الثلاثاء، 15 مارس، 2011

Silk Blow

شهر 2 الي طاف كوزمودوم كانوا مسوين عرض على السيلك بلو
5 جلسات ب80 بدال 100
السيلك بلو عباره عن ترطيب عميق للشعره نفسها مو الجذور يعني جنج مسويه 10 مرات حمام زيت بجلسه وحده




اول شي تغسل الشعر لازم حتى لو كان نظيف لازم تغسله  بعدين تنشفه بس هوا

تالي تحط كريم وتخليه ربع ساعه لي ثلث ساعه وعقبها اتسوي استشوار عادي


النتيجه:
انا حاليا سويت 4 جلسات وبقت لي جلسه وحده.
شعري كان ناشف حيل هريته صبغ واستشوار وكان لازم اسوي كل اسبوع جلسه او اسبوعين جلسه
النتيجه شفتها من اول جلسه ردت النعومه واللمعه لشعري ،الاستشوار ماقمت استخدمه بس انشفه هوا او اخلي ما انشفه حتى اختي عبالها مسويه كيراتين.

الحين ناويه ان شاء الله كل شهر اسوي مره وحده
وسعر الجلسه ب20

وموجود ترى السيلك بلو باماكن ثانيه غير كوزمودوم شوفوا مجله الممتاز جنه بفيتو وديسانج

هناك 8 تعليقات:

رورو الشخبوطة يقول...

حلو ماشاءالله..

وجاك احسه اهو كوزومودم نفس الشي ..

و نعيما..

غير معرف يقول...

اليوم كنت اشوف اعلانه و شدني و كنت بسال عنه و سبحان الله جنج تجاوبيني بس بسال ما ياثر على تساقط الشعر لان شعري يتيح حيل و يصير اسوي بس جلسة وحدة؟؟؟؟؟

Engineer A يقول...

عليج بالعافية وحلو الاهتمام ..

بس اللي شعرها ناعم ما تطيح هالجلسات الشعر وتسبب تساقط؟

Bint ilKuwait يقول...

wooooow 3alaaaaaaich bil3afyaa;***

وين كوزمودوم؟

Made n Q8 يقول...

رورو

كوزمودوم وجاك وفيتو احس كلهم نفس الشي بس الاسم يختلف حتى لاحظي نفس العلاجات يستخدمون

الله ينعم بحالج

Made n Q8 يقول...

غير معرف

اي يصير تسوين جلسه وحده
انا سويت العرض لان شعري كان تالف حييل ويبيله علاج مكثف..والحين لما تعدل الحمدالله بس بسوي كل شهر مره وحده

وبالنسبه للتساقط شوفي اهيا لما اتيي اتسوي لج اخر خطوه الا اهيا الاستشوار والكريم يكون بشعرج لازم تشد شوي خصوصا لما يكون الشعر طويل شوي
انا لما اروح احب الي تسويلي تكون فلبينيه اهما الي يكونون ذربين ولهم طوله بال بالشغل مره سوتلي وحده ماادري شنو جنسيتها شدت شعري شعر مو طبيعي حدها دفشه

بس اهوا كعلاج لا مايطيح الشعر بالعكس حسيت شعري خف تساقطه

Made n Q8 يقول...

engineer a

الله يعافيج يارب

انتي شعرج واايد ناعم؟

اذا شعرج وايد ناعم وصحي ماتحتاجين
في علاجات ثانيه لفروة الشعر سويها احسن لج لان علاج سلك بلو يعالج الشعره نفسها مو الفروه

Made n Q8 يقول...

بنت الكويت

الله يعافيج

كوزمودوم في المهلب فوق الدور الاخير