الأحد، 30 مايو 2010

ترافل كيك_الخباز_

يميييييييييي









بس ترى تغث وانا بعد حدي شفاحه كليت معاها آيس كريم سنكرز فتخيلوا الوضع :d

الجمعة، 28 مايو 2010

شارمل_50% SALE_

مرحبا
شارمل مسوين تنزيلات 50% بس طبعا مو على كل شي
اذكر الي جربته منهم من قبل واكس الحواجب بس، مو على بالي شي غيره..واهما مكياجهم شويه ثقيل يعني مال حفلات مو مال استخدام يومي بس هم حبيت اجرب منهم جم شغله
هذي صور(على فكره ممنوع التصوير بس على قوله رورو دافعين فلوس شكو انتوا خخخخ وبعدين انا صحفيه اصور الي ابي)















































وهذي صور المشتريات
ماسكرتين(الي عاليمين ضد الماي واليسار ماسكرا كريميه)






فونديشن(هذا اخف شي عندهم)




البودرة






كحل ازرق لداخل العين













وهذي الفاتوره طلع ب28 ونص



التنزيلات مستمره لآخر هالشهر

الخميس، 27 مايو 2010

التاج السلطاني

قوانين التاج السلطاني كالآتي :
-اذكر اسم من طلب منك حل هذا الواجب.
-اذكر القوانين المتعلقة بهذا الواجب.
-تحدث عن ستة أسرار قد لا يكتشفها من يقابلك للمرة الأولى.
-حول هذا الواجب إلى ستة مدونين ، واذكر أسماءهم مع روابط مدوناتهم في موضوعك.
-اترك تعليقا في مدونة من حولت الواجب عليهم ؛ ليعلموا عن هذا الواجب.
الطلب الأول:
*اذكر اسم من طلب منك حل هذا الواجب.
(انا ادري الحين رورو حاطه ايدها على قلبها من الي بكتبه خخخخ )
الطلب ال2 :

تحدث عن ستة أسرار قد لا يكتشفها من يقابلك للمرة الأولى.
مممم الي بكتبه يمكن في اشياء انتوا عارفينها والاسرار الخاصه ماراح اقولها انا جذي وماسلمت بعد اقول الاسرار !
# الي يشوفني اول مره مايدري اني عسل ودمي خفيف :P عبالهم نفسيه وشايفه نفسي !
#ما اطلع من البيت الا وانا راسمه حوايبي لانهم حييل خفاف وشكلي من غيرهم يضحك واذا طلعت من غير ماارسمهم الصق النظاره بويهي.
# بالشور الواحد اغسل ب5 بابونات غير الصابون المغربي و غير الشور جل خخخ
#ناقصني شويه ثقه وصبر وطووله بال.
# كان ودي اصير مذيعه بس باذاعه مو تلفزيون ولما جربت عطوني ياها اشكره صووتج مايصلح الي بيسمعج بنام@@
اخاف بس حاصلكم صوتي ماالت.
# جريئه بالتفكير وبس.. ركزوا على وبس..اوكي؟ :P
*الطلب ال3 :
حول هذا الواجب إلى ستة مدونين ، واذكر أسماءهم مع روابط مدوناتهم في موضوعك.

الأربعاء، 26 مايو 2010

Sally Hansen_Smile Brightening Lip Treatment_

مرحبا
أخباركم؟
امس العصر رحت مركز سلطاان وناسه هالحزه هدوء وفاضي
وشفت مجموعه غلوسات علاجيه من سالي هانسن اول مره اشوفهم بس لقيت علبتين



انا اول شي عبالي الي لونه ابيض احطه على اسناني يصيرون بيض والغلوسات الملونه عالشفايف
بس اشوه ما استعيلت وقريت الي مكتوب عالعلبه من ورى وتالي استوعبت ان كلهم ينحطون عالشفايف ومن مكوناتهم بيجمنت و وحبات لؤلؤ يعكسون لون ماادري شنو عشان يبين لون الاسنان بيض! وفيهم بعد فيتامين a&c&e ونكهه فانيلا
عاد جربتهم كلهم ماحسيت ان اسناني صاروا بيض عادي بس حبيت الوانهم
صورتهم على ايدي بفلاش عشان يبينون اكثر غرفتي ظلمه
حبيت البنفسجي


واللون اللحمي الي على اليسار ناايس



وهذا الشفاف


والسعر ب3 :)
واشوه نزلت البوست من غيير تفكيير عوي الله يتمم علي


الأحد، 23 مايو 2010

منوعاات 2

مرحبااا
أخباركــــــــــــم؟
يوم اليمعه رحت مركز تجميل الشاميه كنت ابي جم شغله ومالقيتهم اففففف
عاد سالتهم عن ماركه Hc الي اعلاناتهم مرززه بالجرايد ولقيت ستاندهم
هذا اهوا



