الجمعة، 27 نوفمبر، 2009

سوق الديرة(سرداب الشايع)

مرررحبــــــــــــا
عيدكم مبـــــــــــارك
وكــــــل عــام وأنتوا بخـــــــير





امس انا واختي متفقين على ان نروح الافنيوز وجمعيه الروضه لان مسوين عروض بمركز التجميل مالهم بس انا كشت فيها ونمت ..مع انها المسكينه يت قعدتني بس ماكان فيني حيل:s
المهم صليت العصر ورديت انسدحت جان تقولي شنو بتنامين بعد!
قتلها بعد وين فيه مجال نطلع جان تقول امشي لولو هايبر ..قتلها خلج من لولو هايبر وخل نروح سوق الديرة من زمان عنه :d
طلعنا من البيت الساعه 4 العصر وتوقعت ان المكان زحمه بس اشوه كانت المواقف شبه فاضيه والناس شويه بس بعدين عقب الفطور قامت الناس تزيد..
دخلنا السوق وعلى طول على سرداب الشايع
وهذي مشترياتي
خذيتلي لوشن ماجيك +كريم ماكسي بيل للتقشير والتفتيح(انا قبل مستخدمه الصابونة مالته وهم نفس الشي تفتح وتقشر)











وكحل محمود سعيد+ماسكرا مكياج الفاشله خخ+ لمعه ماركه مكياج



بلاشر من كفر اب+لمعه الفازلين او الماي من شارمل ..اول ما حطيتها حطيت واايد وااي احس ويهي مدبق لوول بس بعدين حطيت شويه بطرف صبعي طلعت حلوة



بودرة لتبييض الاسنان ..تحطونها مع المعجون تبيض وتعطي ريحه حلوة عاد اول مابطلتها هفت علي ريحه دارسين اظاهر من مكوناتها الدراسين




شور جل 2 في 1 يقشر ويرطب للحين ماجربته




وصابونة من ماركه سكن وايت واللوشن مالها







ونوعين من كلونيا جونسون هذول ما احصلهم بكل مكان





وهذا كان فطوري :)









وحيااكم الله :)




هناك 17 تعليقًا:

شاي الضحى يقول...

عيدج مبارك

وكل عام وانتي بخير :)


كله اسمع عن سرداب الشايع بس ولا مره رحت له

لوووول بودرة التبييض شتطلع بعد

احب كلونيات جونسون هذوله اول مره اشوفهم انا عندي الميني (الي يصيرون صغار حيل) ريحتهم مو طبيعيه

وعليج بالعافيه :)


شكرا

رورو الشخبوطه يقول...

السلام..

عيدج مبارك..

احب الطلعات اللي تي فجاءه بدون تخطيط..

حبيت لون البلاشر حلو ماشاءالله..

والبودره الضروس عندي مثلها من ماركة ايفا بس ماجربتها..

امس كان ودي اروح المنصور عساس اجرب سيك تشش البنات مادحينه بس مدام خذيته لو سمحتي ابي رايج فيه ..

والكلونيا يشوقون ماشاءالله بدورهم..

مالقيتي الوسادة السحريه انا قلت بدوره بمحلات الفلبن وهالسوالف ..

وبالعافيه يارب الفطور والمشتريات ..

ومرسي..

اقصوصه يقول...

عسلا كل ايامكم عيد :)

Made n Q8 يقول...

شاي الضحى

هلا أيامج سعيده

سرداب الشايع يونس على قولتهم رخيص وكويس يعني اذا صايق خلقج وماتدرين وين تروحين روحي هناك..

بودرة التبييض امس جربتها حسيتها عادية بس مابي احكم عليها من اول استخدام بستمر وبشوف اذا صج ولا خرطي

والكلونيات الي انا ماخذتهم صغار وحبيت الوردية اكثر بس هم الخضرا حلوة وفي الي لونها ازرق ماحبيتها وجنه في اصفر بعد..و اذا في اصغر منهم خوش عيل عشان يخلصون بسرعه :)

والله يعافيج يارب

Made n Q8 يقول...

رورو الشخبوطه

أيامج سعيده يارب
رورو انا المهم عندي طلعه سواء مفاجعه ولا مو مفاجعه خخ

المنصور امس اول محل دخلته لان اهوا بالويه درت فيه حسيت ماكو شي يديد بس خذيت السيلك تاتش على مدح البنات توني سبحت فيه ترى مايرغي وايد لازم تستخدمين شور جل بعده.. بس حلو يعني ينعم

والوساده السحرية ماطرت على بالي كلش عاد قبل جم يوم رايحه الشامية لو ادري جان سألت الفلبينية الي فوق اهيا عندها سوالف الفلبين
والله يعافيج يارب

Made n Q8 يقول...

اقصوصه

آمين أجمعين

أحمد الحيدر يقول...

عتيج الصوف ولا يديد البريسم :)

عيدكم مبارك :)

Made n Q8 يقول...

أحمد الحيدر

ايامك سعيده

daloo3a يقول...

نااااايس ..

بس شو هالفطور ؟؟!! هذا هو الأكل الصحي صح خخخخخخ
اسولف بس

موفقه

و كل عام وانتي بخير =)

Hanan يقول...

عيدج مبارك وكل عام و انتِ بخير :)
وناسة والله احب سوق المباركية و القعده هناك و شرب الجاي .. ودي اجرب لمعة الفازلين بس مترددة و الكلونيا تهبل حق الصيف.. وعليج بالعافية:)

Made n Q8 يقول...

daloo3a

لوول هذا الي لقيته جدامي المهم شي ينوكل
وانتي بخير وبصحه وسلامه

Made n Q8 يقول...

Hanan

هلا أيامج سعيده

اتصدقين على كثر روحاتي لسوق المباركية بس ماجربت القعده هناك كله طير بطير خخخ بس خالتي تمدح القعده هناك تقولنا جربوها تونس

ولمعه الفازلين حلوة بس لا تكثرين منها لانها تدبق يعني اذا سلمتي على احد راح تلصقين فيه خخ

الله يعافيج يارب

Engineer A يقول...

عيدج مبارك ..


وعليج بالعافية :)

Made n Q8 يقول...

Engineer A

هلا أيامج سعيده والله يعافيج يارب

غير معرف يقول...

I absolutely love your blog and find the majority of your post's to be precisely what I'm looking for.

Would you offer guest writers to write content for you personally?
I wouldn't mind creating a post or elaborating on many of the subjects you write about here. Again, awesome weblog!
Stop by my web blog : GFI Norte

غير معرف يقول...

We are a gaggle of volunteers and opening a brand new scheme
in our community. Your web site provided us with helpful information to work on.
You have performed a formidable task and our entire community
shall be grateful to you.
Also visit my web-site - GFI Norte

غير معرف يقول...

The other day, while I was at work, my cousin stole
my iPad and tested to see if it can survive a 25 foot drop, just so she can be
a youtube sensation. My apple ipad is now destroyed and
she has 83 views. I know this is completely off topic but I
had to share it with someone!
Look into my homepage : perfumes