الأحد، 20 يونيو 2010

أنا والبيض :S

قبل لا تسافر امي الله يردها بالسلامه الحمام او الحمامه باضت
عاد قلت ودي اخليهم يفقسون قبل لا اتيي واوديهم لها المطار كمفاجعه يعني
وانا من امي سافرت ما مهنتي الا بس مجابلتهم ابي البيض يفقس مو راضي ماصارت عااد لي متى بجابلكم
سالت اختي عندج فكره عن بيض الحمام جم يبيله عشان يفقس؟
جان تقوول لا والله ماعمري ركيت على بيض !
انا اذكر قبل كان ولد خالي يحط البيض بشي مثل الفرن
بس فيني عقده من الجوله اخاف منها:s
شوفوهم






هذي ماحبها ماتقعد عالبيض بضمير تقعد بالطرف اظاهر هذي مرت الابو





اهوا اسبوع ماكو غيره اذا مافقسوا يا اني احطهم بالمايكروويف بدال الفرن او اني اسويهم بيض عيون واكلهم!

هناك 16 تعليقًا:

Engineer A يقول...

looooooooool

ههههه صج صج ضحكتيني :)) وليش حاطه دوبج دوب هالبيض والحمام؟؟ بس زين تسوين مجابلتهم على الأقل تكسبين أجر وبنفس الوقت تتسلين وتضيعين وقت :)

قوليلنا عاد شيصير عليهم وشنو مصيرهم ،، والله يرد لج الوالدة بالسلامة يارب

cheese 7cake يقول...

كاااااااك عاد المايكرووويف الله يقطع بليسج

هاذي حبيبتي اله خاصة حق التفقيس مو فرن فيها حرارة خاصه نفس حرارة الام لما ترك على بيضها ولها عدد ايام معين اتوقع 25 يوم والماكينه تقعد تقلب البيض بين فترة وفتره عشان ما يخترب ...........

ان شاء الله اكون فدتج بمعلومه:)

رورو الشخبوطه يقول...

تروح وترد بالسلامه ومحمله بالهدايا :)

خخخ ضحكتني اختج خخخ واحلى شي بتاكلينه لا حرام تعورين قلب اميمتهم :\

ويتربون ويفقسون بعزكم ..

ومرسوو..

Fishah يقول...

هههههههه لاااااااااااااااا لاتتهورين كلش ولا اتحطينهم بالمايكروويف لول

انزين عاد تابعي الموضوع .. ودي اشوفهم اول ما يطلعون :>

الله يرد لج الماما ان شاءالله بالسلامه وتفرحين بردتها مع تفقيسة البيض ههههههههه

على طاري هالبيض .. تدرين شنو ودي ؟ ودي اشوف شكل بيضة النعامه لما نسويها بيضة عيون @@

:)

كوكتيل يقول...

لا يمعوده حرام عطيهم فرصة ثانية :)

غير معرف يقول...

LOOOOOOOOOOOL laaa laaa mayen7a6oon bel microwave latashweenhom! yabeelhom makeena 5a99a et7e6eenhm da5elha 3ashan yafgeson bser3a ;)

شاي الضحى يقول...

لوووووووول

انتي من صجج

هذذي مكينة تفريخ عند خالي نفسها

لا تشوفين الحمام الي عندنه ويع ما احبهم مو مربينهم بس في مكان كله يقعدون فيه جنه فاتحين لهم مستشفى ولاده

وحده تبيض وتخلص شغلها وتيي الي وراها وتعالي شوفي وصخهم

ما يطولون وايد لان اشوفهم بسرعه وبعدها يطلعون الفريخات

بس لا تتهورين وتاكلينهم :q

Made n Q8 يقول...

engineer a

مو شسوي ضقه خلق بالبيت ماكو الا اسلي نفسي فيهم خخ

لا ان شاء الله بقولكم شصار عليهم :)

Made n Q8 يقول...

cheese 7cake

وييه هذا الاله من وين اييبها؟

شكلي انا ببرك عليهم وافتك خخ

Made n Q8 يقول...

رورو

الله يسلمج يارب

عاد موصيتها على جم شغله ان شاء الله تعرفهم واتييبلي ياهم ولا ترى ما اييبها من المطار خخخ

Made n Q8 يقول...

fishah

لا ان شاء الله بتابع

بس البيض حده صغييير ماادري شلون بيطلعون !

الله يسلمج من كل شر


لووول بيض النعام كبيير اتهقين يصير بيض عيوون؟؟

Made n Q8 يقول...

كوكتيل

خلاص بممدلهم وبشوف اخرتها معاهم ..ماادري شيبي يطلعون اقصاهم حمام خخخ

Made n Q8 يقول...

crazy yet wise.com

لا مو كفو اشتريلهم مكينه مايسمعون كلامي يفقسون يعني يفقسون مو بكيفهم :P

Made n Q8 يقول...

جايونة

وييه انتوا حمام احنا قطاوة وااي يخرعون وتعالي عاد لي قربنا من عيالها تعطييج الميااو الي توقف قلبج من الخوف

Abdulwahab يقول...

لووووووووووول لا تحطينهم بالفرن , و لا تقتلينهم نطري 18 يوم من طلعوا , اذا ما فقسوا اكليهم لووول

Made n Q8 يقول...

عبدالوهاب

اخاف انطر 18 يوم يخيسون بعدين اكلهم اتسمم :P