وخذيت الماسكرا مالتهم
سعرها 10.500


الماسكرا اطول بس ما اتكثف يعني لازم تستخدمون معاها ماسكرا للتكثيف
مااعتقد راح اخذ منها مره ثانيه لان في ماسكرات مفعولها احسن وسعرها ارخص منها مثل ريفلون (تكثيف) وماسكرات لوريال حلوة وحتى ماكس فاكتر

هذي فرشتها

والشي الثاني الي خذيته
مرطب ديور للشفايف
Dior addict
lip Glow
سعرها 11.500




هذي من داخل
واايد حلوه وعجبني ان فيه حمايه وتعطي اللون الوردي الطبيعي
وحتى لمعتها طبيعيه مو مثل الغلوسات الي جنه احد مسعبل عالشفايف!! وييع طاع التشبيه خخخخخ





ومن بعد ماخلصت نزلت تحت الجمعيه وحست عند البابون ماكو شي يديد
عاد خذيتلي شور جل من ماركه body fantasies
حلوة هالماركه بس ولا مره جربت البودي سبراي ملوتهم

الي عاليمين ريحته على شعر بنات
اما الثاني الي عاليسار بس قريت sexiest جان اخمطه :D

ريحته حلوة على مسك






واذا حابين ريحته تثبت اكثر حطو من بعد الشور من مسك العروس من القرشي او الوايت مسك من بودي شوب


وسلامتكم"

















الخميس، 20 مايو 2010

اضخم مولودة بالعالم مصرية

اضخم مولودة بالعالم مصرية

وضعت سيدة مصرية تبلغ من العمر ثلاثين عاماً طفلة تزن 6 كيلو غرامات ونصف الكيلو في حالة نادرة الحدوث قد تدخل بها الأم موسعة غينيس للارقام القياسية. وقالأخصائي أمراض النساء والتوليد المصري الدكتور عمرو عبدالكريم في تصريح له اليوم أن هذه السابقة لم تحدث من قبل لأن الوزن الطبيعي لأي طفل يكون بين 5ر2 و 5ر3 كيلو غرام وقد يصل في حالات خاصة الى 4 كيلو غرامات فقط.وأوضح عبدالكريم أن الأطباء اعتقدوا أن الطفلة مصابة بأمراض أدت إلى هذا الوزن الكبير مما تطلب القيام بعمل كافة الأشعات والفحوصات على القلب والكلى والكبد والرئتين والتي بينت أن الطفلة طبيعية جدا موضحا أن هذه الطفلة بهذا الوزن الكبير مرشحة لأن تدخل موسعة غينيس للأرقام القياسية.

منقول من موقع ياهو





يا حلووها اسم الله عليها ماكو عيون لوووووووول

الأربعاء، 19 مايو 2010

مستشفى الأميري!

مرحبا
أخبااركمـــ؟
حبيت انقل لكم المواقف والاحداث الي صارت معاي بالاميري طول الاسبوعين الي فاتوا
طبعا مواقف تضحك وتبجي وتبط الجبد!!
اول موقف مر علي الي اهوا الاصنصير ! حبايبي ليش ادزون؟ اوكي ترى الاصنصير كبيير مالا داعي ادزني حتى لو انت كبر يدي بس هم عييب ..خلصنا من الدز انيي عاد حق الخز يعني لو اقوله جم مقاس شسمه بيعطيني ياه على طوول !
ثاني شي اليهال ليش اتييبونهم حرام الياهل يمل بسرعه و هذا اصلا مكان مرضي المفروض يكون راحه مو تشوت كره بالممر..تخيلوا في ياهل يشوت الكره على ابوي!! بالله ابوي وين في حيل يلعب طمباخيه بروح ملزقين قلبه تلزق.
وثالث شغله في غرفه الانتظار مالت العمليات تشوفون الهوايل والبجي بصووت عالي والي يصرخ والي حالته حاله..اوكي ماتنلامون خايفين على مرضاكم بس ترى لو تمسكون لكم قرآن او ادعيه تقرونها لمرضاكم واايد احسن.
وامس رحت مع رفيجتي الاميري كانت تعبانه المهم نبي رقم قال لا ماكو ارقام دشي وبس! الحين ارقام وبالدور والناس تتهاوش شلون بدون ارقام؟
ولا واعليا رفيجتي قلبها ريال خخخ تقوله اسمي فلانه يكتب عمر تقوله اخوي كاتب اسمي غلط جان يشطب الاسم بكبره ويكتب أنور كاااااااك..دخلنا عالدكتور حده منصدم الاسم انور والشكل بعييد حده عن انور خخخ
المهم كتبلها على ابره وقالها قبل خل ياخذولج حراره ..قعدنا ندوور ونتوسل اي احد بس عشان يسويلها الحراره مابقى غرفه مادخلناها..واخيرا خذولها الحراره والحين بدى مشوار العذاب الآخر والي اهيا الابره ونفس الشي مابقى احد ماسالناه المهم دلونا عالغرفه الي يعطون فيها الابره وااي لأ الغرفه سبييل الكل يدخل ويطلع ..الابره لازم تاخذها على كوكتها لو ايدها قلنا اوكي يمشي الحال المهم رفيجتي طنقرت طلعتهم كلهم وقفلت الباب خخخ
والي صج عورت قلبي وحده كبيره بالعمر شكلها بتموت وماسكه قلبها حييل ولدها ياي ويقول امي تعبانة احتمال جلطه والسستر ترد بكل برود مو مشكله خل يصبر شويه@@
وبس سلاامتكم :s

