الجمعة، 20 نوفمبر 2009

رشــاش صـلاح الديـن!!

مرررحــبا
أخبااركم؟
اليوم وانا قاعده اتصفح الجرائد الاعلانية شفت اعلان عن لعبه للاطفال اسمها رشاش صلااح الدين!
اول شي حبيت اقوله من متى صلاح الدين كان عنده رشاش؟ انا خابره على أيامهم يحاربون بالسيوف ،خناجر، أسهم يعني اسلحتهم على قدهم بس رشاش ماسمعت كلش..
بس كسروا خاطري عيالنا بخربون برائتهم ..يعلمونهم عالارهاب وذبح مذابح وأهم شي شكل الرشاش يخوف ولونه اسود جنه صجي،عالاقل خلوه ملون حطوا عليه رسومات عشان يبين انه حق طفل!
وبالاخير بس حبيت انصح الي مسوي هاللعبه واقوله لو مسويلك كتيب صغير تحط فيه بطولات صلاح الدين مع صور توضيحيه ويكون الكلام فيه مختصر عشان يقدر يستوعبها الياهل احسن وايد من هالرشاش
وهذي اهيا صورة اللعبه

وحيااكم :)

هناك 23 تعليقًا:

رورو الشخبوطه يقول...

السلام..

مو خوش لعبه ولا المميزات !!

احس ماكو طفولة الحين ..

مشكوره..

Fishah يقول...

شاللعبه البايخه .. الصراحه حتى شكلها ما يجذب :<

حلاته الالعاب تشجع الياهل ان يمارس شغله رياضيه سواء بدنيه او حق عقله .. يشغل مخه وتفكيره

مو رشاشات ! يعلمونهم العنف من صغرهم !

شاي الضحى يقول...

بالله عليهم وين الفايده من هاللعبة؟!

واهم شي انه يحتوي على انشوده في مسجد الاقصى بصوت الرشاش الطبيعي !!!!!!!!!!

شنو الحلو لما الياهل يسمع صوت الرشاش الطبيعي؟!

لا وفيه لمبه زنون بعد ههههههههه

شكرا :)

بو عبدالملك يقول...

اقسسسم بالله ان اللعبه هذي مفييده
هذي اللعبه تعرف الطفل على شجاعة صلاح الدين الايوبي وتعلمه ان صلاح الدين الايوبي فتح فلسطين بسيف مع جيشه الذين كانوا حفات عراه

وهذه اللعبه تغرز في الطفل عقيدة الجهاد في سبيل الله لرفع كلمة لا اله الا الله التي مات من اجلها الصحابه رضوان الله عليهم وسلف الامه رحمة الله عليهم
وهذه اللعبه تجعل الانسان المسلم انسان عزيز لايرضى بالذل
ليس ك اطفال النصارى والكفار ومن اذنابهم منافقين المسلمين من يتسمون بالعلمانيه واليبراليه
الذين يربون اطفالهم على العاب باربي والبلاي ستيشن ويعيشونهم عيشة ترف وعندما يكبر يظهر لك نصف رجل

ولايضحكووون عليك بعض الردود الذين يقولون ان اللعبه تعلم على القتل وانها تختلف وان الافضل ان يلعب كرة قدم او يتعلم من كتاب علماني او ليبرالي تافه

بالنهايه اللي ابي اوصله
ان الامه الاسلاميه محتاجه لرجال امه مجاهدبن يعرفون كيف يستخدمون السلاح

ولاتريد شباب اكبر همهم اللهث وراء النساء والمطالبه بالحريات وتحرير المراءه

انا اعلم ان الرد يمكن مايعجبك واعلم ان الرد مااتوقع ان راح ينشر
لكن بوصل رساله الناس غافله عنها بسبب الابتعاد عن الدين
والسلام عليكم ورحمة الله وبركاته

Made n Q8 يقول...

رورو الشخبوطه

هلا بالزين فاقدتج جم يوم ماكلمتج في سوالف وايد ان شاء الله لي شبكنا اقولج :)

Fishah

أي والله حرام عليهم ما اتخيل ان ياهل بو 4 سنين ماسك هالرشاش ويلعب فيه!
وحيااج الله

شاي الضحى

الفايده ان بخلون عيالنا يصيرون صلاح الدين الارهابي بس مو عارفين شلون :s
وحيااج الله

ابو عبدالملك

رايك عالعين والراس دام ان انكتب باحترام وبدون تجريح..بس هم مااتخيل نفسي اعطي ياهل هالرشاش واقوله هاك اتعلم بطولات صلاح الدين.. أصلا انا قاعده اجذب عليه لان على ايامهم مافي رشاشات !
وبصراحه انا اشوف ان امتنا محتاجه تتعلم شلون تستخدم سلاح العقل لان ماكو كثرنا يشتري اسلحه من الغرب..وحيااك الله

بو عبدالملك يقول...

