Baking Tray Cafe

مرحبا

أخباركمــــ؟

امس دقت علي رفيجتي قالت خل نطلع وتبي مطعم بس يكون اكله خفيف

قتلها خل نروح baking tray انا ماجربته من قبل بس يقولون اكله خفيف

وصلنا هناك 10 بالليل رحنا على وصف اختي واشوه ماضيعناه

اول ماوصلنا طقنا عقر بقر قمنا اندور الباب والباب جدامنا :s
عاد الي يشتغلوون بالكافي قاموا يضحكون علينا ويأشرون عالباب ان جدامكم..جان اقول رفيجتي امبييه هذول شفيهم اصلا احنا نبي نقعد بره مانبي داخل :p

وصج قعدنا بره ماكان في احد وناسه خذينا راحتنا وامس بعد الجو كان اينن

المنيو



هوت جوكليت حقي

بطاطا

سلطه الكسكسي حق رفيجتي تقول مو حلوة

مثلثات الموزيريلا حبيتها بس كانت بالطرف شويه محروقه

البيتزا مالتهم حلوة وخفيفه ماتغث يعني

براوني وعايسكريم و لازم الحركه للتاكيد اني انا :P

شبعنا وقمنا نخوره

وهذي الفاتوره حاطينها مع هذي الي يطقون فيها البيض ماادري شسمها ..انا عبالي بيعطونا ياها تذكار !

جان رفيجتي تقولي حطيها بس فشلتينا هذي حركه يعني عشتو

بالاخير انا استانست يمكن لان المكان فاضي والجو حلو خذينا راحتنا بس مافي مانع اكرر الروحه :d

مكانهم بشرق جبال بهبهاني يم مجمع دسمان في برج اخوي مشعل لوول لا اتغشمر البرج اسمه مشعل بس مو اخوي خخ

Happy MaMaty Day :d

مرحبااااا

أخبـــــــــــــــــــاركمـ؟

امس الي اهوا الاربعاء 24_3 كان احتفالنا بمناسبه عيد الام ولا يوم الام المهم الي يصير بس احتفلنا :d

مو عبالكم خرفنا خخخ لا بس يوم الاحد والاثنين امي كانت لاهيه بخطبه ولد خالتي ويوم الثلاثا انا واختي طحنا ومحد سم علينا :p

لا بس كنه مرضى شوي

عاد قلنا بس مصخناها ماصار

اختي الكبيره يابت ورد وحطته بالصاله (ماصورته بحزته والحين ذبل مو مال اصوره يفشل)

وانا رحت الخباز وخذيت كيكه ،ماكان في كيك حلو ..زين لقتلي بطاقه مكتوب عليها to my mother قلت شسوي بعد يايين عالاخير زين لقينا خخخخ

ومن تمريه قضينا عليه انا وخواتي

وهذي هديتي الساعه من اون تايم تمشي مع لبسها الي بتلبسه يوم الاحد ملجه ولد خالتي الفال لكم والبطاقه والجيس من هال مارك

وبس هذا اهوا الاحتفال كان بسيط واحنا الي كلينا عنها الكيكه والحلو لانها ماتقدر فيها سكر جنه الاحتفال لنا مو لها لوول

وسلاامتكم

Pure Diamond(Nivea) +بابلز نيل سبا

مرحبــــــــــــــــــآآآ

أخباركـــــــــــــــ؟

من قبل اسبوع تقريبا وانا اراقب مجله شفت اعلان ان نيفيا منزله مجموعه ميك اب من تصميم شانتال توماس

عاد امس رحت سنتر بوينت وسالت الي هناك ابي مجموعه شانتال؟

جان اطلعلي 4 حمرات وشدوين وبلاشرين ينحك صبعج يالله يطلع اللون!!

قلتلها شنو بس هذول؟

جان تقولي اي بس :)

قلت والله وايد تعبت عمرها بنت توماس

الهمم ماعجبوني جان احول على مجموعه Pure Diamond

خذيت أي شدو في درجتين من اللون الاخضر واضاءه +صبغ اظافر+حمره

عطتني كوبون وطلعلي فونديشن

قتلها مابي فونديشن عندي منه

و الهدايا كانو صبغ اظافر_ماسكرا_gloss هذا الي اذكره

عاد عطتني كوبون ثاني وطلعلي gloss

جان تقولي اخذي بعد شي ثاني بدال الفونديشن (اظاهر طايحين بجبودهم وتبي الفكه خخخخ)

وخذيت بدال الفونديشن ماسكرا

وعالماشي شفت هالعلبه داخلها حمرتين والتحديد فري

وبعد ماخلصت رحت نيل سبا

وهالمره سويت الفوندو للايد والريل

هوت جوكليت :)

وسلاامتكم:)

Pearl Skin_ صابون طرابلس

مرحبا

أخبااركمــــــــــــــ؟ـــــ

من قبل تقريبا 4 اشهر ماادري اكثر ماادري اقل اختي راحت البحرين ويابتلي من هناك صابون من لؤلؤه البشره

اهوا تقريبا من طقه خان الصابون وبيت الصابون اللبناني

نبذه عنه:

من طرابلس بدأت حكايه الصابون_صابون طرابلس 1937

اشتهرت طرابلس عبر مئات السنين بسهول الزيتون وصناعه الصابون .وهذه المدينه هي اول من صدر الصابون الي اوروبا عبر بوابه تركيا منذ اكثر من 300 سنه،كما اشتهرت بمصابنها التي وصل عددها الي 40 مصبنه لكن في بدايه القرن الماضي انذثر عدد كبير من هذه المصابن ولم يبقى الا عدد قليل منها ،وصارت حرفه من الحرف التراثيه التي حافظنا من خلالها على منتجات مهمه من الصابون الطبيعي بزيت الزيتون والصابون العلاجي والمعطر للشعر وللبشره الحساسه والدهنيه وبعض المشاكل الجلديه ولاعتنائها بها وبجودتها اصبحت هديه متميزه ترمز الى الطهاره

