسلمين عالبوست الوايد حلو

Made n Q8 يقول...

hanan

في ناس يخافون ياخذون حبوب
انا اذا فيتامينات عادي اخذ بس سوالف تمتن او تضعف لا اخاف

Made n Q8 يقول...

بنت الكويت

الحبوب تاخذينها 3 اشهر عشان تبين النتيجه

ان شاء الله استمر عليهم عاد بروح ازرطلي حبتين الحين

Made n Q8 يقول...

mrs.purple

الله يسلمج

ان شاء الله بحطلكم شصير معاي
يعني بنص شهر 3 بحطلكم بوست عن الحبوب

الاوميغا 3 وايد يمدحونه الدكاتره حق الجسم كله

ودي اخذهم اثنينهم بس اخاف يصير عندي فائض فتامينات

غير معرف يقول...

وش صار معك عسا الحبوب فادتك