الأربعاء، 30 يونيو 2010

Pacstick

مرحبا
أخبااركمــــ؟
وانا احوس باحدى الجرايد الاعلانية لقيت هالاعلان( ماأيووز طبعا)





اهوا عباره عن عطر على شمع ينحط عالجسم حجمه صغير ممكن يتعلق بالميدالية
اتصلت عليه قالي ان حاليا متوفر عنده بس عطرين carolina herrera+jadore هذول النسائي بس ..اما العطورات الرجالية imillon+carolina herrera
انا طلبت 2 كارولينا و2 جادور
سعر الواحد دينارين
هذول اهما







جربت الكارولينا يييع يييع ريحه الدهن الي يستخدمونه الهنود قبل ومازالوا يتراولي ..حتى عطيته اختي جان تحذفه علي خخخخخخخ
اما الجادور عجبتني ريحته
وسلامتكم :)



الأحد، 27 يونيو 2010

امي وصلت :d

امي امس وصلت مابغيت الاسبوع كان حده كئيب
واهم شي انها يابتلي ماسكرا ميبيلين اليديده خخخخ
هذي حصيله جنطه وحده



وان شاء الله لما ارد من الدوام بحوس بالجناط الثانية :D

الأربعاء، 23 يونيو 2010

Soap &Glory

مرحباا
أخباركمــــ؟
أمس رحت بوتس المارينا

ماادري ليش احب احوس فيه حتى لو ماابي شي منه





عاد شفت من ماركه Soap &Glory قالب للحواجب(3 رسمات) مع قلم صوب لرسم الحاجب والصوب الثاني الاضاءه لتحت الحاجب
هذي صورة الرسمات ...





هذا صوب القلم الي تعبين فيه الحاجب(ترى مايشخط :s )




وهذي الاضاءة( حبيت لونها)



سعره ب4 وشي


الأحد، 20 يونيو 2010

أنا والبيض :S

قبل لا تسافر امي الله يردها بالسلامه الحمام او الحمامه باضت
عاد قلت ودي اخليهم يفقسون قبل لا اتيي واوديهم لها المطار كمفاجعه يعني
وانا من امي سافرت ما مهنتي الا بس مجابلتهم ابي البيض يفقس مو راضي ماصارت عااد لي متى بجابلكم
سالت اختي عندج فكره عن بيض الحمام جم يبيله عشان يفقس؟
جان تقوول لا والله ماعمري ركيت على بيض !
انا اذكر قبل كان ولد خالي يحط البيض بشي مثل الفرن
بس فيني عقده من الجوله اخاف منها:s
شوفوهم






هذي ماحبها ماتقعد عالبيض بضمير تقعد بالطرف اظاهر هذي مرت الابو





اهوا اسبوع ماكو غيره اذا مافقسوا يا اني احطهم بالمايكروويف بدال الفرن او اني اسويهم بيض عيون واكلهم!

الخميس، 17 يونيو 2010

سايت عن الموضة

مرحبا
وانا اتصفح مجله اليقظه ماادري النهضه لقيت كاتبين عن سايت عن الموضه






اسمه Fashion-era

اول مادخلت عالسايت شوي يقمت القلب
بس لما تحوسون فيه تلقون شغلات حلوة






الثلاثاء، 15 يونيو 2010

لقييته :D




لقيته بجمعية المنصورية زين ما انسدحت عالستاند من الفرحه خخخخ



والي ضحكني اكثر لما رديت البيت يت الخدامه بتشيل الاغراض جاان تشهق @@
يحليلها استانست اكثر مني لوول
مع العلم انها ماتشربه بس ماادري ليش استانست!!
خذيت 4 علب كنت باخذ أكثر بس قلت لا حرااام اكيد في غيري قاعده يدوره واذا مالقاه ماراح يداوم :P

الخميس، 10 يونيو 2010

Lip Plumper

مرحبا
تعرفون الي ينفخ او بمعنى آخر يعبي الشفايف الي من ماركه توفيسد lip injection؟






