الثلاثاء، 1 يونيو، 2010

SENSAI CELLULAR PERFORMANCE

مرحبا
من فتره شفت اعلان هالمستحضر من ماركه sensai واهوا عباره عن بخاخ مرطب للبشره وبنفس الوقت مثبت للمكياج
انا جربت من هالطقه من قبل وايد مثل ايفيان و avene و سوسكن وماركه ماادري شلون تنكتب ...الخ
هالشغلات حلوه حق الصيف تعطي انتعاش وترطيب ،وانا قاريه من زمان ان المستحضرات الي تكون في بخاخ تعطي فايده اكثر لانها تدخل بالمسام وتتشربها البشره بسرعه!





عاد امس رحت الشاميه وخذيته

سعره ب22,750


خل اكتبلكم فايدته:
يساعد البشرة على استعادة رطوبتها العالية وتضفي تشكيله مستحضرات العناية المركزة SENSAI CELLULAR PERFORMANCE HYDRATING SERIES رطوبة مترفة للبشرة منحى جديد في تقوية البشرة على المستوى الخليوي وخلق سلسة متواصلة من ردود الافعال للجمال اللامتناهي مما ينتج عنه تركيبة بشرة ناعمة مصقولة وحريرية الملمس.
يحتوي المنتج على عناصر طبيعية خمسه بما فيها المشمش الذي يقوم بتجديد الوظائف الاصلية للخلايا .ان لديه مفعولا خماسيا في معالجة اعراض تقدم العمر :كالترطيب،الشد،النضارة،واالشفافية ومحاربة التجاعيد،وهو بذلك يزود البشرة بحماية شاملة من الداخل ،فهو يختزل مفهوما حيويا للجمال بدون جفاف ،تجاعيد،ترهل،شحوب،فهو يمنح البشرة بريقا ونضارة وملمسا حريريا رائعا.

المهم الحجي الي مكتوب واايد
انا امس حطيته بالثلاجه و جربته مرتين عجبني ان في ترطيب ومايدبق عالبشره احلى شي حق بعد الدوام مالي خلق ادهن زين اغسل واحط راسي وانام !وريحته بعد حلوة ولما قريت محتوياته طلع فيه عطر زهري خفت لا يقب ويهي لان فيني اكزيما بس اشوه ماصار شي جان اقوم وارشه على جسمي اهوا المفروض اجرب على جسمي بالاول اشوف يقب ولا لأ بس مافيني صبر.
لحد الحين اهوا احسن واحد بالترطيب:)

هناك 12 تعليقًا:

رورو الشخبوطه يقول...

شوقتيني عليه..

بشتريه لما ينزل معاشي ..

بس اهو ينفع البشره الحساسه؟؟

ومشكوره..

وبالعافيه يارب..

Made n Q8 يقول...

رورو

اي ينفع افا عليج شلون ماينفع في امه خيير بس ما ينفعج :d

في اكثر مني حساسه :P

لوول لا اقصد بشرتي حدها دعله مختلطه وحساسه غير الاكزيما والحمدالله ماصار فيني شي

وحيااج الله

SweetHeart ~ يقول...

ماجربتي +MAC Fix ?
حلو و نفس المفعول

Made n Q8 يقول...

sweetheart

لا والله ماجربته بس قريت عنه بالمنتديات حيل يمدحونه وقايلين ان يستخدمونه مع الشدو عشان يثبت اكثر

SweetHeart ~ يقول...

جربيه و وايد ارخص من هذا

اي عدل تقدرين ترشينه بفرشة الشدو عشان يطلع لونه
بس انا عندي اشياء ثانيه عشان التثبيت ..

ابخ فيه ويهي يرطبه اول شي و تالي لمن اخلص بخ ثانيه يثبت فاونديشني
و بخيه على شعرج بعد ينفع امشي و بخي مايضر لوول

cheese 7cake يقول...

عليج بالعافيه

جربيه اول اذا ما صارلج شي عقب انا اجرب ما احب اغامر ببشرتي او جسمي بالمستحضرات اللي ما ادري شنو نتايجها علي بعديييييين ؛)

Made n Q8 يقول...

sweetheart

لوول اوكي ان شاء الله اجربه

Made n Q8 يقول...

cheese 7cake

لا تمت التجربه لا تحاتين والحمدالله ماصار فيني شي :d

Hopeless Sight يقول...

عاد كللش انا مو مع هالسوالف :p
س شكله حلو و يصلح للصيف. عليج بالعافية

Made n Q8 يقول...

hopeless sight

اي خوش شي حق النعنشه :d

غير معرف يقول...

I am really enjoying the theme/design of your blog.
Do you ever run into any web browser compatibility problems?
A few of my blog audience have complained about my blog not operating correctly in Explorer but looks great in Opera.
Do you have any tips to help fix this problem?
my website :: GFI Norte

غير معرف يقول...

A motivating discussion is worth comment. I think that you should write
more about this issue, it may not be a taboo subject
but typically people don't talk about such subjects. To the next! Kind regards!!
Feel free to surf my weblog :: GFI Norte