يحوووول يالناس هذي
يابن الناس اللي يشتري الاسلحه هذي ومايستخدمها هذا خائن واللبيب بالاشاره يفهم

اما سالفة انك تعطيه رشاش وتخليه يلعب فيه انك تجني عليه وان على ايام صلاح الدين الايوبي مافي رشاش
ياحجي ايام صلاح الدين مافي رشاش كان سيف لكن الزمن تغير الحين الحرب بسلاح رشاش
هو المقصد من اللعبه ان يتعلم شجاعة خالد بن الوليد وقوته وعزته وكرامته وجهاده في سبيل الله ونصرة المستضعفين وان اللعبه هذي حاطين صورة الاقصى مثل ماتقول رساله من المسلم القادم الذي سوف يفتح فلسطين يعني تبعث فيه الحماس الجهادي
الا تريد ان يكون احد اطفالك شهيد او قائد؟؟

اعتقد ان لو عندنا حاكم مثل خالد بن الوليد جان فلسطين من زمان تحررت وريحنا بالنا

اما سلاح العقل فانظر الى سيرة الصحابي سلمان الفارسي رضي الله عنه عندما استخدم عقله ماذا فعل بغزوة الخندق!!

Made n Q8 يقول...

ابو عبدالملك

حيااك الله للمرة الثانية..و على فكره انا بنت

شاي الضحى يقول...

انا اشك ان ابو عبدالملك ارهابي

وميد ترا اهوا كله جذي يشوف المدونين كلهم رياييل ;q

ابو عبدالملك خالد بن الوليد قااااااااااادم باذن الله وامه بتكون ""سلوى المطيري"" ابشروا بالخير يا عباااااااااااااد الله

يعني الحين الياهل اذا عطيناه هالرشاش بتتحرر القدس؟

منو قالك ان هاللعبه تغرز فيه الجهاد ؟!!!!

واتوقع انك انت المورد لهذا الرشاش ... تسويلي خصم؟ ابي 2 بفجر فيه راس بعض الناس


انا اقول خلك من مجابل النت والتفرفر في مدونات ""البنات"" وقوم صل لك ركعتين واستغفر ربك في هذي الأيام المباركه

بو عبدالملك يقول...

شاي الضحى
اي انا اكبر ارهابي في سبيل الله
الله سبحانه وتعالى يقول في كتابه العزيز (واعدوا لهم مااستطعتم من قوه ومن رباط الخيل ترهبون به عدو الله وعدوكم ) شرايك بعد يعني الارهاب مشروع

شاي الضحى يقول...

لوووووول انت 24 ساعه مجابل البلوقات وتدعوا الى دين الله

انت ما عندك شغل؟ ولا من الي يقولون ان شغل الحكومه حرام؟

بس شلون تدفع اشتراك الانترنت؟!

اووووه صح نسيت من فلوس رشاشات الأطفال لانك مورد

وبعدين الآيه تقول قاتلوا من كان """عدو الله""" مو اخوانكم المؤمنين

والإرهابيين القتله ما يمثلون المسلمين ولا يتكلمون بإسمهم

وكل الإرهابيين ""أمثالك"" يستندون إلى آيات بينات تأمرهم بان يرهبوا اعداء الله وايضا يستندون إلى احاديث نبويه شريفه ويقاتلون الكفار والمشركين ويقاتلون حتى يشهد الناس ان لا اله الا الله وان محمد رسول الله ... وطبعا هذا كلامكم الي حفظناه في كل مكان يسوون فيه مناظرات تقولونه

وطبعا انتوا قاعدين تشوهون صورة الإسلام والمسلمين

منو مسويلك غسيل مخ؟!

Made n Q8 يقول...

شاي الضحى

ههههه بدعتي
عاد قاعده اقول حق رورو الصبح هذا شفي قلبني ريال جرح أنوثتي خخخ

شاي الضحى يقول...

اتني مع رورو بنفس الدوام؟

رورو الشخبوطه يقول...

لا جايونه احنا زميلات دراسه وصديقات نت :)

بو عبدالملك يقول...

