Pushme.to

مرحبا

وانا احوس بمنتدى كويت ايفون لقيت هالبرنامج الاخ صاحب متكلم عنه وحاط الشرح كامل ..

وايد حلو تقدرون ادزون مسج وصور من السايت نفسه او الي عندهم عايفون

هذا ال logo مال البرنامج

هني نزلته من الاب ستور

طريقه الاستخدام سهله بس عليكم انكم تحطون نك نيم وباسوورد والايميل

واذا حابين شرح اكثر الاخ صاحب ماقصر

7

7

7

http://q8ifone.com/vb/showthread.php?t=1763

وهذا سايت البرنامج

http://pushme.to/

وهذا اللنك الخاص فيني

http://pushme.to/sherifa/

والنك نيم

sherifa

Push me bs shway shway :P

بديت أخاف على شبابي!

هذي زيادة ساعات الشغل تسوي كل هذا!!

انزين والي طول فتره الشغل قاعده ومجابله ويوه معفوسة ونفس شينه وفوق هذا حنة ورنه وخز و اسئله تغث وبلاغه شف وضقه خلق وناس ماتحلالها تحك بطنها وترفع البنطلون الا لما تدخل المكتب الي انا قاعده فيه...اتهقون شبصير فيها بعد 3 سنين؟ هذا اذا الله عطانا عمر وعشنا

انا صج بديت أخاف على شبابي :s

Centrepoint_Mugs_

مرحبا

أخباركمـــــــــــ؟

امس رحت سنتر بوينت قلت من زمان ماخذيتلي mug <<< ماتعرف تكتبها بالعربي :P

عجبوني هذول اهما ملوت يهال بس عادي انا ياهل وصج ان تفكيري عوي بس وربي بريئة :P

اسعارهم على 300 فلس

وهذول الي خذيتهم :)

‎Lotus Flower Soap Shop‎

وااي الجو حده جميل وشاعري بس ماكو شي انمتع عيونه فيه :P

من جم يوم طلبت بابون من لوتس فلور وامس العصر وصلني

شغلهم كله هاند ميد وطبيعي طبعا طلبت على عماي ماادري شسالفه انا شفت صفحتهم عالفيس بوك بس حاطين اسم البابونة مو حاطين شنو الفايده منها ولا حق شنو تستخدم!

بابونة حق اليهال حقي لان انا ياهل :P

3 KD‎

بابونة الافوكادو fruitchouli

بابونة زبدة الشيا berries and bubbles

هذي بعد على افوكادو بس نوع ثاني goji berry bliss

(هذي امس غسلت فيها وايد حلوة ريحتها)

صورة للبابونات من فوق شوفوهم حجمهم راهي مو صغار

هذي سنفره على زبدة الشيا وشكر(جربتها على ايدي تنعم والحلو فيها انها ماتنشف يعني فيها نسبه ترطيب)
3.5KD‎

سبري للجسم على الوفيرا يستخدم عقب ماتصلخنا الشمس بـ 2,500

وهذا كرتهم

المجموع كله طلع بـ18

اهما حاليا يوصلون للبيت من غير رسوم بس من بعد 15 هالشهر راح ياخذون عالتوصيل


صفحتهم عالفيس بوك

http://www.facebook.com/pages/infolotusflowersoapcom/Lotus-Flower-Soap-Shop/110679912281000

وفي طريقتين للطلب

عالعيميل بس بشرط لازم ترطنون :)

‎info@lotusflowersoap.com‎

وموبايلهم

‎6690 6480‎

ElizabethArden

مرحبااا

أخباركــــمــ؟

قبل امس رحت مع اختي مركز تجميل القادسية الي بالجمعية فوق

رحنا صوب ستاند اليزابيث اردن ولا منزلين جنطتين مكيااج وايد حلوين واسعارهم حيل مناسبه على القش الي فيهم وحده على 24 والثانية على 23

انا خذيت الجنطه السودة يا اسود يا سواد الليل .. يا لون المسك والعنبر انا من شوفتك ما امل .. وحبك كل يوم يكبر :P احم بدينا اظاهر

نرجع لايليزابيث احسن :)

هذي اهيا

شوفوا شنو داخلها

(3حمر+2تحديد شفايف+4قلوسات)

(3فرش+شيمر للويه والجسم حبيت لمعتها طبيعيىه)

علبة فيها 12 لون شدو+لونين بلاشر



كحلين والماسكرا

الي حبيته بالماسكرا انها صغيره حلوة حق اطراف الرموش عشان تطلع لي بره يعني مثل سعاد حسني( رورو ماطرت على بالج وحده الله يستر علينا وعليها :P )

وهذي جنطه اختي

تقريبا نفس الشغلات الي عندي

بس اهيا الشيمر مالها لوز باودر +حمرتين+فرشه+قلوسين+تحديد شفايف+كحل+6الوان شدو وبلاشر

وهذي مثل البوك فيها 3 فرش+والوان شدو وبلاشر

وبس:)

Nail Station

مرحبا

أخبااركمـــــــــــــــ؟

امس رحت نيل ستيشن عشان اسوي بديكير ومينيكير وهم عندهم تان كنت بتهور وبسوي بس قلت لا مو وقته عندي مناسبه يوم اليمعه بعد المناسبه ان شاء الله يصير خيير..

اول مره اروحله بس بصراحه وايد نااايس وديكورهم يونس يمكن لانه بالوردي والبنفسجي غرامي هاللونين :d

وبما ان اول مره وماادري شسالفه قلت خل اختار الشي الي اعرفه الي اهوا البرافين اسمه paralicious

هذا اللون خاطري فيه من زمان

البرافين واحد منهم للريل والثاني للايد (جنه الاخضر للايد والثاني للريل نسيت :s )

السليبر مالي

هالمرة سويتهم سكوير العاده راوند سكوير

نااايس ولا مو ناايس؟

بالنسبه لي حده نااايس :d

وعقب ماخلصت عطوني هالكرت اسوي بدي/ميني كير 8 مرات التاسعه مجانا

هذا ايميلهم بس ترى للحين مو شغال

www.nailstationssalon.com

وسلاامتكم :)

Eighty6 Bistro

مرحــــــــبا

أخباركــــــــــــــــــمـــــــــــــ؟

امس بالليل رحت مع رفيجاتي eighty6

اهوا لازم تحجزون قبل ..انا حجزت قبلها بيوم

وصلناالافنيوز 7ونص طبعا قعدنا نحوس ماعرفنا وين مكانهم جان اندق عليهم عشان يدلونا وين

اهوا صاير بالتوسعه اليديده بالدور الاول يم سواح

قعدنا داخل المطعم صغير مو كبير وفي قعده بره بس ماادري القعده صايره بممر يعني رايح وراد ماناخذ راحتنا

هذا المنيو مالهم

اول شي قدمولنا بوب كورن ماصورته

وهذي باستا بالاجبان الثلاثه

سلطه سيزر حبيتها

كنت بطلب برجر بايتس ماعندهم جان اطلب هذي برجر بالمشروم ماعجبتني والبطاط مالح قمت الهط بالماي :s

مشروبات رفيجاتي




هذا شنو؟!

جاي اخضر رفيجتي حاطه عينها عالقوري عاجبها كانت بتاخذه معاها بس اشوه الله هداها وهونت خخخخ

وبس المطعم نايس اعطيه 60%

وبالنسبه اذا اكرر التجربه ولا لأ؟ ماادري يمكن بس مو الحين بعد فتره

وبعدين بعرف ليش مافيه برجر بايتس يعني تدرون في بنات ذربات وين نقعد نشرع حلوجنا جدام الناس :P


وسلاامتكم:)