اليوم الصبح رحت سويت حمام مغربي بصالون فلولس
عندهم عرض عباره عن
(حمام مغربي مع تبييض الجسم+حمام كريم للشعر+ مساج للقدم)=10 kd
اول مادخلت العماره لقيت البوستر مال الصالون
اهما موجودين بالدور الاول اول مايفتح الاصنصير تدخلون على طول الصالون
كان موعدي الساعه 11
دلتني عالغرفه الي ابدل فيها هدومي وعطتني روب و مفتاح اللوكر عشان احط قشي فيه
وبعدين رحت غرفه الحمام المغربي.. الي بتسويلي المغربي هنديه واهيا الوحيده بالصالون الي تسوي مغربي وقالت لي ترى الليفه المغربيه بدينار
_الصورة ماخذتها من صفحتهم في تويتر_
_غسلت شعري وحطتلي كريم.
_حطت الصابون المغربي على جسمي وقعدت بالبخار 10 دقايق تقريبا.
_عقب غسلته وقعدت تفرك جسمي بصراحه ماحبيت التفريك وماطلع مني وصخ وايد اهيا تقول لان توج مسويه مغربي من جذي ماطلع واايد ،بس انا عادي اخر مرتين سويت فيهم مغربي كانوا قريبين بينهم شهر او اقل وهم طلع مني خلايا ميته ...ولما رديت البيت شفت صوب ايدي ورقبتي شوي مزلق.
_ من بعد التفريك يابت خلطتين للتبييض، اول خلطه حطت منها على الاماكن الغامجه مثل الركب والاكواع،وثاني خلطه للتبييض حطتها على كامل الجسم.
اهيا كانت تبي تفركني على طول بس انا قلت لها خلي الخلطه على جسمي بقعد فيها بالبخار 5 دقايق بعدين تعالي فركيني...
_ ومن بعد ال5 دقايق يت فركتي بالليفه والخلطتين على جسمي وعقب غسلتهم.
_يابت السنفره المبيضه وقعدت فيها بالبخار شوي عشان جسمي يستفيد منها وتالي غسلتها وغسلت شعري وخلصت من الحمام المغربي.
حبيت الخلطتين والسنفره ملوت التبييض واايد وملمسهم ياي على كريمي وماينشفون الجسم و لاحظت ان جسمي فتح لونه وكنت بقولها في منهم للبيع بس افتشلت .
_ ومن بعد الحمام المغربي قدمولي ماي وجاي اخضر.
_ورحت سويت تدليك القدم،حطتلي زيت حوالين اظافيري وكريم لريولي وسوتلي المساج.
وبالاخير لما ييت بدفع عطتني كوبون استخدمه للمره اليايه
أي عمل اسويه داخل الصالون بكون الثاني مجاني
وعطتني هديه
قالتلي انتي وايد lucky لانج اول وحده تستلمينها
وهذا الي داخل الجيس
موجودين على تويتر
@salon_flawless
انا متابعتهم بتويتر عندهم عروض حلوة وكل مره يغيرون
اختي ان شاء الله ناويه تسوي جلسات للشعر يمكن تختار البامبو للحين ماقررت بس اذا سوت ان شاء الله بكتب عنه
عنوانهم الشعب البحري ق 8 شارع الذهبي بنايه 40
دخله نادي فلكس الرجال اول لفه عاليمين ...سيده الشارع بلف فيكم اهوا الصالون بالعماره الي تكون بالزاويه
تلفون:
66119010
هناك 13 تعليقًا:
مو زين كثرت التفرك خلج ع مره بالشهر ان كثر مرتين ..
ودي اسوي كورس لشعري عندهم ..
اسعارهم وايد حلوه وعروض تشوق..
ونعيما..
نعيما وعليج بالعافيه :>
n3eeman :P
انا اسوي عندهم خلطه من جرجير وافوكادو للشعر
وايد حلوة
وبارده وفرش
تالي عشان الريحه لاتتم تغسل شعري بنسكافيه وناسه
الهنديه عجيبه بتدليك الراس
نعيما
نعيييييييييما
تتهنين يا رب
رورو
اي بالشهر مره تفرك,,,وكل اسبوع او اسبوعين حمام بخاار
اي امشي خل نسوي كورس الشعر عندهم وحده تشجع الثانيه:)
الله ينعم بحالج
بنت الديره
الله ينعم بحالج والله يعافيج يارب:)
ماكنتووش
الله ينعم بحالج ;)
سنعه
عيل اقول حق اختي عن خلطه الجرجير واهيا كيفها تختار الي تناسبها
شكرا لمشاركتج التجربه :)
الله ينعم بحالج
كوكو
الله ينعم بحالج
تسلمين يارب :)
Allaaaaaaaaaaaaaaah shaklaa shighilhum 7ilooo!! shawagteeni aro7lhum!!
o na3eeeeman ;)
Gold Medal Ribbon
الله ينعم بحالج :)
حجاً مبروراً و سعياً مشكوراً و ذنباً مغفوراً و تجارةً لن تبور بإذن الله تعالى والحمد لله على سلامتك، والله يتقبل منك صالح الأعمال إن شاء الله أسأل الله أن يرزقنا أداء فرضية الحج الجلل عاجلاً غير آجلاً بإذن الله تعالى ” اللهم آمين يا رب العالمين “ وعقبال الجميع إن شاء الله تعالى .. مع خالص الاحترام و التقدير
إرسال تعليق