لقيت واحد نفس مفعوله وارخص منه
اسمه
super volume lip plumper
M.n
ME Now



خذيته من محل بمجمع سندس يصير يم الباب الوراني اول ماتدخلون عاليسار يبيع مكياج ولفات..الخ
سعره بـ 2،750
وعطاني ياه اقل لان خذيت منه اصباغ وخواتي خذوا بعد بس ماادري جم خصم
في منه لون وردي وشفاف وبنفسجي


ترى قالب الشفايف بس جذي حركه

الثلاثاء، 8 يونيو 2010

سوق المباركية :D

مرحبا


يوم السبت رحت مع امي واختي سوق المباركييية يووووونس هالسوق
انا كنت رايحه عشان سوق السلاح يقولون ان عطوراتهم اصلية وارخص من السوق شميت كذا عطر ماادري ماحسيت انها اصليه جنه مخلوطين باسبيرتو!!
امي خذت منهم معمول ماصورته
وحولنا بعدها سرداب الشايع
كل مره لما اروح ادخل مكياج المنصور اتشرى منهم واطلع بس هالمره قلت بغير لان بصراحه الي يشتغلون هناك الفلبن حلات عيونهم المشخطه واايد صايرين نفيسه خذيت منهم شغله وحده مااحصلها الا عندهم حطيت الصورة بالاخير وايد عليهم :P
ودخلت محل مكتوب فوق فاروق العوضي
اكثر شي عنهم ماركه golden lady وهم ماركه فلومار






اقلام كحل من ماركه غولدن ليدي
يقول واايد ياخذون منهم قلت دام وايد خل اصير انا من الوايد واخذ منهم بعد!
جربتهم على ايدي بشوفهم اذا يخطون ولا لأ
واشوه طلعوا يشخطون من طقه اقلام كحل برجوا بس هذول الوانهم اكثر واحلى انا بس خذيت 5 الوان
احطلكم ارقامهم من فوق لي تحت
011
010
009
001
013
الواحد على دينار




ومن نفس الماركه بودرتين terracotta

الي عاليمين رقمه 02
واليسار 01
صورتهم على ايدي بفلاش
والسعر ممممم نسيت :S



من ماركه فلوومار
حمرتين الوحده على دينار
الي عاليمين رقمها 205
اليسار 212



ومرينا عالعفاسي خذينا معمول حق اختي
ولا جاااان الجح اسم فز قلبي وانشرح بالي يوم شفت الحسن والزين يجفيهاا ماادري شفيها ...نسيت كلمات الاغنيه انتوا كملوها :P





والاسم طبعا كااان اسمييييييييييي :D
جان اخمطه ماهمني حلو ولا لاع بس المهم اسمي عليه
كانوا مسوين عرض على اربع عطور عليهم اسامي تاخذون واحد الثاني فري
اختي اختارت اسم اوراد عاد اوراد منو ماادري!!
السعر ب12





وعطونا هديه سي دي العفاسي ومعمول مها للحين على قولتهم مانزل السوق








والشمالي لازم نمر عليه






وهذا الي خذيته من المنصور قلم تصحيح للحواجب انا اعدل فيه رسمه حوايبي
بدينار
وبس :)






الأحد، 6 يونيو 2010

Chipstix+DUNKIN DONUTS

مرحبا
امس رحت لولو هايبر امبييه بتنفس ماني قادره حشى بومباي مو الكويت!
المهم عصبت وطلعت ولا اشوف البطاط الي قالوا عنه (رورو+جايونة) بس كان في اثنين واحد اسمه chipstix والثاني ماثبت على اسمه،وماادري اهما طلبوا من اي واحد..























