الأحد، 1 نوفمبر، 2009

معرض الهداايا :)

مرررحبــــــــــــــــا

أخباااركـــــــــــــــــــــمـ؟

الله يسلمكم يوم الخميس الي طاف خذيت خروجية من الدوام الدعله ورحت انا واختي لمعرض الهدايا ..انا قلت الحين بنروح وبنلاقيه فاضي ولا مشالله زحمه مالكم محطه ريل ،المهم صفطنا ولا نقرى مكتوب فوق الصاله المعرض السوري قلنا خل ندش دام ان قريب .. افترينا فيه ولا كله خلاجين وخماجير سوريا ماعجبنا الوضع بس اختي خذت منهم الحلاو مالهم





طلعنا من المعرض السوري ورحنا لمعرض الهدايا طبعا الي متعود يروح معرض الهدايا كل سنه راح يعرف ان هذا سيفوه وهذا خلاجينه ماكو شي يديد بس لازم حريم نحب التطمش...بس الي عجبني محلين صايرين يم بعض يبيعون اساور شغل لبنان واسعارهم واايد مناسبه ،شوفوا الصورتين الي تحت الاساور طلع مجموعهم 11 دينار




واختي خذت لعبه حق فطامي اول شي استانست عليها قامت تخمطها آخر شي خافت منها الحمدالله والشكر


وهذول اشكالهم عجبوني حتى ملمسهم جنهم صج الوحده على دينار،وبعد خذيتلي صابون من بوعبد بانافع بس ماصورتهم



هذي اهيا مشترياتي البسيطه من معرض الهدايا على فكره ترى مددوه لي 5_11 آخر يوم يوم الخميس الياي ..انا ان شاء الله لي روحه لمعرض الكتاب لان ما مداني ذيك المره سكروا الليتات واحنا بالمعرض يعني استحوا على ويهكم وطلعوا خخ
والملتقى ان شاء الله بمشتريات من معرض الكتااب :)

هناك 5 تعليقات:

رورو الشخبوطه يقول...

السلام ..

بالعافيه يارب ماشاءالله خوش اغراض تتهنين فيهم يارب,,

وسلم قلبها فطامي الله يحفظها يارب..

وكنت بروح معرض السوري اختي تبيه عاد قلت بروح له مره 2 اهو والهدايا والكتاب بس حجيج مايشوق عنه..

وناطرين بوست معرض الكتاب ان شاءالله..

Made n Q8 يقول...

هلا رورو الله يعاافيج يارب

انتي روحي عن خاطرج يمكن تلقين اشياء تعجبج لا عاد كلش ولا قعده باب الحارة لا اطوفج خخخ

رورو الشخبوطه يقول...

هلا مدمد..

اليوم رحت له..

بس مادليته ورحت مال الاكسسوات لبناني وكنت بنجلط اهي اهي..

بنزل السالفه بوست ان شاءالله..

Made n Q8 يقول...

وي اسم الله عليج شنو شفتي@@

انا بعد صادفني موقف واستغربت خو اهما عادي الشرهه على الي يعطيهم ويه..التكمله عالماسنجر :)

كويتيه حتـى آخـر نفَسْ :) يقول...

السلام عليكم

مدونه رائعه .. اتمنى لج التوفيق حبوبه

تحياتي لج

اختج بنت جابر ^_^