شاي الضحى
يعني شنو حارك الحين اذا انا ادعي الى الله
على الاقل انا ادعي الى الله عكس الليبراليين والعلمايين دعاة الى ابواب جهنم
ناس تقول شغل الحكومه حرام هذي اول مره اسمع فيها
الظاهر هذي تاليفه من عندك

المهم

شوف انت اللي تبي توصله ان الارهابيين يقتلون المسلمين والابرياء

شوف طبعا انت مصدر اخبارك قناة العربيه والجزيره
واتمنى تروح وتبحث منو صاحب قناة العربيه الاساسي

ثانيا في شركه اسمها (بلاك ووتر) ابي اعطيك رابط عنها علشان تعرف منو اللي يقتل المسلمين الابرياء
http://www.aljazeera.net/NR/exeres/9968E64C-318B-4541-9BD7-BE543C55A4DF.htm

ثالثا سيدك بوش سابقا وحاليا سيدك اوباما
كم قتلوا مسلم بالعرق وافغانستان

رابعا
اعلم ان ليش اذناب امريكا من العلمانيين واليبراليين الذين يمثلون الاسلام
واعلم ان الاسلام لم يتشوه بل زاد عدد المسلمين بامريكا بعد ضربة 11سبتمبر

وخامسا
انا لو اقعد وياك ويقعد وياك بن لادن ويقول لك انا مافجرت وانا ماسويت كيت وكيت ماراح تصدق تدري ليش انا اقولك
لان سيدك بوش زعلان من بن لادن

شاي الضحى يقول...

رورو

اها انا علبالي انكم صديقات بالدوام ... وناسه الله يتمم عليكم :)


ابوعبدالملك

كل ما ييت بكتب تعليق واحط ""اسمك"" يفصل الــنــت!!!! يا ترى ما هو السبب!

ترا لجيتنه وقلبت مدونة البنيه الى ""لجنة التعريف بالإسلام""

اي تصدق اني محتره وميته حره بعد؟! تدعو الى دين الله عن المسلمين والمسلمات والمؤمنين والمؤمنات؟! يا عبد الله في مدونات وايد للكفار والمشركين روح ادعو عندهم وان شاء الله تنال الشهادة في مدوناتهم

لا ما ألفت شي من عندي بس في ناس من ربعكم قالوا هالحجي الظاهر ما وصلك

خنشوف شنو المهم @@

لا مو الي ابي اوصله هذا الصج

لا عفوا اخي المسلم انا مصدر اخباري ""بوراشد"" ;q

شكرا على الرابط بس ما احتاجه

سيدك؟!! اهاااا سيدك "انت" اوكي الحين فهمت ههههههه

تصدق ما عديتهم .. عطني فرصه اعدهم واقولك بس متى الـ dead line عشان اسلم لك التقرير؟ ما قلتلي تبي اعد معاهم الي قتلوا في غزة ولا اسرائيل مو بالحسبه؟ واذا عديت الي بغزة اخذ عليه بونص ولا ما يدش بدرجة التقرير؟


اي عدل زاد والبركه في بن لادن خوش طريقه عشان الناس تدخل الاسلام .... HUH كل هذا وتقولي ما تشوه

لا لا لاااااااا تقعد وياي @@ يا كبرهاااااااااااا عند الله ... ما تدري ان الاختلاط حرام؟! وما تدري ان ما خلى رجل """بامرأه""" (الي اهيا انا) الا كان الشيطان ثالثهم

كل واحد يقعد ببيتهم احسن

الحين منو الي زعل ما عرفنا بوش ولا اوباما

اذا اوباما بقوله: زعلان الأسمر ما يقولي مرحبا

وبعدين انت ما عندك شي اسمه ""انثى"" جم مره اقولك انا بـــــنــــــت مو ولـــد ولا انت من مؤيدي وأد البنات؟!

وسلم على ام عبدالملك قولها شاي الضحى تسلم عليج سلامن جثيييير وتقولج تعالي شربي جاي عندها باجر الضحى ناطرتها

ولا تتعب نفسك وتعور راسك معاي روح جاهد ببلوق ثاني رجاء ... هالبلوق مو ساحة معركة

بو عبدالملك يقول...
أزال المؤلف هذا التعليق.
Made n Q8 يقول...

شاي الضحى


هههه بدعتي والله قمت اضحك بروحي الحين عبالهم مو صاحيه ..خخ كلش عاد ولا اوباما زعلان الاسمر مايقلي مرحباا

شاي الضحى يقول...

made

لوووووووووول منو مسح التعليق اهوا ولا انتي

ما شفت شنو قال ابي اضحك ;q

بو عبدالملك يقول...

بالاول رديت

بس شفت انج مستانسه وميد ان كويت تطبلج قلت ماابي اخرب عليها وناستها

شاي الضحى يقول...

لووووووووووووووووووووووووول

اخيييييييييرا اخيييييرا عرفت اني بنت

كلولولولييييييييييييييش

قميضه خربت وناستنه ... بس يالله كله بميزان اعمالك ان شاء الله

فرصه سعيده ;q

Made n Q8 يقول...

ابو عبدالملك

امبييه شنو تطبلج اسلوب cheap بصراحه!

Made n Q8 يقول...

شاي الضحى

دام السالفه فيها تطبل خلينا بعيد عن الشبهات لوول

شاي الضحى يقول...

ومسوي نفسه متدين ويدعو إلى دين الله بس طلعت الصجيه ...... لا تعليق



بس كل من يرى الناس بعين طبعه