تجربتي لكحل الأثمد

السلام عليكم ورحمة الله وبركاااته

اول شي حابه اقول عظم الله اجوركم لضحايا حادثه الجهراء

قال رسول الله صلى الله عليه وسلم:

ان لله تعالى ماأخذ، وله ما اعطى ،وكل شيء عنده باجل

نسأل الله الرحمة والمغفره لروحهم.. والصبر والسلوان لذويهم

والحين ندخل بالموضوع..من فتره وانا ماادري شفيني طاق ابالي ابي رموشي تصير طويله بس مو عارفه شلون!

وانا احوس بالمنتدى لقيت وحده عارضه منتج عباره عن زيوت لتطويل وتكثيف الرموش وحاطه تجارب البنات ومشالله كل وحده تمدح بالزيت والنتيجه الي حصلت عليها..جان اقوم واطلب منها هالمنتج واستمريت عليه لمده اسبوع وصج حسيت بفرق بالطول شي بسيط ..واستمريت عليه بس بصراحه ماكنت احطه بصفه يوميه ..

ومن بعدها هم وحده حطت عن جل للحواجب والرموش ماادري اذا تعرفونه اسمه اكرينال وحفظت اسمه عشان اذا رحت الصيدليه آخذه ،جان تقولي اختي ليش تشترينه كاهو عندي ومااستخدمته الا مرتين جنه..خذيته منها وقمت استخدمه وكالعاده اولها اشتط واحطه باليوم مرتين وبعدها قمت احطه بالاسبوع مره :s

المهم ذاك اليوم قريت موضوع عن المستحضرات الي اطول واتكثف الرموش وكاتبين ان اغلبها مضرة للعين الي اتسبب حول والي تسبب ضعف والي ماادري شتسوي..قلت لا يحوشك بروح النظر الله بالخير هالدور بعد حوله :s

قلت انا شالله حادني ليش ماانرد عالطبيعه وعلى سنه رسولنا على الصلاه والسلام منها أجر ومنها استفاده يالله من فضلك ..

واتذكر ان خالتي يزااها الله خير يابتلي من السعودية كحل اثمد واقوم آخذلي شويه واخلطه بالماي واحطه على رموشي وشويه داخل عيني(ترى اذا دخل بالعيون يحرق بس عادي لاتخافون ما منه مضره) بس عيبه الي من المدينه ان لما اتحطونه يتناثر ما يثبت..وذاك اليوم اختي يابت كحل اثمد من الحواي(حواي القادسيه) ولت عنده واحد اسود والثاني احمر..الاحمر يستخدمونه الرياييل اكثر لان مافي لون اما الأسود الحريم يحبون يستخدمونه لان في لون اسود ويصير مثل الكحل..

ويتني اختي جان تقول ترى جربت الي من الحواي وحلو مايتناثر مثل الي عندج..وقتلها دامج مدحتي المره الثانيه لما تروحين ييبيلي منه :P

وماقصرت اخيتي يابتلي منه وخلطت شويه من مال المدينه وشويه من مال الحواي وقمت استخدمه والحين من بعد هالقرقه أخيرا بكتب النتيجه الي شفتها :P
..

1_ طلعتلي رموش يديده :d
2_ الطول حسيت بشي بسيط مو وايد بس لما احط الماسكرا يوصلون لي حواجبي.
3_ انا البس عدسات طبيه كل يوم لان نظري ضعيف ومااحب البس نظارات وتعرفون ان العدسات تسبب جفاف بس مع استخدامي للكحل الاثمد الجفاف خف حتى بياض عيني ردت له اللمعه الطبيعيه مو مثل قبل ناشف .

وبس هذي النتايج الي حصلت عليها من استخدامي للاثمد انا بعد قريت ان يقوي النظر بس يبيله استمرار انا الحين صارلي شهر وشوي بس للامانه مو كل يوم احطه..

وهذي صورهم الي عاليمين اهوا الي من الحواي والي عاليسار مال المدينه

موضة الــ Bright Clutches

مرحباااااااااااااا

أخباااركم؟ ;)

هالمرة البوست الي بحطه لكم راح يكون عن الموده..نغرت من رورو :P

المهم وانا احوس لقيت جم صورة لجناط Clutches شكلهم حلوين وكيوت بس عاد وين يقايشون دثرتي انا بس نظارتي وبوكي يبيلهم جنطه بروحهم :s

واخلييكم مع الصور......

على شكل فيونكه تونس

هذي حلوة بس لو لون ثاني بتكون احلى

وبس

شكراا للمتابعه :)

طريقه اهتمامي في My Lips

Hello

شلووووووووووونكم عســـــــــــــــــــــــاكم بخـــــــــــــــــــــــــــــــــــــــــر

راح اكتبلكم طريقه اهتمامي بشفايفي لان طفارتي شي اسمه شفايف ناشفه او متشققه :P

1_ جل خذيته من حنان دشتي على اساس ان يتفخ الشفايف عالمدى البعيد طبعا لا يتفخ ولا قالها الله..خرطي

2_ مرطب للشفايف خذيته من المنصور على كرز وهم حاطين ان يتفخ مع الاستمرار ..بصراحه حلو بس كترطيب اما تفخ لا،حتى الي الفلبينية الي تشتغل هناك قالتلي ترى مايتفخ بس انا خذيته مافيني صبر



3_اول واحد من فكتوريا سيكرت يتفخ بشكل مؤقت حلو احطه قبل الحمرة يعطي انتفاخ بسيط ولون وردي طبيعي..والي تحته من توفيسد ونفس طقه فكتوريا سيكرت