الثلاثاء، 18 مايو 2010

Pushme.to

مرحبا
وانا احوس بمنتدى كويت ايفون لقيت هالبرنامج الاخ صاحب متكلم عنه وحاط الشرح كامل ..
وايد حلو تقدرون ادزون مسج وصور من السايت نفسه او الي عندهم عايفون
هذا ال logo مال البرنامج




هني نزلته من الاب ستور



طريقه الاستخدام سهله بس عليكم انكم تحطون نك نيم وباسوورد والايميل
واذا حابين شرح اكثر الاخ صاحب ماقصر
7
7
7





وهذا سايت البرنامج





وهذا اللنك الخاص فيني





والنك نيم

sherifa


Push me bs shway shway :P




الاثنين، 17 مايو 2010

بديت أخاف على شبابي!


هذي زيادة ساعات الشغل تسوي كل هذا!!
انزين والي طول فتره الشغل قاعده ومجابله ويوه معفوسة ونفس شينه وفوق هذا حنة ورنه وخز و اسئله تغث وبلاغه شف وضقه خلق وناس ماتحلالها تحك بطنها وترفع البنطلون الا لما تدخل المكتب الي انا قاعده فيه...اتهقون شبصير فيها بعد 3 سنين؟ هذا اذا الله عطانا عمر وعشنا

انا صج بديت أخاف على شبابي :s


الأحد، 9 مايو 2010

Centrepoint_Mugs_

مرحبا
أخباركمـــــــــــ؟
امس رحت سنتر بوينت قلت من زمان ماخذيتلي mug <<< ماتعرف تكتبها بالعربي :P
عجبوني هذول اهما ملوت يهال بس عادي انا ياهل وصج ان تفكيري عوي بس وربي بريئة :P
اسعارهم على 300 فلس































وهذول الي خذيتهم :)





الأحد، 2 مايو 2010

‎Lotus Flower Soap Shop‎

وااي الجو حده جميل وشاعري بس ماكو شي انمتع عيونه فيه :P
من جم يوم طلبت بابون من لوتس فلور وامس العصر وصلني
شغلهم كله هاند ميد وطبيعي طبعا طلبت على عماي ماادري شسالفه انا شفت صفحتهم عالفيس بوك بس حاطين اسم البابونة مو حاطين شنو الفايده منها ولا حق شنو تستخدم!




بابونة حق اليهال حقي لان انا ياهل :P
3 KD‎



بابونة الافوكادو fruitchouli




بابونة زبدة الشيا berries and bubbles



هذي بعد على افوكادو بس نوع ثاني goji berry bliss
(هذي امس غسلت فيها وايد حلوة ريحتها)





صورة للبابونات من فوق شوفوهم حجمهم راهي مو صغار




هذي سنفره على زبدة الشيا وشكر(جربتها على ايدي تنعم والحلو فيها انها ماتنشف يعني فيها نسبه ترطيب)
3.5KD‎






سبري للجسم على الوفيرا يستخدم عقب ماتصلخنا الشمس بـ 2,500






وهذا كرتهم


المجموع كله طلع بـ18
اهما حاليا يوصلون للبيت من غير رسوم بس من بعد 15 هالشهر راح ياخذون عالتوصيل


صفحتهم عالفيس بوك

وفي طريقتين للطلب
عالعيميل بس بشرط لازم ترطنون :)
وموبايلهم
‎6690 6480‎