****

1_ صابون القرفه(الدارسين)

للحين مااستخدمتها ريحتها ما تشجع :s

2_ صابون الفراوله
حلوة استخدمتها بس لغسيل ايدي..واختي سوت لها خلطه صابون منها حق جسمها وضافت لها جم شغله تقول حلوة ماادري عاد شحطت معاها

3_صابونه الشبه

معروفه الشبه حق التبييض وتقلل من التعرق للاندر ارم (يعني مستحيه اقول اباط ولا على قوله امي حطي بالدلادغ اسمها يضحك لوول)
واهما كاتبين بعد ان نقدر نستخدمها للويه وبين الافخاذ بس انا ماجربت





4_صابونه الجاي الاخضر
حلوة حق الي فيهم حب شباب او بشرتهم دهنيه




5_وهذي صابونه الاس للشعر

جربتها مرتين بس مامشت معاي لان شعري مصبوغ
وهم بعد حاطين انها مفيده للتسلخات الي تصير تحت الابط واعلى الفخذين(اعلى الفخذين وين يعني؟ صوب الحوض!)




وصورتلكم البروشور مالهم ..عندهم بعد كريمات وزيوت مساج

وافرعهم بلبنان والبحرين

وعندهم سايت بس يبيله تعديل

www.tripolisoap.com

وسلامتكم:)

Q8 _كل عام واحلى بلد بألف خيير_ Q8

25 فبراير

2010

26 فبراير

كل عام وديرتي دايم بعز وخيير

صور من احتفالنا البسيط :)

Monawa3at ;)

مرحباا

أخباركمـــــــــ؟

حق الي يحبون سوالف البودي سبراي عقب الشور جربت شغلتين حبيتهم من ماركه bench

المحل موجود في مجمع البحر بحولي بس انا خذيتهم من حواي موجود بسرداب الشايع ..يعجبني شغل هالحواي واييب شغلات مو موجوده عند غيره واذا قال ان هالشغله زينه تطلع صج زينه ..اقول حق اختي مشالله شوفي بشرته تهبل خل اساله شتحط؟ جان تقولي يالله عاد استحي !

افف كله تدقر وتجعم :s

الي عاليمين البنفسجي raspberry

والازرق ei8ht

انا حبيت الازرق اكثر لان على نظافه وحتى البنفسجي زين

اسعارهم مااذكر بس مو اكثر من 3

الحواي ترى ماعرف اسمه كل مره اقول بثبت اسمه وكالعاده انسى

***

وشوفوا اختي شنو سوتلي :d

سوتلي كفر للعاي فون على حرفي

***

جربت ماسكرتين يدد

الاولي الحمرا من ريفلون اسمها double twist الحلو فيها انها تكثف بس لا اتكثرون عشان لا اتكتل بعدين يصير شكل الرموش مو حلو جنه عنكبوت اسود ميت بعينكم خخ

ب3،500

والثانيه من لوريال double extension مع سيروم التجديد(عاد يجدد شنو ماادري :s ) بس الي عرفته ان من محتوياتها بعد الخروع يعني عشتو تجميليه وعلاجيه

ب7،500

***

امس رحت الافنيوز ودخلت pimkie ولقيت هالتي شرتات الي على باباي

وخذيت على بنك بانثر وسنوبي

الواحد على 6ونص

ماقدرت اصور كل الي بالمحل

وهم ترى زارا وبول اند بير وبرشكا منزلين مثل هالطقه بس ماحبيتهم الرسومات محكوكين والالوان رايحه !


وحيااكمــ:)

اول يوم اجازة :d

مررحبا

أخبااركمـــ؟

اليوم انا حدي مستانسه لان

اليوم

اهوا اول يوم اجازه :d

خل اقولكم شسويت

اول شي قعدت الظهر 1 ونص جذي

طلبت من (مستر صبز اند رابس)

_صحن شاورما لحم( وايد حلو)

_ تشيلي بيف(نايس)

_ جاكت بوتيتو(ماكليته لاني شبعت)

_ هاش براون(الله يزيد النعمه)

كساديا(مو ذاك الزود)

وخذيتلي كيكه من الخباز وكتبت عليها بنفسي (أخيرا اجازة) لان الفلبينيه ماتعرف تكتب عربي

وحق رفيجتي

ورحت بابلز نيل سبا

سويت الثيرستي مانيكير ..والبيديكير سويت الglow قالتلي هذا يديد عاد جربته

مكانهم حلو وهدوء بس في ناس الله يهداهم لي مسكوا التلفون ينسوون عمرهم ويقعدون يصارخون ويقولون قصه حياتهم ماادري اهما طبيعتهم جذي ولا بالعماله يعني انا موجوده! بس اشوه انها ماطولت واطلعت مبجر خخخ

الثيرستي ماحسيت في فرق عن المينيكير العادي(انا مسويته من قبل) الي بشغله وحده حطت كريم ولفت ايدي بنايلون
والغلو عجبني كريمهم في لمعه و وناسه حسيت ريولي صارت ورديه

وهم بعد سوتلي فرنش مينيكير ماحبيته ماسوتي ياه مضبوط

كل هذا طلع ب28

لقطه عالماشي





وبعدها طلعت انا ورفيجتي ورحنا جيليز

وعقبها رحنا ستار بكس وشربت هوت جوكليت بس ماصورته

وبس هذا كان اول يوم اجازه

ياحلو الراحه بس :d

وسلاامتكم