4_ تافخ للشفايف من بوتس حلو بس مال فكتوريا وتوفيسد احلى منه وهذا بعد طعمه ماادري شلون قايل يلوع الجبد شوي

5_مرطبات للشفايف من لابيللو ونيفيا واايد حلوين احطهم بالبيت ولما اطلع

6_ من سالي هانسن اول واحد عاليمين علاجي يعني مع الاستخدام المنتظم راح يبين مفعوله مكون من الكولاجين يعبي الفراغات الي بالشفايف اما الثاني بس تجميلي يعني قبل لا تحطين الحمرة تحطين منه ملطف ويعبي الشفايف

7_ حمايه 15 اس بي اف+لون واايد حلو وطبيعي

8_ وهذا من لابييللو فيه حمايه 25 اس بي اف +مرطب هذا ما استغنى عنه

9_ مرطب للشفايف من اولاي ضد علامات التقدم بالسن(ترى توني صغيرة بس الاحتياط واجب :P ) احطه قبل النوم لما تحطينه تحسين ان يقززج شوي بس عادي يعني.

10_ آخر شي الي اهوا مرطب من سيفورا من طقه لابييلو ونيفيا

وبــــــــــــــــــس سلاااامتكم

صابونة المرة والكركم من الصابونات الي احبهم حيل :*

الســــــــــــــــلام عليـــــــــــكم ورحمـــــــــة اللــــــــــــه وبــــــركاااااااتــــــــــــــــــه

بكتبلكم اليوم عن صابونة خذيتها من بوعبد بانافع كانوا نازلين بارض المعارض بمشرف اسمها صابونة المرة والكركم صج عجيبه حق الحبوب وآثارها واهيا تعتبر مطهره بعد ..وانا بعد مو بس استخدمها حق ويهي استخدمها حق مكان ثاني(خاص بالبنات) من بعد ما اشيل الشعر اغسل المنطقه فيها كل يوم مرة وحده.. هالشي ما يخلي الحبوب تطلع وتحسين المنطقه صارت نظيفه وفرش ..

جربوها ان شاء الله تفيدكم ;)

فتح الخير سنه 1999 بمنطقه الدوحه قبل وضعه في المركز العلمي

السلام عليكم ورحمة الله وبركاته
امس ماادري شطرا على بالي قبل تقريبا 10 سنين روحتنا مع يدي (الله يرحمه) منطقه الدوحه عشان يراوينا بوم فتح الخير الي الحين موجود بالمركز العلمي .. وقعدت ادور الالبوم الي في الصور وهم بعد لقيت الكتيب الي عطونا اياه

واختي هني كاتبه الذكرى يوم السبت 3_4_1999 الساعه 6 وربع المغرب..وكاتبه اسامينا بعد :d

وسلامتكم

Bath مدينه من روائع بريطانيا

مدينة باث هي مدينة تقع في جنوب غرب لندن ،تعتبر من اهم المناطق السياحيه سواء من اهل الديرة نفسهم او من الدول الي حواليها (والحلو فيها ان العرب للحين ماغزوها :d ) مشهورة بحماماتها الاستجمامية والعلاجيه الي مصدرها 3 ينابيع حارة (اهي اهي ماتهنينا بحماماتها مالا داعي اقول ليش :P ) وهالحمامات مو توها موجوده صارلها فترة تقريبا من زمن الرومان ...واذا تمشيتوا بهالمنطقه راح تلاحظون وجود تماثيل على شكل خنزير على اشكال مختلفه..عاد لما سالنا ليش جان يقولون ان المؤسس لهالمنطقه كان يحبهم ويربيهم عشان جذي اهما مسوينله هالخنازير تكريم له (والله اعلم)..ولا انسى اقولكم ان هالمنطقه موجود فيها جامعتين من ارقى الجامعات في بريطانيا والعالم كله وهما جامعة باث وجامعه باث سبا.
وبالنسبه للسكن في الفنادق شوي غالي ..يعني اغلى من العاصمه لندن !!

والحين بحطلكم الصور الي انا صورتها..يالله بالزور لقيت صور تصلح للعرض اغلب الصور رازين عمرنا فيها وايد معجبين بعمرنا خخخ

وهذا محل اسمه ارجوس عجيب فيه كل شي تبونه يعني من طقه ايكيا بس على اشمل اكثر وارخص

هذي المقابر مالت المنطقه

وهني بالطيارة :d

والمطاعم تلاقون ماكدونالز وبرغر كنج وبيتز..الخ ا وفي بعد مطعم تركي وسوري واكيد المطاعم الي تبيع اكلاتهم الشهيره مثل fish &fries ،واشهر مطعم هناك اهوا مطعم sally lunn`s الي اهيا صاحبه الشخصية الحقيقية للمسلسل الكارتوني سالي

وهذي الواجهه مالت المطعم

اما الاسواق مافيها سوق كن نضطر نروح بريستول او ننزل لندن عشان السوق بس اهيا كان فيها سوق شعبي بس حسافه شالوه على اساس بسوون مكانه مجمع والافتتاح بكون ب2010 وحاليا موجوده بس المحلات المعروفه مثل Gap - Bhs _ top shop _لوكستيان_ لاش_ ماركس سبنسر_كليرز_ jane norman _ dorthy perkins_ ومحلات للاشرطه والديفيدي _صالونات_محلات تلفون وكمبيوترات...الخ

اعتذر عن عدم ترتيب الموضوع بس المهم ان التقرير يوصل لكم :d