Q8 _كل عام واحلى بلد بألف خيير_ Q8

25 فبراير

2010

26 فبراير

كل عام وديرتي دايم بعز وخيير

صور من احتفالنا البسيط :)

Monawa3at ;)

مرحباا

أخباركمـــــــــ؟

حق الي يحبون سوالف البودي سبراي عقب الشور جربت شغلتين حبيتهم من ماركه bench

المحل موجود في مجمع البحر بحولي بس انا خذيتهم من حواي موجود بسرداب الشايع ..يعجبني شغل هالحواي واييب شغلات مو موجوده عند غيره واذا قال ان هالشغله زينه تطلع صج زينه ..اقول حق اختي مشالله شوفي بشرته تهبل خل اساله شتحط؟ جان تقولي يالله عاد استحي !

افف كله تدقر وتجعم :s

الي عاليمين البنفسجي raspberry

والازرق ei8ht

انا حبيت الازرق اكثر لان على نظافه وحتى البنفسجي زين

اسعارهم مااذكر بس مو اكثر من 3

الحواي ترى ماعرف اسمه كل مره اقول بثبت اسمه وكالعاده انسى

***

وشوفوا اختي شنو سوتلي :d

سوتلي كفر للعاي فون على حرفي

***

جربت ماسكرتين يدد

الاولي الحمرا من ريفلون اسمها double twist الحلو فيها انها تكثف بس لا اتكثرون عشان لا اتكتل بعدين يصير شكل الرموش مو حلو جنه عنكبوت اسود ميت بعينكم خخ

ب3،500

والثانيه من لوريال double extension مع سيروم التجديد(عاد يجدد شنو ماادري :s ) بس الي عرفته ان من محتوياتها بعد الخروع يعني عشتو تجميليه وعلاجيه

ب7،500

***

امس رحت الافنيوز ودخلت pimkie ولقيت هالتي شرتات الي على باباي

وخذيت على بنك بانثر وسنوبي

الواحد على 6ونص

ماقدرت اصور كل الي بالمحل

وهم ترى زارا وبول اند بير وبرشكا منزلين مثل هالطقه بس ماحبيتهم الرسومات محكوكين والالوان رايحه !


وحيااكمــ:)

اول يوم اجازة :d

مررحبا

أخبااركمـــ؟

اليوم انا حدي مستانسه لان

اليوم

اهوا اول يوم اجازه :d

خل اقولكم شسويت

اول شي قعدت الظهر 1 ونص جذي

طلبت من (مستر صبز اند رابس)

_صحن شاورما لحم( وايد حلو)

_ تشيلي بيف(نايس)

_ جاكت بوتيتو(ماكليته لاني شبعت)

_ هاش براون(الله يزيد النعمه)

كساديا(مو ذاك الزود)

وخذيتلي كيكه من الخباز وكتبت عليها بنفسي (أخيرا اجازة) لان الفلبينيه ماتعرف تكتب عربي

وحق رفيجتي

ورحت بابلز نيل سبا

سويت الثيرستي مانيكير ..والبيديكير سويت الglow قالتلي هذا يديد عاد جربته

مكانهم حلو وهدوء بس في ناس الله يهداهم لي مسكوا التلفون ينسوون عمرهم ويقعدون يصارخون ويقولون قصه حياتهم ماادري اهما طبيعتهم جذي ولا بالعماله يعني انا موجوده! بس اشوه انها ماطولت واطلعت مبجر خخخ

الثيرستي ماحسيت في فرق عن المينيكير العادي(انا مسويته من قبل) الي بشغله وحده حطت كريم ولفت ايدي بنايلون
والغلو عجبني كريمهم في لمعه و وناسه حسيت ريولي صارت ورديه

وهم بعد سوتلي فرنش مينيكير ماحبيته ماسوتي ياه مضبوط

كل هذا طلع ب28

لقطه عالماشي





وبعدها طلعت انا ورفيجتي ورحنا جيليز

وعقبها رحنا ستار بكس وشربت هوت جوكليت بس ماصورته

وبس هذا كان اول يوم اجازه

ياحلو الراحه بس :d

وسلاامتكم

منو عيد ميلاده اليوم؟

مرحباا

أخبااركم؟

اليوم الي اهوا الخميس تاريخ 11_2_2010 يصادف عيد ميلاد رورو راح يصير عمرها 23 سنه :d

ان شاء الله تكون سنه خيير عليج ويتحقق فيها كل احلامج الي ماتحققت في ال22

وكل عام وانتي بخيير

أعرفكم على بدوره :)

مرحباا

أخبــــــــــاركمــ؟

حبيت اعرفكم على حمستي( بدوره)

أمس اخوي يابلي ياها وبنت اختي سمتها بدورة على اسم رفيجتها :s

عاد صورتها لكم..لعوزتني حدها نزقه يالله قدرت اخذلها هاللقطات

طلعت رومانسيه بعد مو هينه

بس اتعبت من جلسه الفوتوسيشن وتبي تنام

تصبحون على خيرر

فني وابداعي :d

مرحباااااااااااااااا

أخباركــــــــــــــــــــــــــ؟مـ؟

لان الدوام وايد وناسه والوقت يمشي فيه بسرعه :s قررت آخذ معاي شي يسليني بجانب اللاب توب ..

قلت خل آخذلي الوان وكراسات تلوين واطلع فني وابداعي المكبوت بداخلي :d

واعليا الفيري حايشها عقنقز

يعني ان براتز خخ

فديت صاحبه هالاسم

تاثيرات النفخ..اول مانفخت اللون دار راسي الكبر شين مافينا شده هالنفخ :s

بابونه




راسمه بنت اختي جوجو :d

ييييييييع لوول

يااااااااااااارب

والى اللقاء على أمل العثور على وسائل أخرى لتقضيه الفراغ خصوصا بوقت الدوام

واذا عندكم اقتراحات هم ماكو مانع ومنكم نستفيد :)

صابون وحلو !

مرحبااا

أخباركمــــــــــــــــــــــــــــــــــــــ؟ـــــــــــــــــــــــــــ

الدوام صاير زهقه ياربي ماادري متى اكمل الست أشهر وآخذ اجازه اففف

اليوم طلعت من الدوام ورحت مع اختي لولو هايبر وربعه من زمان ما رحناله..ولما خلصنا مشاويرنا طلعت اغلب مشترياتنا صوابين وحلويات خخخ

شوفوا البابون

اذا مرت عليكم وحده لامعه براقه ترى هذي انا :P

دور الحلو

مع ان المفروض ان الحلو ما ياكل حلو بس شسوي :P

والفوندو

ثانكس رورو اختي حبته :d

وحيااااااااكمــــ :)