السبت، 26 سبتمبر 2009

حنيت على هالصابون التونسي واخيرا لقيته بجمعية الشامية :)

مرررحبااااااااااااا
أخباركمـــــــــــــــــــــــــــــــــ؟
ماادري اقول مبارك عليكم الشهر ولا عيدكم مبارك ..ادري اني مقصرة وادري انكم فقدتوني بس شسوي اشغال هالدنيا :P
المهم مالكم بالطويله..
من فترة كتبوا بكذا منتدى عن صابون اسمه (صابون بلدي تونسي للعرائس) وانا من شفته تولعت فيه خخخ ،واشوه في وحده نزلت موضوع بمنتدى كويتيات ان هالصابون متوافر في جمعية الشامية والسالمية(هذا الي اذكره) وقريبا بالقادسية ..
وطبعا شريفه ماصدقت خبر طيران عالشامية واشوه لقيته وخذيت 3 انواع(الي بالنيله +الورد+الصبار) وفي بالاعشاب وفي واحد لونه احمر بس ماثبت على شنو وهذي صورتهم..


والحين بقولكم عن تجربتي:
انا لحد الحن الي جربته اهوا النيله لان اهوا اشهر نوع فيهم وهذي صورته..




وهذا شكله من داخل لونه يشوق وملمسه جنه طين ..ذكرني بطين الغزو اهي اهي


اول استخدام لي كان غلط لان غسلت فيه جنه شور جل يعني ما مداني استفدت منه بس الغسله الثانية لا حطيته على جسمي لمده 5 دقايق او اكثر وفركته شوي شوي وبعدين حطيت بالليفه شويه صابون مغربي وفركته.
والنتيجه:

حسيت بنعومه جسمي وانتعاش..هذا غير النظافه ، وان شاء الله بستعمله بالاسبوع مرتين عشان اشوف نتيجه احسن لان حاطين ان مع الاستمرار يزيل الشحوم الزائده والرائحه الكريهه والخلايا الميته والترهلات والبقع السودا وسواد الابط والفخذين والرقبه ومعالجه تشققات الارجل ويقضي على اليهك(شيطلع هذا ماادري) والصدفية ويستخرج الاوساخ ويخفف دوالي الساقين.
وبس هذا الي حبيت اقولكم عنه
ودمتم بخير وبصحه وعافية :)

هناك 18 تعليقًا:

رورو الشخبوطه يقول...

هلا شروفه..

ولكم باك..

قولي كل عام وانتي بخير تنفع لاثنين :P

ناويه اشتريه وكل ماقرر اروح الله مايكتب :(

ونعيما خيتو..

Fishah يقول...

الحمدالله على السلامه

وعيدج مبارك بس حدها متأخره :>

انزين شنو يعني النيله؟ مو جنها غلط؟ لول

واذا انتي ورورو بعد بتستعملووونه عيل بقلدكم لوول انا بس بقلد خخخخخ

Seldompen يقول...

مساء الخيــر ..

:)

وأنتِ بخير وصحة وسلامة ..

بصراحة ودي أشتريه أنا بعد ..

بس تتوقعين يبيعونه عندنا بالسعودية !!

ووين أشوفه ..

يبي لي أسأل عنه يمكن بالصدفه ألقاه ..



.. تقبلي زيارتي الأولى هنا ..


:) تحياني ..

Made n Q8 يقول...

رورو الشخبوطه

هللو رورو ..الله ينعم بحالج
يالله بعد شوي بشبك عالام اس ان بس خل اخلص شغلي اهي اهي..

Fishah

الله يسلمج يارب
اهوا الازرق اسمه النيله الصحراوية شنو اهيا ماادري خخخخخخخخخخ بس المهم ان زين :)

pen seldom

هلا والله
أي موجود عندكم اصلا اهوا انعرف عندكم قبل لا انعرفه احنا :)

وحـدهـ من البـشر يقول...

بيــه شخبااااري

انا ما استخدمته بس ادري انــهـ قديمـ



موفقه خيتوو

غير معرف يقول...

مشكورة على البوست ..في اللي بريحة لافندر اتوقعه احلى :)

Fishah يقول...

اخيرا قلدتج وخذيته :)

سبقت رورو وسيلدوم :>

شاي الضحى يقول...

اول مره اسمع عنه

بس شوقتيني ودي اجربه :))


مشكوره :)

ميمة السبيت يقول...

** الله وناسه صراحه اول مرة اسمع عنه ؟ انزين شلون استعمله يعني تفريك مثل الصابون المغربي ولا تفرك عادي ؟ انزين مايحتاج بخار ؟

انزين انا بشتريه و اذا طاح بجبدي ياويلج @_@

رورو الشخبوطه يقول...

فشه شريته من زمان باليوم اللي حطيت لج بوست الافلام وجربته الاسبوع اللي فات صار لوني ازرق :)

انتي خذيت اي نوع ؟؟

انا الاحمر والازرق..

ميمه انا استخدمته عاديه خليته ع جسمي شويه جم دقيقه وعقب فركته بليفه مغربيه وبس :)

خل انادي شروف تجاوب :)

Made n Q8 يقول...

وحـدهـ من البـشر

أي ادري ان قديم ويستخدومنه أهل المغرب العربي من زمان بس بالكويت توه يوصل!

Hanan
العفو ولو
والله ماادري ماجربت الي باللافندر


Fishah

لوووووول عليج بالعافية

شاي الضحى
ناطره تجربتج وحيااج الله

ميمة السبيت
شوفي اهوا لازم اتخلينه شوي على جسمج لمده 5 لي 10 دقايق عشان يستفيد منه جسمج وبعدين تفركينه بالليفه العادية او المغربية..بس انا الحين قمت اتعييز قمت اخلطه مع الشور جل خخ


رورو الشخبوطه

لووول رورو صرتي زرقا عيل المره الثانية اخذي وردي عشان اتصيرين وردية :)

bent el deera يقول...

القلوب شواهد توني متكلمه عنه ببلوقي

صج خوش صابون شكثر كودت منه بس ما تحسفت لانه صج ينن

تصدقين اللي بالنيله ما عجبني كلش اول شي ينشف وايد وثاني شي خلاني زرقه هههه

lazy dazy يقول...

انا لقيته بجمعيه العديليه .. بس تفاجأت حجمه حده صغير .. وبس للحين ما جربته ..

Made n Q8 يقول...

bent el deera

صج عيل خل اطل عليه وانا ترى للحين بالازرق ماخلصته :)


lazy dazy

أي انا لما كنت اشوفه بالصور عبالي كبييير بس طلع صغيير

Fishah يقول...

هالرد بأثر رجعي لووول

انا خذيت الازرق وصرت زرقه على قولت رورو :)

بس مسويته جنه حق شور عادي ماطول ولا شي :)

Made n Q8 يقول...

Fishah

أي أسهل شي مو دايما يكون لي خلق:)

Ļa ƒéммé يقول...

مشكووووره عزيزتي غرامي الصابون بجربه إن شاء الله

Made n Q8 يقول...

Ļa ƒéммé

العفو ولو :)