قتله حطلي لحم وملح ماكان فيه لا جبن ولا زبده






بصرااحه طعمها كان مالح حيييل قمت الهط بالماي
مره ثانية بطلبها بدون ملح او بمسك ايده وانا بتحكم بالملح!
طلبت ثنتين بدينار






ومريت DUNKIN DONUTS
كل مره اخذ منهم دوناتس بس هالمره قلت خل اجرب منهم الهوت جوكليت












واااي الله يزيد النعمه جنه ماي مو شي :s
احلى هوت جوكليت جربته كان بره الكويت و ودي القى بمستواه هني





الخميس، 3 يونيو 2010

Tagged

(ترى امس حليته واليوم نزلته)
I was tagged by
جايونة
pinkgirl
Last beverage
جاي لاتيه
Last phone call
الساعه 3 الفير من واحد دايخ يقولي ياعمري !
Last instant message
عالواتس اب مع رفيجتي
Last song you listened to
قاعده اسمع حاليا الحب المستحيل
Last time you cried

مااذكر
Last text message
من البنك
LIST THREE FAVORITE COLORS
وردي
سماوي
بنفسجي فاتح
THIS MONTH HAVE YOUMade a new friend
لا
Fallen out of love
استحي اقول
Laughed until you cried
ممم لا مااعتقد
Met someone who changed your life
اي
Found out who your true friends were
اي
Found out someone was talking about youا
اي عادي طااف
Have you kissed anyone on your Facebook friends list
لا يا ابوس بالصج ولا ما ابوس !
How many people on your Facebook friends list do you know in real life
لا ماعرفهم بالصج
How many kids do you want to have
واحد وياريت لو تكون بنت
Do you have any pets

اي سلحوفتي بدورة
Do you want to change your name
لا اسمي نايس
What did you get for your last birthday
عزيمة على مطعم وكيكه
What time did you wake up today
7 و4 دقايق
What were you doing at midnight last night
قرقه بالعايفون
Name something you CANNOT wait for
اطلع من الدوام
Last time you saw your father
امس. اليوم الصبح ماشفته
What is one thing you wish you could change about your life
ودي نومتي تتعدل بس السهر حلو
What are you listening to right nowا

صوت الي حوالي بالدوام
Have you ever talked to a person named Tom

لااع ما اكلم اجانب :P

Who’s getting on your nerves right now
الجرايد ماوصلت وابيها توصل عشان اطلع
Most visited webpage

بلوقي وبلوقات الحبايب

what’s your real name
شريفه
Nicknames
Sherry أو shosho
Status
Single
Zodiac sign
الاسد
Male or female

والله بنت
University

هارفورد ماادري هارفرد
الجذبه مو ضابطه خخ
خريجه جامعه الكويت
Hair color
الطبيعي بني غامج وبعد الصبغ اشقر طبيعي
Long or short

طويل
Are you a health freak
لا
Height
طولي مو ثابت مره 163 ومره 164
Do you have a crush on someone
شنو يعني؟
What do you like about yourself

شقول بس شحجي كل شي فيني حلو ::P
ماادري مااحب امدح نفسي
What don’t you like about yourself

العناد ومافيني صبر واثار الاكزيما الي بجسمي ابيها تروح
Righty or lefty
يمين
FIRSTS
First surgery
باسناني
First piercing
تراجي
Your first best friend

صديقات المراهقه كلهم مابي اقول اساميهم وحتى صديقات الجامعه افتخر فيهم
First award
بالابتدائي
First sport you joined
سباحه
First pet
كتاكيت ملونة
First vacation
قطر
First concert

حفله ميامي
First crush
مو علموني شنو crush عشان اجاوبكم!
WHAT ARE YOUEating
ولا شي

Drinking
ولاشي
I’m about to

اخذ خروجيه واروح السوق
Listening to
صوت الي حوالي بالدوام
Waiting for

ان الله يفرجها علي ماراح اقول بشنو
:YOUR FUTURE
Want kids
خو قلنا اي عاد لا تفقروني خل اتزوج بالاول :P
Want to get married

