CANDY DOO+baskin robbins

الشهر الي طاف رورو كانت منزله بوست عن كوتن كاندي مجربته بالمارينا

CANDY DOO

وكل ما ابي اروح اجربه يصير شي

وقبل يومين رحت المارينا وجربته

خذيت الازرق  والابيض

والوردي والابيض

الي حبيته ان هذا خفيف ،اخف من الي اخذه من مركز سلطان CANDY FLOSS
بس CANDY FLOSS احلى

عااد اخر مره خذيت منه احس طعمه متغير !


______________________________

ثاني شغله جربتها من باسكن روبنز
اهيا كيكه براوني الامود

Brownie alamode

داخلها كله جوكليت وفيها كاراميل

الكيكه صغيره  وكطعم حلو وحاطين انها تكفي 10 اشخاص استغربت بس لما كليتها عرفت السبب لان واايد تغث قطعه صغيره يالله قدرت اكملها
  

وسعرها 3.500

ZARA_littlegirl_littleboy

للي يحبون ريحه البيبي والنظافه

انصحهم يجربون عطورات زارا

ZARA little boy

ZARA little girl

صغاار بسرعه يخلصون

موجودين عند  زارا بقسم الأطفال
العطر الواحد ب3.500

نحن والأطفال!

أكيد تعرفون نحن والأطفال؟

عاد الحين اغلبكم بصغر عمره وبقول ماعرفه :P

وانا احوس فوق بجمعيه الدسمه بشوف شنو المحلات اليديده الي فتحوها والا اشوف هذا...

سالت قالولي هذا نحن والأطفال بيفتحونه قريب

عااد معقوله اهوا نفسه الي قبل الغزو؟!

بننطر ونشوف..

Silk Blow

شهر 2 الي طاف كوزمودوم كانوا مسوين عرض على السيلك بلو

5 جلسات ب80 بدال 100

السيلك بلو عباره عن ترطيب عميق للشعره نفسها مو الجذور يعني جنج مسويه 10 مرات حمام زيت بجلسه وحده

اول شي تغسل الشعر لازم حتى لو كان نظيف لازم تغسله  بعدين تنشفه بس هوا

تالي تحط كريم وتخليه ربع ساعه لي ثلث ساعه وعقبها اتسوي استشوار عادي


النتيجه:
انا حاليا سويت 4 جلسات وبقت لي جلسه وحده.
شعري كان ناشف حيل هريته صبغ واستشوار وكان لازم اسوي كل اسبوع جلسه او اسبوعين جلسه
النتيجه شفتها من اول جلسه ردت النعومه واللمعه لشعري ،الاستشوار ماقمت استخدمه بس انشفه هوا او اخلي ما انشفه حتى اختي عبالها مسويه كيراتين.

الحين ناويه ان شاء الله كل شهر اسوي مره وحده
وسعر الجلسه ب20

وموجود ترى السيلك بلو باماكن ثانيه غير كوزمودوم شوفوا مجله الممتاز جنه بفيتو وديسانج

Le Petit

اليوم طلبت من le petit

mini cheese cake

24 حبه

(اوريو_كاراميل_سينامون_توفي_لوز_فانيليا_تمر)

حبيت اكثر شي الكاراميل والتوفي والتمر

وهم طلبت profiteroles

انا الي طلبته (فانيليا_كاراميل_ سينامون_ كوتون كاندي_ الموند_ لافندر_ زعفران)

بس ماشفت لا الكوتون كاندي ولا اللافندر!

وكليت شوي من الزعفران ماحبيتها

الطلب كله طلع ب5


اسعارهم الدرزن بدينار ونص
التوصيل بنص

انا طلبت من  الصبح وصل الطلب الساعه 7

 حبيت الكاراميل والتوفي والتمر بس

طبعاا مااقدر اقول عنه واااو بس نايس كتقديم وذرب

والي كان ودي اجربه الكوتون كاندي واللافندر وماحطوه لي

ياريت الي تاخذ الطلب تنتبه مره ثانيه مو تحط الي على كيفها


وهذا سايتهم للي حاب يطلب

http://www.le-petit.net/

Coffee Break

امس خذيت كيك من كوفي بريك

جربت كيكه السنكرز مو ذاك الزود بس يعني تناكل

اما المقلب كانت بكيكه الاوريو الله يزيد النعمه اظاهر كانت بايته

الوحده جنه بدينار

مكانهم بالمهلب وفي بالكوت واماكن ثانيه

برجر كنج!

كنت رايحه برغر كنج بجرب الكيكه اليديده الي منزلينها شوكولاته سوفليه عشتو جنهم صج

رحت فرع القادسيه وطلبتها

جات تقول لا مدام سوري مافي

روحي الدسمه اكيييد موجوده

قلت لها اكييد موجوده؟

ردت:اي اي مدام موجوده لازم في

وانا بحرك ولا اشوف هالسياره الي صافطه عند مخرج خدمه السيارات@@

لحظه شسالفه شلون اطلع؟

مااشوف الا الموظفه ويت مدام انا اقوله يحرك

لحظه تعالي توج الحين بتروحين تقولين له ،جان من اول ماصفط رحتي قلتيله ممنوع الوقوف هني ..خو واجهه المطعم جام يعني يبين لي وقف .

طبعا الي صافط السياره ماشفته وعيزت اطق هرن مافي احد ..أثاريه حاط المفتاح داخل سيارته و واحد من الي يشتغلون في برجر كنج اهوا الي وخرها.

وانا بطريجي رايحه فرع الدسمه جان اقول خل ادق عليهم اتاكد مالي خلق انزل ومااحصل الكيكه عندهم.

انا: السلام

الموظف:عليكم السلام

انا:بغيت اسال الكيكه اليديده موجوده بفرع الدسمه؟

الموظف: طبعا موجوده(ثقه) بس مافيش توصيل

انا:عارفه مافي توصيل انا متصله عشان اتاكد اذا موجوده اروح اطلب اذا موجوده مالا داعي اروح

الموظف:ضروري يا فندم موجوده ازاي مش موجوده(ثقه)

انا: ياريت لو تكلمهم و تتاكد انا توني يايه من القادسيه مالقيتها لا تخلوني اتعنى على ولا شي

الموظف: الكيكه موجوده ..ضروري موجوده (مالت عالثقه)


ورحت نزلت فرع الدسمه وطلبت الكيكه

جان تقولي الفلبينيه واهيا شاقه الحلج:)

مدااام مافي مكييينه خراااب!

طبعا احتراما لنفسي طلعت وخليتها تولي


برجر كنغ لي متى ماتتعدلون؟
اذا انتوا مو قد الشغله ليش تنزلون شغلات يديده واعلانات وخابين عمركم جنه صج الحين 

استريحوا بس وعدلوا موظفينكم ولا سكروا احسن بعد

OLAY_ eye micro derma pad_

من قبل اكثر من شهر بديت استخدم هالمنتج من اولاي

اهوا لمنطقه العين

فوايده يقلل الانتفاخ ويعبي الخطوط الي تحت العين ويجدد الخلايا

في 21 حبه يستخدم مرتين لي 3 مرات في الاسبوع

هذي شكلها
 تضغطون الجزء الرمادي ويطلع للاسفنج

كنتيجه:
انا عندي منطقه العين جافه ومن بعد استخدامي له عطاني ترطيب حلو وصار تحت عيوني ناعم وخفف لي السواد بس مو واايد.

موجود بالجمعيات وسعره 5،630