الجمعة، 2 سبتمبر 2011

LAYLA HARMONY



رفيجتي قدمتلي gift voucher

حمام ملكي+بديكير ومنيكير

اسويهم في

LAYLA HARMONY








هالصالون وايد احب اروحله كنت اصبغ واسوي البديكير والمنيكير عندهم بس ولا مره جربت الحمام المغربي مالهم

رحت على الموعد قالتلي صعدي فوق قسم الحمام المغربي..عطتني مفتاح لوكر احط فيه ملابسي ودلتني على غرفه التبديل

وعطتني ملابس( يديده) البسهم عشان الحمام المغربي بس قتلها انا بلبس ملابسي الخاصه يايبتهم معاي قالتلي مو مشكله

دخلت غرفه البخار كبيره وشرحه ..حطت الصابون المغربي على جسمي وخلتني بالبخار تقريبا 10 دقايق ،وعقبها غسلته وقعدت تفرك فيني بالليفه المغربيه لين طلعلي يلد يديد

ولطختني بخلطه لونها بني وخلتها تقريبا عشر دقايق على جسمي وبعدها غسلتها

وغسلت شعري وحطتلي بلسم

وعقب حطتلي خلطه لونها ابيض ويابت الليفه المغربيه وقعدت تفرك جسمي  وبعدين غسلتها

ويابت الليفه العادية وحطت فيها صابون وغسلت ويهي وجسمي

وخلصت حمام الهنا

وبعدين ودتني غرفه قدمت لي جاي اخضر وماي وتفاح اخضر وكريم للجسم..كان ودي انام والله بس مافي مجال

الي سوتلي الحمام الملكي اسمها فاطمه شغلها حلو ونفسها حلوه اذيتها شوي  بس حرام استحملتني


وحطتلي الليفتين الي استخدمتهم بجيس وعطتني ياهم





لبست ملابسي ونزلت تحت سويت البديكير والمنيكير العادي

مكانهم حلو وشغلهم احلى


THANX ARWA:*

هناك 17 تعليقًا:

شاي الضحى يقول...

نعيما

Made n Q8 يقول...

جايونة

الله ينعم بحالج

رورو الشخبوطة يقول...

نعيما..

شرايج بشغلهم ؟؟

غير معرف يقول...

نعيما وبالعافية عليج :)

Made n Q8 يقول...

رورو

الله ينعم بحالج
شغلهم عجبني والي سوتلي ياه فركتني بضمير:)

Made n Q8 يقول...

هلا هديل
ينعم بحالج... الله يعافيج يارب

now or never يقول...

يا الغلا ليلى هارموني من الصالونات الراقية معروفين بالحمام المغربي

واحسن وحدة فاطمة وجنه وحدة اسمها مليكة

ما اتذكر

المهم : حمام الهنا والعافية


جربي الميكأب روووعة

Sn3a يقول...

واايد احب هالصالون
بس ماعمري جربت المغربي
بسإلج في جم نوع مغربي؟ وجم اسعارهم؟
ونعييما

Unknown يقول...

بالعافية

Unknown يقول...

شكله يشوق

Dear Romeo يقول...

نعيماااااا
هالصالون كلمن يمدحه
كل شغلهم يمدحونه، عليج بالعافيه

kuku يقول...

من زمان بخاطري اسوي حمام مغربي بالصالون -.-

نعيييما مؤخرا p:

Made n Q8 يقول...

now or never

الله يعافيج يارب
والميك اب واايد يمدحونه بس ماجربت ولا مره

Made n Q8 يقول...

sn3aa
المغربي نوعين في العادي والملكي
العادي ب18
والملكي ب25

الله ينعم بحالج

Made n Q8 يقول...

اميره عربية
الله يعافيج يارب

Made n Q8 يقول...

dear remeo

الله ينعم بحالج يارب

Made n Q8 يقول...

kuku

الله ينعم بحالج :P