اذا الله كاتب اي
Careers in mind
مو على بالي شي
WHICH IS BETTER WITH THE OPPOSITE SEX
Lips or eyes
Lips
Hugs or kisses
الاثنين مااقول لا
Romantic or spontaneous

spontaneous
Nice stomach or nice arms
ابي كل جسمه يكون حلو
Sensitive or loud
sensitive بس برجوله مو على اي شي
Hook-up or relationship
relationship
Trouble maker or hesitant

ولا واحد منهم

Lefty or Righty
mmmm lefty or righty mo meshkela :P
Shorter or taller
taller
Older or Younger
older
HAVE YOU EVER
Lost glasses/contacts
yes
Ran away from home
لا وين اروح بعد
kissed a stranger

لا انشاء الله مو سبيل امشي وامطخ

Drank Pepsi

اي بس مو وايد
Broken someone’s heart
مااعتقد!
Been arrested
لا
Turned someone down
مادري
Cried when someone died
اي
Liked a guy/girl friend
صديقه اكثر
DO YOU BELIEVE INYourself
اتمنى اي
Miracles
اي

Love at first sight
مافي حب لا اول نظره ولا آخر نظره الحين يحبون حق الفراش بس
Heaven
اي
Santa Claus
لا يخرع
Kiss on the first date
الله عاد من اول شي بووس شنخلي حق بعدين!
ANSWER TRUTHFULLY
Are you happy with your life
الحمدالله
Is there one person you want to be with right now
اي
Had more than one boyfriend/girlfriend at one time

خل احصلي واحد عشان اخونه :S
Do you believe in God

اكيد اي

Posting this as 100 Truths
ان شاء الله اي
I'm tagging

الثلاثاء، 1 يونيو 2010

SENSAI CELLULAR PERFORMANCE

مرحبا
من فتره شفت اعلان هالمستحضر من ماركه sensai واهوا عباره عن بخاخ مرطب للبشره وبنفس الوقت مثبت للمكياج
انا جربت من هالطقه من قبل وايد مثل ايفيان و avene و سوسكن وماركه ماادري شلون تنكتب ...الخ
هالشغلات حلوه حق الصيف تعطي انتعاش وترطيب ،وانا قاريه من زمان ان المستحضرات الي تكون في بخاخ تعطي فايده اكثر لانها تدخل بالمسام وتتشربها البشره بسرعه!





عاد امس رحت الشاميه وخذيته

سعره ب22,750


خل اكتبلكم فايدته:
يساعد البشرة على استعادة رطوبتها العالية وتضفي تشكيله مستحضرات العناية المركزة SENSAI CELLULAR PERFORMANCE HYDRATING SERIES رطوبة مترفة للبشرة منحى جديد في تقوية البشرة على المستوى الخليوي وخلق سلسة متواصلة من ردود الافعال للجمال اللامتناهي مما ينتج عنه تركيبة بشرة ناعمة مصقولة وحريرية الملمس.
يحتوي المنتج على عناصر طبيعية خمسه بما فيها المشمش الذي يقوم بتجديد الوظائف الاصلية للخلايا .ان لديه مفعولا خماسيا في معالجة اعراض تقدم العمر :كالترطيب،الشد،النضارة،واالشفافية ومحاربة التجاعيد،وهو بذلك يزود البشرة بحماية شاملة من الداخل ،فهو يختزل مفهوما حيويا للجمال بدون جفاف ،تجاعيد،ترهل،شحوب،فهو يمنح البشرة بريقا ونضارة وملمسا حريريا رائعا.

المهم الحجي الي مكتوب واايد
انا امس حطيته بالثلاجه و جربته مرتين عجبني ان في ترطيب ومايدبق عالبشره احلى شي حق بعد الدوام مالي خلق ادهن زين اغسل واحط راسي وانام !وريحته بعد حلوة ولما قريت محتوياته طلع فيه عطر زهري خفت لا يقب ويهي لان فيني اكزيما بس اشوه ماصار شي جان اقوم وارشه على جسمي اهوا المفروض اجرب على جسمي بالاول اشوف يقب ولا لأ بس مافيني صبر.
لحد الحين اهوا احسن واحد بالترطيب:)