الخميس، 27 مايو 2010

التاج السلطاني

قوانين التاج السلطاني كالآتي :
-اذكر اسم من طلب منك حل هذا الواجب.
-اذكر القوانين المتعلقة بهذا الواجب.
-تحدث عن ستة أسرار قد لا يكتشفها من يقابلك للمرة الأولى.
-حول هذا الواجب إلى ستة مدونين ، واذكر أسماءهم مع روابط مدوناتهم في موضوعك.
-اترك تعليقا في مدونة من حولت الواجب عليهم ؛ ليعلموا عن هذا الواجب.
الطلب الأول:
*اذكر اسم من طلب منك حل هذا الواجب.
(انا ادري الحين رورو حاطه ايدها على قلبها من الي بكتبه خخخخ )
الطلب ال2 :

تحدث عن ستة أسرار قد لا يكتشفها من يقابلك للمرة الأولى.
مممم الي بكتبه يمكن في اشياء انتوا عارفينها والاسرار الخاصه ماراح اقولها انا جذي وماسلمت بعد اقول الاسرار !
# الي يشوفني اول مره مايدري اني عسل ودمي خفيف :P عبالهم نفسيه وشايفه نفسي !
#ما اطلع من البيت الا وانا راسمه حوايبي لانهم حييل خفاف وشكلي من غيرهم يضحك واذا طلعت من غير ماارسمهم الصق النظاره بويهي.
# بالشور الواحد اغسل ب5 بابونات غير الصابون المغربي و غير الشور جل خخخ
#ناقصني شويه ثقه وصبر وطووله بال.
# كان ودي اصير مذيعه بس باذاعه مو تلفزيون ولما جربت عطوني ياها اشكره صووتج مايصلح الي بيسمعج بنام@@
اخاف بس حاصلكم صوتي ماالت.
# جريئه بالتفكير وبس.. ركزوا على وبس..اوكي؟ :P
*الطلب ال3 :
حول هذا الواجب إلى ستة مدونين ، واذكر أسماءهم مع روابط مدوناتهم في موضوعك.

هناك 12 تعليقًا:

هديــل يقول...

تصدقين حتى انا اللي يشوفني اول مرة يحاسبني نفسية وجذي بس يطلع العكس :q

> حرااام عليج م بابونات لوووووول

يعطيج العافية =)

كوكتيل يقول...

اولا شكرا على هذي الثقة الغالية اللي أعتز فيها عاد توه واصلني التاج وكنتي في القائمة :)

ثانيا ماأحب الناس اللي تحكم من أول مرة على الشخصيات فعادي طنشي :)

أما الصابون فنعرف أنه غرامك :)

هديــل يقول...

* اقصد حراام عليج 5 بابونات :>

AlMai Port l ميناء الميّ يقول...

هههه
على طاري الحواجب, عندنا وعندج خير :p

رورو الشخبوطه يقول...

خخخ لا خفت تسوين حركة جايونه :p

-عن نفسي حسيت انج من النوع اللي مو اجتماعي كلش اول ماشفتج بس اول مره كلمتيني فيها ارتحت لج :)

-وحواجب ماشاءالله حلوين :) انا شفتهم بالتاتو بس مبين القالب غالب ..

-اي حللي الصابون انا اذا ماتسبحت بوايد شغلات احس اني ماتسبحت :\

-الله يرزقج ويرزقنا هال3 اشياء يارب خخ..

-لا حسج حلو مالج شغل بالعذال من زين حس حليمه اللي تتنهوص !!

-انا اشهد خخخ..

مشكوره ع الحل :)

غير معرف يقول...

أفا عليج :p
إن شاءالله بس بكتب يوم الاحد ان الله أراد عقب ما أرد من الدوام :)

Made n Q8 يقول...

هديل

اي حدهم طاف مليت وانا اقول والله مو نفسيه انا ويهي جذي ماكو فايده خخخخ

Made n Q8 يقول...

كوكتيل

العفو ولو

اشوه يعني طلعت القلوب عند بعضها :d

Made n Q8 يقول...

mai

ستري على ما وايهتي :d

Made n Q8 يقول...

رورو

لا جاوبت بس حاولت كثر مااقدر اني ما اخوره خخخ

فديت الي ارتاحلي من اول ماكلمته..انا لو ادري مغنيتلج جان ارتحتيلي اكثر :d

اهوا الله راحمج انج شفتيني بالتاتو جان تصروعتي :P

آمييييييييييين :)

والعفو حاضرين

Made n Q8 يقول...

hopeless sight

ان شاء الله انا في انتظار

AM.SA.CHANNEL يقول...

ماتدرين يمكن في يوم من الأيام تستوين مذيعة في الراديو، الأحلام تتحقق لو بعد سنين طوييييييلة :)