الأربعاء، 30 نوفمبر 2011

كتاب _بيكاسو وستاربكس_ لـ ياسر حارب



من قبل اسبوع تقريبا قريت كتاب بيكاسو وستاربكس لـ ياسر حارب

هالكاتب تم اختياره على اساس ان نتناقش فيه (قروب نادي مما قرأت) يوم الثلاثا الي طاف بس انا ماحضرت اللقاء

النادي موجود بتويتر

@mma8r2t


الكتاب اجتماعي.. وايد حبيته خفيف وممتع وبسرعه خلصته، واول شي شدني فيه اهوا العنوان قلت شدخل بيكاسو في ستاربكس !

الكاتب تكلم عن ستاربكس وقال : ستاربكس هو اسقاط مصغر للحياة التي نعيشها،فكل شيء فيه سريع ،حتى تحضير القهوة الذي يفترض أن يتم بتؤدة يتعمد موظفو المقهى أن يستعجلوه امامك.

وذكر ان : وجه الشبه بين بيكاسو وستاربكس أنهما مثال للامبالاة ، فهما اقرب الى الفوضى المنظمه، كما انهما يعطيان قيمة لاشياء قد لاتستحق قيمه.

وتطرق لمواضيع أخرى مثل حب الذات، وتعلم فن الاصغاء، والدعوه الي الابداع والتامل، والاستمتاع بالحياه... وغيرها


الكتاب انا حبيته ويستحق القراءة

موجود في مكتبه ذات السلاسل

هناك 14 تعليقًا:

رورو الشخبوطه يقول...

يعني يصنف ع انه كتاب تنمية الذات ؟

امس شفته بالمكتبه بس ماخذيته ..

شكرا ع الملخص..

غير معرف يقول...

قبل يومين شاريته من جرير وان شاء الله ببلش فيه قريبا


يعطيج العافية :)

Made n Q8 يقول...

رورو

لا اهوا اجتماعي اكثر ..
كاتب عن شغلات احنا نعيشها يوميا وذاكر مواقف وتجارب حصلت له
يعني مثلا البيبي والايفون شلون صرنا نستخدمهم بادمان لي درجه ان سيطروا على حياتنا وجذي يعني


ولو العفو

Made n Q8 يقول...

هديل

ان شاء الله

قراءة ممتعه :)

شاي الضحى يقول...

قريت الكتاب شهر ٣ الي طاف خفيف وحلو :)

عين بغزي يقول...

كتاب قليل الدسم

غني في الفيتامينات اليومية :)

كوكتيل يقول...

من فترة سمعت عنه وشفت مقططفات منه حبيته وشوقتيني اكثر له

ناويه اقراه ان شاء الله شكرا :)

Five O Three يقول...

هالكتاب هذا يشد بقوه للقرايه

جدا ممتع وممكن تفتحين اي صفحه وتبدين تقرين فيها بدون ماتحسين انك ضايعه

شكرا على الطرح وكمان شكرا انك علمتيني على نادي مما قرأت

غير معرف يقول...

هالكتاب خذيته من المعرض اللي طاف

والله لي الحين ما قريته بس الاغلب يمدحونه

ان شاء الله ابلش فيه عقب ما اخلص الكتب الي بقراها قبله :)

الف شكر عالرفيوو ^_^

Made n Q8 يقول...

جايونة

اي اهم شي انه خفيف ويخلص بسرعه

Made n Q8 يقول...

عين بغزي

كتاب يعبر عن حياتنا اليوميه

في الاحداث الي ذكرها وايد تمر علي من غير ماافكر فيها

Made n Q8 يقول...

كوكتيل


ان شاء الله
وعطيني رايج :)

Made n Q8 يقول...

Five O Three

العفو ولو حبيبتي حيااج الله :)

Made n Q8 يقول...

BeNT JaBeR


باذن الله راح تستمتعين فيه:)