الأربعاء، 4 نوفمبر، 2009

الجزء الثاني(المعرض السوري_معرض الهدايا_معرض الكتاب)

مرررررحبــــــــــــــــــــــــــــــــــــــا
أخبااركمـــــــــــــــــــــــ؟ـــ
امس كانت رحلتي الثانية لارض المعارض انا واختي واحنا قايلين من اول..ان اول شي نروح معرض الكتاب ولي خلصنا نمر عالهدايا..طبعا الكلام كله انعكس :s
اول مادخلنا البوابه جان اقول دام احنا قريبين يم المعرض السوري خل ندخل ناخذ الحلاو خلصنا من الحلاو جان اختي توقف عند الي يبيعون ادوات الي يزينون فيها السلطه وهالسوالف وخذت منهم بس ماصورتهم وهم خذت حق امي الي يحطونها فوق ورق العنب عشان لا يتبطل ماعرف شسمها بس صورتها لكم تحت



ومع السوالف لقينا نفسها داخل معرض الهدايا :d
وشفت هالجنطه ماادري على أي اساس خذيتها لما رجعت البيت تحسفت


وخذيتلي هالاساور عجبوني


وقمنا نحوس ونحوس لما صارت الساعه 12 ونص @@
وين يمدينا نفتر بمعرض الكتاب!! بس هم رحنا وحللنا النص الساعه خخ
وخذيتلي هالكتب... الي عاليسار حق جوجو ولا طلع للي اعمارهم من 6 لي 8 سنين واهيا عمرها 4 سنين خخخ



الكتب الي عن الجرجير والكيك ملوت اختي











وبالاخير سكرنا الصاله وطلعنا مع الموظفين خخ
وسلاامتكم




هناك 7 تعليقات:

رورو الشخبوطه يقول...

السلام..

انا رحت الهدايا وحسبالي اهو السوري وين صايره قاعته؟؟

وهم خذيت حلاو نفسج بس من مال الهدايا..

ورحت مال الاكسسورات اللبناني وكنت بنجلط خخخ ..

والجنطة زينه..

وقراءه ممتعه بالكتب وبالعافيه يارب..

مشكوره..

Made n Q8 يقول...

وعليكم السلام رورو

صاله معرض الهدايا تصير ورا صاله المعرض السوري
والحلاو صار ادمان انا واختي خخخ

ومحل الاكسسوارات خلي على صوب لوووووووول بس الحلو فيه ان اسعاره مناسبه

Fishah يقول...

ليش تحسفتي على الجنطه ؟ شكلها نايس :)

عليج بالعافيه :>

انا ليلحين مارحت ولا واحد فيهم :)

Made n Q8 يقول...

Fishah

الله يعافيج يارب
ماادري شكل حلجها باط جبدي خخ

ترى معرض الهدايا خلص بس معرض الكتاب لي يوم السبت تقدرين تلحقين عليه

شاي الضحى يقول...

@@

جني شفت فييييييييييل؟!

ياحلوه ويضحك بعد يختييييييييييييييييي



عليكم بالعافيه :)

Made n Q8 يقول...

شاي الضحى

أي يضحك جنه صج خخخ

الله يعافيج يارب

Ļa ƒéммé يقول...

عليج بالعافيه يارب شوقتيني على غطا الورق العنب برمضان هبيت اسوي ورق عنب بس كنت احط صحن فخار إن شاء الله القى نفسها بالكويت وشكرا لج حبيبتي